اسعار الثلاجات ولعت و فى السوق التجار بيخبوها كأنها بودرة

**EgyArmy** · 04-10-2016 11:05 PM

على فكرة انا اكتر واحد ضررا فى زيادة الاسعار انا و كل واحد فى نفس حالى لانى ببساطة خااااااطب

حركة غبيه اوى اتهعملت بعد تطبيق الضرايب على الثلاجات رغم ان الحكومه قالت انها هتزودها بس على السلع الترفيهيه و كأن الثلاجة و الغساله و الاجهزة ترفيه

حاليا انا خاطب و كنت ناوى اشترى الاجهزة بس الشغل كان معطلني و دلوقتى بضرب نفسى 1000000 جزمة اننا مجيبتش الاجهزة بدرى

و كنت ناوى علي شارب ال450 لتر و كانت ب4655 و و السعر ده كان مناسبنى جدا دلوقتى زادت الف جنيه

لما زادت قولت خلاص زيادة بزيادة يبقى اجيب الانضف ال جى باب فى الباب 18 قدم موديل d562hlal و كانت بسعر 5600 يعنى بنفس سعر الشارب بعدما زادت بسأل عليها قالولى مش موجودة اصلا و التجار خبوها عشان لما الاسعار تزيد تانى يكسبوا تانى و تالت و رابع

لدرجة اننا فكرت اجيب تلاجة فرز تانى يعنى تخيلوا عريس هيتجوز بأجهزه مش ضامن هتشتغل ولا لا من النهايه يئست او ابص على انواع زى بيكو التركى beko او اى حاجة بقى و خلاص

من النهايه كدة حبيت افضفض عشان اتخنقت اوى
محدش يعرف ايه نظام بيكو او محدش شاف ال جىd562hlal ولا اجيب فرز تانى بالمبلغ ده و تكون حاجة اكبر اعمل ايه ؟ و كمان البوتاجاز بقى 4000 الاف جنيه و الغساله صدمه تانيه

**eslamrace** · 06-10-2016 03:49 PM

للأسف انا مليش خبره خالص في الموضوع ده بس جاتلين فكره مش عارف ممكن تتنفذ ولا لا او هل المعلومة صح او غلط بس لعلها تنفع
شارب أظن تبع شركه العربي وبتتجمع في مصانعهم هنا في مصر ليه حضرتك محاولتش تشوف مكان المصنع فين وغالبا بيبقى في هناك مركز توزيع برضه وتاخد منه اللي حضرتك محتاجه بعيد عن تاجر الجمله او القطاعي حتى لو حتبقي مرهقه شويه وحتبقي أفضل من انك تتنازل عن متطلباتك
تحياتى