ايهما افضل ف وقتنا الحالي سبائك ذهب او جنيهات ذهب ام وديعة بالبنك بفائدة ١٢،٥٪‏

**moody_687** · 08-10-2016 01:09 AM

انا النهاردة روحت للجواهرجي بتاعي وقال لي الاتي :
بالنسبة للجنيهات الذهب لازم بفواتير لو اشترتهم من محل معين لازم تبيعه لنفس المحل ومش هتلاقي اى محل صاغة يشتريهم منك فلازم يتباعه لنفس اللي اشتريته منهم
اما السبائك فهى عكس ذلك ممكن تشتريهم من محل وتبيعهم لمحل اخر عادي جداً
والافضلية طبعاً للسويسري عن المصري
وسألته عن الشراء بالسعر الحالي فقالي الذهب مرتفع جداً وقالي مرتبط بالدولار عالمياً وقالي انه نزل سعر الذهب ف خلال اليومين دوول ف حدود ١٣ ج
والسبائك حالياً غير متوافرة عنده ولا الجنيهات بس هو يفضل شراء السبائك عن الجنيهات

**hilal** · 08-10-2016 08:11 AM

وديعة ايه بس

اسال الناس اللي باعوا الدهب ب 260 جنيه للجرام عشان يشتروا شهادات قناة السويس

الدهب النهاردة ب 500 جنيه الجرام

ربنا معاهم

**mahmoudselim** · 08-10-2016 12:53 PM

معلش مع احترامي لكل الاراء اي حد بيقول احنا مش عارفين دلوقتي دا جني ارباح ولا شراء او ان الدولار البنك الدولي بيقول هيقف عند 12 بعد التعويم دي كلها احلام و مستحيله ودا مش وقت جني ارباح ولا اي حاجه لسه كل حاجه هتعلي الضعف و الضعفين و هيتم الحجز علي اموال الموديعن في البنوك بنسبه 60٪ علي الاقل زي ما حصل في اليونان وسعر كل حاجه هيزيد الضعف في وقت قريب والله اعلم في الوقت البعيد هيزيد قد ايه .... دا احنا لسه بنسخن لسه فيه مفاجأت وانبهارات حضرتك

**hilal** · 08-10-2016 01:37 PM

طبعا مفيش حاجة اسمها أرباح
دي اوهام
انت بس لو حافظت على قيمة مدخراتك تبقى بطل
يعني لما نفس الفلوس اللي كان ممكن تشتري بيها سيارة مرسيدس اصبحت لا تكفي لشراء سيارة هيونداي
يبقى الفرق لا يمكن يكون أرباح

**moody_687** · 08-10-2016 09:34 PM

طيب دلوقتي اعمل ايه ؟؟؟!!!! اشتري دولارات من الصرافة ب ١٤ ج ولا اعمل ايه
انا حيرتي كل مدى بتزيد
ومش عارف اخد قرار للاسف

**mahmoudselim** · 08-10-2016 09:42 PM

انا سحبت كل فلوسي من البنك في شهر ابريل اللي فات واشتريت دهب و دولارات المهم بقي ان اكتشفت عن طريق الصدفه ان اكتر من تاجر من معارفنا اوي سحبوا كل فلوسهم من البنوك في الوقت دا

**Hussein_Ramdan** · 08-10-2016 09:57 PM

المشاركة الأصلية كتبت بواسطة mahmoudselim

معلش مع احترامي لكل الاراء اي حد بيقول احنا مش عارفين دلوقتي دا جني ارباح ولا شراء او ان الدولار البنك الدولي بيقول هيقف عند 12 بعد التعويم دي كلها احلام و مستحيله ودا مش وقت جني ارباح ولا اي حاجه لسه كل حاجه هتعلي الضعف و الضعفين و هيتم الحجز علي اموال الموديعن في البنوك بنسبه 60٪ علي الاقل زي ما حصل في اليونان وسعر كل حاجه هيزيد الضعف في وقت قريب والله اعلم في الوقت البعيد هيزيد قد ايه .... دا احنا لسه بنسخن لسه فيه مفاجأت وانبهارات حضرتك

الله يطمنك وينولك كل الى بتتمناه واكتر شويه

**svneleven** · 09-10-2016 05:52 AM

يا جماعة ما فيش اي خوف علي الفلوس المصري. المطبعة شغالة و الدنيا فل. الخوف علي الدولارات لو حد شايلها في البنك. و ما اقدرش اقولك اسحبها و حطها في البيت لان مخاطرة كبيرة.
أنا شايف أن الدولار ما فيش حاجه هتوقفة لا تعويم و لا قرض و لا قبضة أمنيه و لا اي بتنجان الا الشغل و الانتاج و العمل و التصدير. تقولي بقي سياحة و قناة سويس كل ده شغل دول عالم تالت. حضرتك شوف كل الدول العظمي زي المانيا و امريكا و الصين و اليابان و انجلترا لا تمثل السياحة و مواردها الطبيعية الا جزء ضئيل من دخلها القومي و الجزء الهائل صناعة و زراعة و تصدير يعني شغل رجالة مش لعب عيال.

**mahmoudselim** · 09-10-2016 04:40 PM

المشاركة الأصلية كتبت بواسطة hussein_ramdan

الله يطمنك وينولك كل الى بتتمناه واكتر شويه

تصدق دي دعوه اي واحد بنصحه نصيحه لوجه الله علشان خايف علي شقي عمره اللي يطفح الكوته علشان يحوشهم. تصدق بقي ان في للاسف ناس بتنصح غيرها بالغلط بدون معلومه صحيحه او معرفه بتتسبب ان الناس دي بتخسر شقي عمرها وبتدعي علي اللي نصحهم. يلا الحمدلله الواحد بيتعامل مع فلوس الناس كأنها فلوسه

**اختكم الكريمة** · 09-10-2016 08:52 PM

المشاركة الأصلية كتبت بواسطة mahmoudselim

معلش مع احترامي لكل الاراء اي حد بيقول احنا مش عارفين دلوقتي دا جني ارباح ولا شراء او ان الدولار البنك الدولي بيقول هيقف عند 12 بعد التعويم دي كلها احلام و مستحيله ودا مش وقت جني ارباح ولا اي حاجه لسه كل حاجه هتعلي الضعف و الضعفين و هيتم الحجز علي اموال الموديعن في البنوك بنسبه 60٪ علي الاقل زي ما حصل في اليونان وسعر كل حاجه هيزيد الضعف في وقت قريب والله اعلم في الوقت البعيد هيزيد قد ايه .... دا احنا لسه بنسخن لسه فيه مفاجأت وانبهارات حضرتك

لو سمحت حضرتك العقارات فى محافظتى سعرها نزل ال6 شهور اللى فاتت بالنسبة للبيع و الشراء هل تعتقد ان الهبوط فى الاسعار سيستمر اما سترتفع اكثر من سابقها مع العلم ان فى مشروع اسكان اجتماعى حيتسلم فيه عدد كبير من الاسر قريبا اللى هما دلوقتى ساكنين ايجار هل ممكن ان تهبط اكثر بعد تسليم المشروع و لحضرتك جزيل الشكر

الموضوع: ايهما افضل ف وقتنا الحالي سبائك ذهب او جنيهات ذهب ام وديعة بالبنك بفائدة ١٢،٥٪‏

LinkBack

أدوات الموضوع

عرض

-

-

-

-

-

-

-

المواضيع المتشابهه

لخبراء وتجار الدهب الافضل تشترى جنيهات دهب او سبائك او دهب مشغول بمصنعية

عاوز أعرف معلومات عن سبائك الذهب

لازم نساعد في بناء مصر و دلوقتي جه وقتنا

ايهما افضل ولا فى حاجه افضل

افضل مكان للشراء بفائدة اقل وقسط اقل .......

الكلمات الدلالية لهذا الموضوع

المفضلات

المفضلات

ضوابط المشاركة