اعلان مقابلة شهر ديسمبر العامة للأعضاء نايل موتـورز

**Sharky** · 02-12-2008 09:05 PM

ماتقلقوش يا جماعة وحوش رينو حيعملوا مقابلة رائعة
المهم الكل يجى و يحضر

محمد روق الإدارة تعمل الإعلان أو أى حد من الإدارة ماتفرقش خالص
المهم المقابلة تتم تتم و أظن دا إللى يهمك بغض النظر عن مين عمله

**Medos** · 02-12-2008 10:23 PM

المشاركة الأصلية كتبت بواسطة Nile_Storm

اخ ميدوس اذيك
بقالي كتير مشفتش مشاركاتك من ايام الشكاوي

منتظر اتعرف عليك شخصيا مادام الميعاد مناسبك

بالنسبه لموضوع رينو ارجو بعد كده يبقي فيه تصويت عاوزين تمشوها رينو رينو ماشي
منتظرين برنامج جامد من شاركي

اخ نايل واضح انك متابع جيد لقسم الشكاوى و خاصة للشكاوى المقدمة ضد حازم

منتظر انا كمان التعرف عليك و على اعضاء المنتدى المحترمين :k10:

و ربنا يفك اسراكم

**مصراوي جدا** · 02-12-2008 11:08 PM

المشاركة الأصلية كتبت بواسطة الإدارة

بسم الله الرحمن الرحيم

3- عند الساعة الخامس مساءً سنقوم جميعاً باذن الله بتناول احد اهم المواضيع المطروحة على الساحة في الاونة الاخيرة الا وهو "أسعار السيارات بمصر ومستقبل سوق السيارات المصري".

4- رابعًا سنقيم احد الأنشطة الجديدة الا وهي تناول خبرات مالكي سيارات مصنعة من قبل شركة محددة، فسنستمع لتجاربهم مع السيارات التي تنتجها الشركة ونعرف منهم انطباعهم عنها وخبراتهم ةتجاربهم سواء مع التوكيل أو مراكز الصيانة، ولقد قمنا بتحديد شركة "رينو" هذه المرة على أن يطرح الموضوع للاستفتاء في المرات القادمة باذن الله.

(إ.م.2)

بخصوص البندين التالت والرابع من برنامج المقابلة كانت قابلتنا مشكلة قبل كده ان لو العدد كبير ـ وده متوقع باذن الله ـ هيكون صعب الناس تسمع اللي بيتكلم كويس

علشان كده انا باقترح حد يجيب Portable Sound System مع مايكروفون علشان اللي بيتكلم يكون صوته مسموع للجميع وده كمان هيساعد أكتر في اضفاء مزيدا من التنظيم للموضوع ..(ايه اللغة العربية القوية دي )

**AHMEDCAR** · 03-12-2008 02:34 PM

ان شاء الله موجود و فعلا فكره جدول الاعمال دى ممتازه

**ELBASHA** · 03-12-2008 02:48 PM

هو ايه موضوع المقابله دا و يا تري اي حد بيجي ولا لاء؟؟يعني لو الواحد حب يجي ممكن

**human** · 03-12-2008 02:57 PM

المشاركة الأصلية كتبت بواسطة elbasha

هو ايه موضوع المقابله دا و يا تري اي حد بيجي ولا لاء؟؟يعني لو الواحد حب يجي ممكن

اى حد بس ازاى يا باشا؟

هى كده يعنى؟؟؟

فيه بوابه هتكون محطوطه فيها جهاز البصمه الاول انت بتدخل اليوزر نام بتاعك و بعدين نتأكد من البصمه و طبعا البطاقه عشان يتأكدوا ان انت من نايل موتورز
عشان نما لعلم جهات سياديه فى نايل موتورز ان فيه محاولات تخريبيه من منظمه تيتا الانفصاليه احتمال تقوم بمحاوله تفجيريه :)

صباح الفل يا باشا الناس هنا اخوات و اعتقد اى حد مرحب بيه فى المقابلات ديه
الناس هنا فى العموم كويسيين

**Ramy_Tantawi** · 03-12-2008 03:26 PM

المشاركة الأصلية كتبت بواسطة Ahmad Allawy

ان شاء الله تعالي اكون موجود.. و مستني اعرف بفارغ الصبر اكتر عن الرينو ان شاء الله..
شاركي و احمد عبد المقصود و رامي طنطاوي.. الاسئلة كتير.. استعدوا و ذاكروا كويس :) :)

انا تحت امرك يا احمد باشا وان شاء الله اكون موجود اليوم ده وربنا يقدرني وانجح ولو حتى بمقبول المهم اتعرف على ناس محترمه زي حضرتك :k10:..........

بما ان معاليك من كبار وعمداء الاوبل وصيتك مصطفى فاروق الله يكرمك يكون موجود اليوم ده وربنا يكرم ان شاء الله ونراكم في اليوم المرتقب على خير ان شاء الله

تحياتي,,,,,,,,,,,

**Ahmad Allawy** · 03-12-2008 03:29 PM

المشاركة الأصلية كتبت بواسطة Ramy_Tantawi

انا تحت امرك يا احمد باشا وان شاء الله اكون موجود اليوم ده وربنا يقدرني وانجح ولو حتى بمقبول المهم اتعرف على ناس محترمه زي حضرتك :k10:..........

بما ان معاليك من كبار وعمداء الاوبل وصيتك مصطفى فاروق الله يكرمك يكون موجود اليوم ده وربنا يكرم ان شاء الله ونراكم في اليوم المرتقب على خير ان شاء الله

تحياتي,,,,,,,,,,,

يا باشا انا مش عارف اقولك ايه بس..
الكلام الكبير قوي ده بس..
احنا مش قد الكلام ده والله.. احنا غلابة يا بيه.. :) :)
مصطفي ان شاء الله نجيبه بالعافية حتي..
ده حتي هينبسط قوي و هيعيش علي شاركي..