عربيتي شارك 2015
الكومبريسور بيسرب الفريون وبضطر اشحن فريون كل شهرين.
هل فيه حد ممكن يصلحه ولا خلاص كدة
عرض للطباعة
عربيتي شارك 2015
الكومبريسور بيسرب الفريون وبضطر اشحن فريون كل شهرين.
هل فيه حد ممكن يصلحه ولا خلاص كدة
والضمان فين ؟
عرفت منين ان الكباس بيسرب كشفت عليه ازاي؟
اجابة على سؤالك
لو المشكلة في تسريب من اولسيه والاولسيه موجود في طقم اصلاح ينفع يتصين لكن لو مش موجود مالهاش حل غير التغيير للكباس
كل دا في حالة ان الكباس هو فعلا اللي فيه مشكلة التسريب
مفيش ضمان
عرفت منين، شحنة الفريون قبل الأخيرة فني التكييف كبسلي دورة التكييف وحط صابون وملقاش أي تسريب. آخر مرة روحت لواحد تاني ، من غير ما يعمل حاجة حط يده على الكباس ووجد عليه شحم أو ه هباب اسود وقاللي الكومبريسور اللي بيسرب ، واستخدمه لغاية ما يجيب آخره. وقال ملهوش تصليح.
وموضوع الاولسيه دا مين اللي بيعمله؟
هل حساس التكييف لو بايظ ممكن يهرب فريون
لان لدى سيارة وبرضه الفيريون مابيقعدش كتير ا
احد بتوع قطع العيار اخبرنى انه الحساس هو المسئول عن فقدانى للفريون
لكن لمبه الشيك عندى مش منورة خالص
يافندم حضرتك حدد نوع الغربية موديلها وحساس فريون ايه يافندم
د هشام
اللانسر الشارك
صورلي بيانات الكباس هاتلي موديله ورقمه من على الإستيكر بتاعه وانا هاحاول اساعدك لو متاح ليه طقم اصلاح من عدمه دا لو العيب فعلا منه وانا في اعتقادي انه استحاله في عربية زي دي يكشف عليها صح ومش عيب شائع او وارد في الشارك ولا في حالة عربيتك
الكشف مش سليم ولا قاطع واللي حدد العطل اللي ماكشف وهتلاقيه اولسيهات او كبس الخراطيم فوت او خامتها ضعيفه والفريون اتسرب من خلالها في نقطه صغيرة جدا او السربنتينه فيه تنميل بسيط ووانت مش ذاكر حالة الفك والربط امن على الرباط بتاع اي مسامير في النظام
الا في حالة الشافت سيل او اولسيهات الكباس ودي احكم عليه لما تصورلي الكباس وتكتب لي موديله ورقمه
حاضر ححاول اجيب موديله ورقمه
شكرا على الاهتمام
لسا يادكتور هشام ؟؟؟؟؟؟؟؟
مافيش تطورات
الله يقويك
نصيحه بس ماتسبش سيستم التكييف بدون اصلاح او بدون شحنه وشغله مرتين تلاته في الاسبوع على الاقل لمده 10:15 دقيقه صيف شتا واغسل مطرح الزيت اللي على الكباس ونظفه من الخارج وشوف ولاحظ لو هايرشح تاني ولاحظ صوته عشان لو فيه خشونه من نقص الزيت بداخله ( في الحاله دي ماتشغلوش لو فيه خشونه الا لو هاتغيره ) لانك لو سيبته كدا الرطوبه والفريون بيتفاعلهوا مع بعض ويكونوا اسيد او احماض( شبيه لمية النار ) بيترسب و بتعمل تاّكل في مواسير التلاجه او الكويل الداخلي اللي في الطابلوه وتخف لحمية او سمك او كبس اللحام بتاعها وتسرب مع اقل ضغوط
وتزود تكلفة الاصلاح ونخش في قصة فك الطابلوه والتلاجه موجوده ولا لا في السوق وفيلم مايعلم بيه الا ربنا
اضافه اني شاكك في التلاجه لان دا عيب او عطل منتشر في معظم العجل الحديث
اولا شكرا جزيلا على مشاركاتك القيمه و المساعده المستمره للاعضاء
لى سؤال .. انا حاسس ان 3 مرات فى الاسبوع كتير و كل مره ربع ساعه .. يعنى صعب اوى ان حد حيعمل كده و خصوصا فى الشتا
هل ده مطلوب كمان للعربيه اللى واقفه مبتمشيش ؟؟ او مشى خفيف جدا مرتين فى الاسبوع ؟؟
طب اللى بيسافر و يرفع عربيته طول السنه يعمل ايه ؟؟
فى الكتالوج عندى ( على ما اتذكر ) تشغيل نصف ساعه مره كل شهر
شكرا و تقبل تحياتى و تقديرى
شكرا ليك يافندم وتقبل تحياتي
الموضوع مش صعب مع حد فاهم ان دا في مصلحته كاوبشن بتحافظ عليه ودا من اسباب صيانته تشغيله use it or los it
ماينفعش نظام واقف طول السنه ومعرض لعوامل التعرية الجويه فتره طويله ونيجي نحمل عليه في عز ظروف احنا كبشر والالات مابتستحملهاش في درجة حرارة الصيف القاتله ونطلب منه كفاءه من غير صيانه
انا مش متزمت اوي بس شغله مره على الاقل ربع ساعة كل 15 يوم او زي ما المانوال مابيقول افضل مع مراعاة تنظيف السربننتينه الخارجيه وفلتر الهوا الداخلي والتاكد من جفاف وعدم انسداد خرطوم صرف الفايز او تصريف كل رطوبة المياه المتخزنه عشان ماتنشف او تتبخر وتعمل تمليح او صدأ خارجي وتاكل مواسير التلاجه وتضعفها من الخارج بحكم عوامل التعريه واتاكد دايما ان فتحة الريسكل دايما مقفوله والعربيه راكنه
وبكلم بشكل عام سواء مشي خفيف او تقيل ويكون تشغيل المكيف بعد تسخين العربيه
ليه عشان الزيت والفريون بيبقوا منتشرين في الدوره كامله
وعشان نضمن تزيييت الاولسياهات والاجزاء المطاط من الداخل ونضمن عدم انفصال الفريون عن الزيت اللي بعدها مع سنه اى رطوبه بيتفاعل وبعد التفاعل يبدأ ياكل المواسير والالمونيوم من الداخل
لانه واقع تحت ضغط اللي جوا اعلى من اللي برا كمان الزيت بيعمل طبقة حماية على المواسير من الداخل
ماتنساش المطبات والحفر والنقر والحيوانات اللي بتبات في قلب الموتور بالليل والتراب والطينه سواء عربيه ماشيه قليل او راكنه في الاخر هي مركونه في الشارع او جراش ارضيته تراب وعفره وطينه تلزق وتنشف وتمتص رطوبه من الشارع وبرك المياه اللي بنمشي فيها وتنشف تاني وتتبلبل تاني فاتصدي لانها معرضه للرطوبه وعوامل التعريه
فاللي يرفع عربيته يغطيها من فوق ومن تحت ويتاكد من نظافتها قبل ركنها او رفعها ويتاكد ان مافيش قطط او حيوانات بتنام جوا خبايا الكبوت وبتتنطط حوالين الموتور او يصفحها ومايركنش في شمس او في مكان معرض للتراب والعفره
ولو مش متاكد ان دورة الفريون فابريكا وهايغيب كتير فوق السنه يفرغ الفريون منها ( يعملها فاكيوم يعني لا فريون ولا هوا جوا المواسير )ولما يجي يشحنها التكلفة والنتيجه هاتبقى اقل واحسن من فك طابلوه وصيانة تكييف
تحت امرك
اتوصى بصديقى
tasaka
:Y_hi_3[1]: