محتاج نصيحة ضرورى لشراء bmw للاهمية القصوى

السلام عليكم كل عام وحضراتكم بخير
رجاء محتاج من حضراتكم نصيحة ضرورى بارك الله فيكم لانى اول مرة هدخل عالم بى ام
عايز اشترى x3 وقدامى واحدة موديل 2009 ماشية 60 الف كيلو بس . جنط 17 . مثبت سرعة . بانوراما فرش كونياك .. 2500 cc .. حالتها ممتازة جدا الحمد لله . استيراد المانيا .. كانت اول يد تبع السفارة الالمانية ثم ثانى يد من البائع الان .. صاحبها طالب 375 الف جنيه

ايه رايكم فى العربية بصفة عامة ..
ثانيا هل السعر ده مناسب للمواصفات دى والا كتير
ثالثا هل ممكن اغير الجنوط ل 18 لان شفت واحدة بيهم كانت اعلى شوية من دى ولا ميركبش عليها 18 ..
رابعا ترشحولى اكشف عليها فين

محتاج رايكم انهاردة بسرعة بارك الله في من اكرمنا بالنصيحة

صباح الخير يا باشا ومبروك مقدما علي العربيه الجديده وربنا يديك الخير دايما انا هحاول ارد عليك في اللي أعرفه بس
أولا بخصوص ال x 3 هي عربيه ممتازه جدا وهتساعدك كتير وخصوصا علي طرقنا الحلوه اللي هتمشي عليها غير معظم السيارات السيدان والبي أم كله جميل وعربية بمعني الكلمه أقصد البي أم كله .
العيب اللي ممكن تحس بيه شوية لو مش متعود علي العربيات المرتفعة انها مش ثابته ذي السيارات السيدان بس مع التعود هترتاح فيها وهتفهمها
بخصوص القيمه صراحه معرفش ليه حسه غالي شويه
بخصوص الجنط طبعا ينفع وينفع اكتر من كده كمان يعني معاك لغاية 19 علي الأقل .
بخصوص الكشف علي العربيه منصحكش أي مكان غير التوكيل وخلي بالك صيانه العربيات دي غاليه يعني متتهاونش بيها كمان الكاوتش غالي جدا ولو رن فلات مكلف يعني الأربع فرد مش أقل من 9000 جنيه نصيحه لوجه الله العربيه مكلفة وصيانتها غاليه كل اللي عليك روح التوكيل يعملك تقرير باللي مطلوب كله ويا اما البائع يدفع قيمه الصيانه المطلوبة أو تنزل من قيمه السيارة
وربنا يوفقك بإذن الله .
أتمنى أن أكون افادتك

ال x3 طبعاً مش محتاجه كلام
كفاية أنك هتحس أنك راكب الطريق ومتمكن منه ،
وبالنسبه للسعر هو عالي شوية لكن ماتنساش علي حسب كلام حضرتك أن العربية ماتهانتش ، أكشف عليها كويس في التوكيل وزي ماقال أخونا ( BMW (f30 أقل حاجه فيها بتعمل فلوس كتيرة ، وخلي بال حضرتك أن السعر عالي لأن الزيرو بتاعها بقي عالي أوي ، ربنا يوفقك .
علي فكرة أنا لا أحبذ المستعمل عامة ، طيب حضرتك لو زودت شوية ممكن تجيب أودي Q3 ، كسر زيرو وهتعجبك برضو وعلي الأقل هتبقي تقريباً جديده .
ربنا معاك .

اقتباس:

---

المشاركة الأصلية كتبت بواسطة bmw f30

صباح الخير يا باشا ومبروك مقدما علي العربيه الجديده وربنا يديك الخير دايما انا هحاول ارد عليك في اللي أعرفه بس
أولا بخصوص ال x 3 هي عربيه ممتازه جدا وهتساعدك كتير وخصوصا علي طرقنا الحلوه اللي هتمشي عليها غير معظم السيارات السيدان والبي أم كله جميل وعربية بمعني الكلمه أقصد البي أم كله .
العيب اللي ممكن تحس بيه شوية لو مش متعود علي العربيات المرتفعة انها مش ثابته ذي السيارات السيدان بس مع التعود هترتاح فيها وهتفهمها
بخصوص القيمه صراحه معرفش ليه حسه غالي شويه
بخصوص الجنط طبعا ينفع وينفع اكتر من كده كمان يعني معاك لغاية 19 علي الأقل .
بخصوص الكشف علي العربيه منصحكش أي مكان غير التوكيل وخلي بالك صيانه العربيات دي غاليه يعني متتهاونش بيها كمان الكاوتش غالي جدا ولو رن فلات مكلف يعني الأربع فرد مش أقل من 9000 جنيه نصيحه لوجه الله العربيه مكلفة وصيانتها غاليه كل اللي عليك روح التوكيل يعملك تقرير باللي مطلوب كله ويا اما البائع يدفع قيمه الصيانه المطلوبة أو تنزل من قيمه السيارة
وربنا يوفقك بإذن الله .
أتمنى أن أكون افادتك

---

ياباشا ربنا يكرمك وتسلم على ذوقك واخلاقك العالية ..
انا كمان مستغلى السعر صراحة وخصوصا لما عرفت ان السبورت باكدج من نفس الموديل بتعمل نفس السعر لكن فيها زيادات زى كراسى كهرباء ورينجات وزينون وجنوط 18 وتصميمها شكله افضل صراحة واشيك كلها لون واحد لكن دى دايرها فيبر اسود .. كمان السبورت موتورها 3000cc وصراحة لما جربته لقيته عفى عن اللى عايز اشتريها لانها 2500 cc وحسيتها تقيلة شوية عن السبورت هى اكبر ميزة فيها الحالة العامة ممتازة وعربية بيتى فعلا لكن ينقصها عن السبورت اللى شرحته لسيادتك ده ..
وبقول لو دفعت فيها الرقم ده وهى فعلا عايزة كاوتش وطبعا هغير معاه الجنوط لانها 17 وشكلها مش اوى فطبعا فرق سعر الجنوط مع سعر الكاوتش 18 هيبقى اوفر اوى مع سعر العربية فهتلاقينى دفعت مبلغ قرب من 400 حاسه بعيييد اوى على عربية موديل 2009

طيب مانا احطهم فى باجيرو واعتقد هتبقى افخم واشيك من x3

ياريت اعرف رايك بردو الله يكرمك وبارك الله فيك

مساء الخير يباشا وشكرا لزوقك
انت كده بتتكلم صح في نقطه وسفر ليك جدا غلط في نقطه تانيه
الصح اللي بتتكلم يه حضرتك القيمه مع السعة اللتريه للسيارة لو بتحب تكون معاك عربية عفيه يبقي مش هينفعك x3 الموتور الصغير وخصوصا أن البودي بتاع السياره كبير وهتبقي تقيله معاك فأحسنلك الموتور ال 3000 طبعا من الناحيه دي
بس فيه حاجه حضرتك تفضلت بيها معجبتنيش انا شخصيا وهي انك تقارن بي ام أيا كان ايه نوعها أو موديلها بعربية ذي الباجيرو وانا من وجهه نظري الشخصيه وبعد تجربه ال 2 منصحكش خالص بالباجيرو لأنها مش هتعجبك وخصوصا لو بتحب السرعه وكمان هي مش اكتر من نص نقل مقفول ولو فيه حد من الأعضاء جربها اكيد هيقول نفس الكلام .
الخلاصة هنا
بي ام موتور كبير أو علي الأقل باور هورس كبير حتي لو العربيه موتور صغير ذي مبيقولوا كده حاجة تعوض حاجه وانا من رأيي الشخصي لو نفسك في بي أم في القيمة دي خليك في 525 I أعلى فئه من 2008 الي 2011 وهتدعيلي
ربنا يوفقك

اقتباس:

---

المشاركة الأصلية كتبت بواسطة ayman_saad

ال x3 طبعاً مش محتاجه كلام
كفاية أنك هتحس أنك راكب الطريق ومتمكن منه ،
وبالنسبه للسعر هو عالي شوية لكن ماتنساش علي حسب كلام حضرتك أن العربية ماتهانتش ، أكشف عليها كويس في التوكيل وزي ماقال أخونا ( bmw (f30 أقل حاجه فيها بتعمل فلوس كتيرة ، وخلي بال حضرتك أن السعر عالي لأن الزيرو بتاعها بقي عالي أوي ، ربنا يوفقك .
علي فكرة أنا لا أحبذ المستعمل عامة ، طيب حضرتك لو زودت شوية ممكن تجيب أودي q3 ، كسر زيرو وهتعجبك برضو وعلي الأقل هتبقي تقريباً جديده .
ربنا معاك .

---

تسلم ياباشا على ذوقك محصلش نصيب اتباعت العربية وادينى بدور تانى وربنا يكرم

اقتباس:

---

المشاركة الأصلية كتبت بواسطة bmw f30

مساء الخير يباشا وشكرا لزوقك
انت كده بتتكلم صح في نقطه وسفر ليك جدا غلط في نقطه تانيه
الصح اللي بتتكلم يه حضرتك القيمه مع السعة اللتريه للسيارة لو بتحب تكون معاك عربية عفيه يبقي مش هينفعك x3 الموتور الصغير وخصوصا أن البودي بتاع السياره كبير وهتبقي تقيله معاك فأحسنلك الموتور ال 3000 طبعا من الناحيه دي
بس فيه حاجه حضرتك تفضلت بيها معجبتنيش انا شخصيا وهي انك تقارن بي ام أيا كان ايه نوعها أو موديلها بعربية ذي الباجيرو وانا من وجهه نظري الشخصيه وبعد تجربه ال 2 منصحكش خالص بالباجيرو لأنها مش هتعجبك وخصوصا لو بتحب السرعه وكمان هي مش اكتر من نص نقل مقفول ولو فيه حد من الأعضاء جربها اكيد هيقول نفس الكلام .
الخلاصة هنا
بي ام موتور كبير أو علي الأقل باور هورس كبير حتي لو العربيه موتور صغير ذي مبيقولوا كده حاجة تعوض حاجه وانا من رأيي الشخصي لو نفسك في بي أم في القيمة دي خليك في 525 i أعلى فئه من 2008 الي 2011 وهتدعيلي
ربنا يوفقك

---

تسلم ياباشا الله يخليك نصايحك غالية بجد .. هو محصلش نصيب والعربية اتباعت وانا فعلا بقالى كام يوم بدور على الفئة الخامسة لان حاسسها هتبقى اثبت واقوى على طرق السفر بالذات بس مع الاسف كل اللى معروض ماشى كيلو متر عالى اوى او متهان شوية او مغالى فى سعره بشكل مبالغ فيه جدا .. فكرت فى خيارات كتير لكن ما زالت الفئة الخامسة هى الاولوية .. تنصحنى بايه ياباشا