لو معاك 250 الف جنيه و محتاج عربيه محترمه تجيب ايه وازاي يعني تجيب كاش و تخلص ولا تقسط جزء و تحط الباقي وديعه اهو تفضللك.ظروف البلد و تقلبات الشغل عندي محيراني .عاوز الرأي الاقتصادي السليم
اقسط ولا كاش..
عرض للطباعة
لو معاك 250 الف جنيه و محتاج عربيه محترمه تجيب ايه وازاي يعني تجيب كاش و تخلص ولا تقسط جزء و تحط الباقي وديعه اهو تفضللك.ظروف البلد و تقلبات الشغل عندي محيراني .عاوز الرأي الاقتصادي السليم
اقسط ولا كاش..
انا مش شايف اي استفاده من انك تقسط.. كل الموضوع انك هتحط علي نفسك فوائد بدون داعي و هتكون اكتر من اي فوائد البنك يديهالك علي مبلغ الوديعة. انصحك بالتقسيط فقط لو فلوسك في دهب او عقار او دولار. يبقي يستحسن تدفع مقدم و تخلي باقي فلوسك زي ما هي في الدهب او الدولار او العقار لان سعرها هيزيد مؤكد و غير منها علي اد القسط.
التقسيط افضل لاننا داخلين على تضخم و ارتفاع للاسعار و مهما كانت فايدة التقسيط هتلاقي السلعة بتغلى اكتر منها
أنا مش خبير إقتصادي ولا حاجة لكن هقول قناعتي الشخصية... أنا لو مكان حضرتك إستحالة اختار قصة الاقساط دي. السيارة أساساً أصل متهالك القيمة... يعني بتقل قيمتها مع الزمن. و معارضة لجميع أنواع المخاطر و عيد معايا سرقة و حريق و حوداث و و - في الاول و الآخر القرار قرارك و الفلوس فلوسك. أنا لو مكانك و معايا مثلاً عربية باستعمالها حالياً هذبتها أحلى تظبيط و اركبها و هتكون ادت الغرض. أما اني أنام كل ليلة و أنا "مديون" و عربييتي مش بأسمي و أجدد كل سنة و مصاريف إدارية و رسوم مش عارف إيه؟ و ييجي واد إبن... و يسرق الجمال بما حمل أو حادثة مدمرة كفانا الله الشر و راحت فلوسك؟! أظن ضربة صعبة. و المشكلة ما تضمنش الشغل أو ظروف البلد أو ظروف شخصية من مرض أو أو... ربنا يعملك الاحسن.
القاعدة العامة في أوقات التضخم هي أن المدين يربح والدائن يخسر
والاصول غير النقدية تكسب والاصول النقدية تخسر
الخلاصة بدون تعقيد هي:
الشراء بالتقسيط أفضل في حالة اتجاه الاسعار للارتفاع
مع تحويل باقي المبلغ الى دولار حتى لا يفقد قيمته لان نسبة التضخم أعلى من فوائد البنوك
نفس المخاطرات هو معرض لها لو اشترى كاشاقتباس:
المشاركة الأصلية كتبت بواسطة egyptiandiver
هي العربية الكاش مش بتهلك و لا بتتسرق برضه؟
بسم الله
قي الفتره الأخيره لاحظت ان الناس اصحاب الأموال والأعمال إلخ إلخ...
1-يودعون مبلغ من المال لدى بنك في صوره شهادات دوريه صرف عائدها شهريه(معدل العائد السنوي حاليا 12.5%)
2-يقومون بأخذ قرض من نفس البنك - تقريبا البنوك تعطي من 80% إلى 90% من القيمه الأسمية للشهادة - علما بأنه 1-الفرق تقريبا بين عائد الشهاده و فائده القرض 2.75% 2-الشهاده تجدد تلقائيا حتى انتهاء مده القرض
منهم من يحرص على ان تسدد الفوائد قيمه اقسط كاملة
او بحد اقصى تسدد عموله شهريه وهي الفرق بين بين عائد الشهاده و فائده القرض 2.75%
وجهة النظر
انك بعد انتهاء القرض لديك شهادات تدر لك دخل جيد بقيمه ما تشتريه وتكون اشتريت ما تحلم به- اي أصل مربح حتى لو سياره بغض النظر عن الأهلاك نظرا للتوقعات بتعويم العمله المصرية العزيزة-
ملاحظه منهم من يحبذ ان يكون غرض القرض محددا ليس شخصيا كقرض السيارة بعض البنوك تقريبا تعطى تأمين مجاني مع الأخذ في الأعتبار بحظر البيع
برجاء التواصل مع مصرفين والتأكد من فهم عروضهم جيدا لأتخاذ القرار السليم حيث انهم يستخدمون ما يسمى باللغه والعرف المصرفي وهو ما نجهله
اعتذر عن قله المشاركة وعن الأطاله
اتمنى ان اكون اوضحت احدى اساليب الأستثمار في وجهه نظر البعض