الموضوع: ايهما افضل ف وقتنا الحالي سبائك ذهب او جنيهات ذهب ام وديعة بالبنك بفائدة ١٢،٥٪‏

المشاركة الأصلية كتبت بواسطة tarekmomo

السبائك افضل بس خليك فى السويسرى بلاش المصرى عشان مقرفة فى بيعها الجنيهات 3/4 مش مظبوط وانت مش هتعرف تفرق بيم الجنية الكويس والوحش

من أين يمكن شراء السبائك السويسرى؟
كيف يمكن تفرقة الجنيه الذهب الأصلى من الوحش؟؟

المشاركة الأصلية كتبت بواسطة mahmoudselim

صدقيني مقدرش اقولك ايه اللي متوقع علشان انا لا اعرف المحافظه ولا اعرف حركه البيع و الشراء فيها عامله ايه ولا عندي فكره عن الاسعار فيها. بس بشكل عام لما يكون في هبوط جامد في الاقتصاد و الناس مش معاها فلوس الناس بتصرف في الضروريات وبتديها الاوليه يعني يغير الشقه الدلوقتي ولا يفضل فيها ويحوش الفلوس محدش ضامن الظروف او معاه فلوس يشتري بيها شقه ولا يغيرها دهب او دولارات. دا بشكل عام بيخلي اسعار بعض العقارات في بعض الاماكن تقل او علي الاقل يفضل سعرها ثابت لان الطلب عليها قليل وبالتالي صاحب العقار بيبتدي يقلل من سعرها علشان عايز فلوس بأسرع وقت لانه كمان مش ضامن الظروف فا عايز يخلص منها دلوقتي ويشتري بفلوسها دهب او دولار مثلا. يعني دا وجه من اوجه فلسفه البيع و الشراء دلوقتي في وجود ظروف اقتصاديه صعبه. طيب انتي لو ليكي عندي نصيه هقولك صلي استخاره مره واتنين وتلاته لحد ما يجيلك الرد من ربنا ما بين انك تبعي الشقه وتشتري بفلوسها دهب او انك تفضلي عليها ماتبعيهاش. عامتا انا عن نفسي افضل اننا نستثمر في الدهب عن اي حاجه تانيه ودا مش علشان ظروف مصر بس لا بسبب ظروف العالم كله وماهو مقبل عليه. ومحدش يقلق نهائي او يتخض لما مثلا لو حصل ان الدهب سعره قل شويه بعد ما اشتراه لانه بيهدي مره واحده بس بعديها بيعلي الضعف وهبوط الاسعار دا بيكون مقصود نوعا ما علشان الناس اللي قلبها رهيف تجري تبيع علي طول وبالتالي يبقي في مكسب للتجار لان الاسعار بعديها هترتفع تاني. عامتا الدهب متوقع ليه هيوصل ما بين 700 ل 800 علي اقل تقدير في 2017 ودا عاي اقل تقدير خالص وهيفضل يزيد وماتقلقيش نهائي نهائي لو سعره نزل زي ما قلتلك بعد ما تشتريه دي بتكون حركات علشان الناس تخاف وتبيع ويبتدي يعلي تاني. حركه كدا زي حركه المانخول!!

جزاك الله خيرا . و سوف اوضح لحضرتك امرا انه مع الانفلات الامنى فى فترة زاد التهريب فى الجمارك و اصبح
هناك فئة جديدة اصحاب ملايين فجأة فى محافظتى و هى بورسعيد و ارتفعت العقارات بها اكثر من اى منطقة فى مصر و لكن مع الركود الاقتصادى الحالى و ارتفاع الدولار بشكل كبير و قرب تسليم المحافظة للاسكان الاجتماعى و هى عمارات جيدة و فى البلد و ليست خارج حدودها قام بأنشائها الجهاز التنفيذى للمحافظة انخفضت اسعار الشقق العادية عدا المطلة على البحر و الطلب كله على الايجار .و لقد فكرت بالانتقال مع الاسرة للقاهرة لتردى اوضاع و خدمات محافظتى التى لم تعد امان و محدودة كسابقها و لكن بعض الناس قالوا ان الاسعار ستزيد مرة اخرى فى بورسعيد بينما لن تزيد فى القاهرة .عذرا للاطالة هل يوجد لسيادتك نصيحة بهذا الشأن

المشاركة الأصلية كتبت بواسطة اختكم الكريمة

جزاك الله خيرا . و سوف اوضح لحضرتك امرا انه مع الانفلات الامنى فى فترة زاد التهريب فى الجمارك و اصبح
هناك فئة جديدة اصحاب ملايين فجأة فى محافظتى و هى بورسعيد و ارتفعت العقارات بها اكثر من اى منطقة فى مصر و لكن مع الركود الاقتصادى الحالى و ارتفاع الدولار بشكل كبير و قرب تسليم المحافظة للاسكان الاجتماعى و هى عمارات جيدة و فى البلد و ليست خارج حدودها قام بأنشائها الجهاز التنفيذى للمحافظة انخفضت اسعار الشقق العادية عدا المطلة على البحر و الطلب كله على الايجار .و لقد فكرت بالانتقال مع الاسرة للقاهرة لتردى اوضاع و خدمات محافظتى التى لم تعد امان و محدودة كسابقها و لكن بعض الناس قالوا ان الاسعار ستزيد مرة اخرى فى بورسعيد بينما لن تزيد فى القاهرة .عذرا للاطالة هل يوجد لسيادتك نصيحة بهذا الشأن

لا حضرنك انا من القاهرة و احب اقولك بور سعيد أفضل محافظة فى مصر فى مؤشرات التنمية البشرية و دى حاجة معروفة
القاهرة لازم تختارى حى راقى و الا فهى سيئة جدا

فى مصر فى شىء واحد اكيد جدا محدش محدش هيججز على جنيه فى البنك لان المشكله اصلا مش فى الجنيهات المشكله فى العمله الصعبه و لحد دلوقتى العمله الى بتخش للحكومه بتكفى اقساط الديون و السلع الاساسيه قمح و بترول و غيره و عليه هما مش محتاجين جنيهات فى البنك من حد اليونان حجزت على يورو ميعرفوش يطبعوه ياريت حضرتك تركز فى رؤيتك الاقتصاديه و تبنيها على حقائق و عليه ودائع البنوك ملهاش اى قيمه ليهم و لا عليها خوف

التضخم سيستمر لان زى مقولت الى معاهم على قد ده بس الاساسيات جدا و بقيت السلع كلها الناس مخزنه دولارات بالهبل :d اول موصل 13.5 و 14.25 لقيت ناس عارضه بال 150 الف دولار للبيع و ده هيزود سعر السلع الى احنا بنستخدمها و يقلل قيمه الجنيه ايا كان وضعه و فى نفس الوقت هيقلل الناس الى عايزه تتشرى اى شىء سواء دهب او عقارات و عليه الافضل الاحتفاظ بالدولار هنا بقى المخاطره

بما ان المشكله فى الدولار ممكن الحكومه تقولك شكرا كل الى ليه دولار ياخده جنيه سعر البنك او سعر التعويم ايا كان وفى نفس الوقت الاحتفاظ بمبالغ كبيره فى البيت محل او مخزن خطر جدا جدا و ممكن يسبب مشاكل اكبر من خساره جزء من المدخرات

و عليه برضه يظل الخيار الافضل حاليا الاحتفاظ فقط بالدولار الورقى السائل

و الجل برضه فى ايد الحكومه لحد ميبقى فى صناعه و تصدير اذا بقى فى ايه اصلا يطلع قرار جميل يقول بس اى حد هيجيله دولار فى بنك او شركه تحويل هيستلم فقط جنيه بسعر البنك هيولع فتره لحد مالدولارات الى فى ايد الناس تخلص و ساعتها مش هيبقى فيه غير فى البنك و محدش مجنون هيهرب دولارات لجوه مصر و كل الناس الى معاها دولارات جايلها تحويلات بنكيه و تحويلات شركات اموال بس خلاص :d

شكرا لحضرتك

المشاركة الأصلية كتبت بواسطة khaled_afandy

لا حضرنك انا من القاهرة و احب اقولك بور سعيد أفضل محافظة فى مصر فى مؤشرات التنمية البشرية و دى حاجة معروفة
القاهرة لازم تختارى حى راقى و الا فهى سيئة جدا

شكرا لحضرتك. وربنا يجازيك كل خير
و اريد ان اضيف انه فى مجال التنمية البشرية لم تعد بورسعيد كالسابق هى تعانى من ركود و تدهور اقتصادى
و ربنا يعدى الايام الصعبة على خير