| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 9 من 9

  1. #1

    الصورة الرمزية abdo.bedir

    رقم العضوية : 191848

    تاريخ التسجيل : 04Sep2016

    المشاركات : 14

    النوع : ذكر

    الاقامة : مصر

    السيارة: لانسر

    السيارة[2]: لانسر

    الحالة : abdo.bedir غير متواجد حالياً

    Exclamation استفسار بخصوص تغيير ماء ريداتير لانسر بومة - Facebook Twitter whatsapp انشر الموضوع فى :

    hasad">

    السلام عليكم
    عندى حاجه غريبه اوى فى العربية ... قربة مياه التبريد مش راكب فيها غير خط واحد واصل بين اعلى نقطة فى الريداتير (الطبة) واوطى نقطه فى القربة
    مسكت القربة طلعتها وفضيتها تماما وركبتها تانى وعملت كام مشوار بالعربية ... النتيجة القربه لسه فاضية والعربية ادائها ودرجة حرارتها طبيعى جدا !!!
    ايه بقى اعمل ايه ؟ :D
    انا قريت كل مواضيع تغيير مياه الريداتير بس مافيش حاجه منها موجوده عندى


  2. #2

    الصورة الرمزية svneleven

    رقم العضوية : 131031

    تاريخ التسجيل : 07Nov2012

    المشاركات : 2,302

    النوع : ذكر

    الاقامة : Cairo

    السيارة: None

    السيارة[2]: BMW E90

    الحالة : svneleven غير متواجد حالياً

    افتراضي -

    انا عندي الخرطوم خارج من اعلي نقطة في الردياتير لاعلي نقطة في القربة.


  3. #3

    الصورة الرمزية sherif_mahalla

    رقم العضوية : 150665

    تاريخ التسجيل : 27Oct2013

    المشاركات : 325

    النوع : ذكر

    الاقامة : المحلة

    السيارة: تويوتا كورولا عيون

    السيارة[2]: فيات ريجاتا

    الحالة : sherif_mahalla غير متواجد حالياً

    افتراضي -

    عادي
    هى فكرتها لما تحط مياه في القربة حتي علامة الامتلاء و تنقص المياه في الرادياتير سيدخل بخار ساخن على القربة من أسفل فيختلط بالماء و يرفع حرارته و ضغطه و بالتالي سيندفع الماء من القربة إلى الرادياتير و الهواء أو البخار يتجه من أعلى نقطة في الرادياتير إلى القربة و هكذا

    فالمفترض ألا تنقص المياه في الرادياتير و القربة فارغة و لا تمشي بها فارغة أبدا


  4. #4

    الصورة الرمزية abdo.bedir

    رقم العضوية : 191848

    تاريخ التسجيل : 04Sep2016

    المشاركات : 14

    النوع : ذكر

    الاقامة : مصر

    السيارة: لانسر

    السيارة[2]: لانسر

    الحالة : abdo.bedir غير متواجد حالياً

    افتراضي -

    اقتباس المشاركة الأصلية كتبت بواسطة svneleven مشاهدة المشاركة
    انا عندي الخرطوم خارج من اعلي نقطة في الردياتير لاعلي نقطة في القربة.
    صحيح هى الفتحه فى القربة فوق لكن لو ركزت شوية هتلاقى فى انبوبة داخليه فى القربة موصله من الفتحه دى لحد اوطى نقطه فيها


  5. #5

    الصورة الرمزية abdo.bedir

    رقم العضوية : 191848

    تاريخ التسجيل : 04Sep2016

    المشاركات : 14

    النوع : ذكر

    الاقامة : مصر

    السيارة: لانسر

    السيارة[2]: لانسر

    الحالة : abdo.bedir غير متواجد حالياً

    افتراضي -

    اقتباس المشاركة الأصلية كتبت بواسطة sherif_mahalla مشاهدة المشاركة
    عادي
    هى فكرتها لما تحط مياه في القربة حتي علامة الامتلاء و تنقص المياه في الرادياتير سيدخل بخار ساخن على القربة من أسفل فيختلط بالماء و يرفع حرارته و ضغطه و بالتالي سيندفع الماء من القربة إلى الرادياتير و الهواء أو البخار يتجه من أعلى نقطة في الرادياتير إلى القربة و هكذا

    فالمفترض ألا تنقص المياه في الرادياتير و القربة فارغة و لا تمشي بها فارغة أبدا
    شكرا لرد حضرتك لكن ازاى افضى المياة من الموتور تماما ومافيش خط راجع
    لان المياه اللى في العربية حاليا لونها بقى سيئ جدا


  6. #6

    الصورة الرمزية sherif_mahalla

    رقم العضوية : 150665

    تاريخ التسجيل : 27Oct2013

    المشاركات : 325

    النوع : ذكر

    الاقامة : المحلة

    السيارة: تويوتا كورولا عيون

    السيارة[2]: فيات ريجاتا

    الحالة : sherif_mahalla غير متواجد حالياً

    افتراضي -

    اقتباس المشاركة الأصلية كتبت بواسطة abdo.bedir مشاهدة المشاركة
    شكرا لرد حضرتك لكن ازاى افضى المياة من الموتور تماما ومافيش خط راجع
    لان المياه اللى في العربية حاليا لونها بقى سيئ جدا
    ركز في جسم الرادياتير
    هتلاقي فيه خرطومين واحد من فوق و واحد من تحت الرادياتير و هتلاقي واحد داخل عالموتور و واحد خارج من الموتور
    لأن لازم خرطوم يدخل المياه للموتور و خرطوم يخرج المياه من الموتور للرادياتير عشان تتبرد
    المهم انت هتيجي و العربيه باردة و تفك الخرطوم اللي خارج من الموتور و ده غالبا هتلاقيه من تحت الموتور لفوق الراديتير
    و هتسيبه يصفي المياه
    و بعدين تفتح غطا الرادياتير و تجيب خرطوم مياه حنفيه شديده
    و تحطه في الرادياتير
    هتلاقي المياه طالعة من مكان ما فكيت الخرطوم مزفته
    هتصبر عليها لحد ما تطلع نظيفة
    ممكن كمان تفتح مدخل مياه التسخين بتاع المكيف عشان تتغسل معاك
    لما تتأكد إن كل الطين خرج
    هتشيل الخرطوم من وش الرادياتير و تسيبه يصفي المياه
    لو عايز كل المياه تنزل
    هتدور الموتور شويه عشان الطرمبة تشتغل و تنظف هي كمان
    لما الميه كلها تنزل و ممكن متعملش الخطوة دي لأن ممكن لو اتعملت غلط تجيب وش سلندر
    بعد كده هتركب الخرطوم تاني
    و تجيب مياه خضرا أو حمرا أو مقطرة أو مياه فلتر ٥ مراحل أو تكييف بس بلاش مياه من الحنفية عشان بتبهدل الدورة
    بعد كده هتضيف المياه لحد ما تملا الرادياتير و القربة و تقفلهم و تدور العربية
    تفضل سايبها شغاله لحد ما المروحة بتاع التبريد تشتغل و تفصل
    ساعتها تفتح القربة مش الرادياتير لأنه هيبقى سخن طبعا
    و تتأكد من مستوى المياه لو مظبوط أقفل و بطل
    لو ناقص زود مياه و متبطلش غير لما المروحة تشتغل و تبطل كذا مره عشان متقفعش السلندر
    بالتوفيق


  7. #7

    الصورة الرمزية borio1704

    رقم العضوية : 105306

    تاريخ التسجيل : 25Jun2011

    المشاركات : 3,839

    النوع : ذكر

    الاقامة : اسكندراني بره مصر

    السيارة: Not Yet

    السيارة[2]: KIA CERATO EX 2014

    الحالة : borio1704 غير متواجد حالياً

    افتراضي -

    اقتباس المشاركة الأصلية كتبت بواسطة abdo.bedir مشاهدة المشاركة
    السلام عليكم
    عندى حاجه غريبه اوى فى العربية ... قربة مياه التبريد مش راكب فيها غير خط واحد واصل بين اعلى نقطة فى الريداتير (الطبة) واوطى نقطه فى القربة
    مسكت القربة طلعتها وفضيتها تماما وركبتها تانى وعملت كام مشوار بالعربية ... النتيجة القربه لسه فاضية والعربية ادائها ودرجة حرارتها طبيعى جدا !!!
    ايه بقى اعمل ايه ؟ :D
    انا قريت كل مواضيع تغيير مياه الريداتير بس مافيش حاجه منها موجوده عندى

    اللانسر زيها زي كل العربيات الياباني والأمريكاني والكوري بتاع هيونداي وكيا... بيستخدموا دايرة التبريد البسيطة والسهلة والفعالة جدا ... على عكس كل العربيات الأوروبية

    ببساطة كده... قربة المية في الياباني عموما مالهاش دور غير الاحتفاظ بفايظ المية اللي بيطلع أثناء تشغيل الموتور... ولما الموتور يبرد.. القربة بترجع المية تاني للرادياتير.




    يعني الطبيعي إنك تلاقي مستوى المية في القربة منخفض قبل ما تشغل عربيتك الصبح... وطبيعي جدا تلاقيه عالي لما الموتور يسخن أو بعد ما ترجع من مشوار بالعربية.


    غطا الرادياتير هنا له دور محوري ومهم جدا جدا..

    الطبيعي في أي مادة لما بتسخن إنها بتتمدد... والمية كمان لما بتسخن وتوصل لدرجة الغليان بتبدأ تتحول إلى بخار... ولإن دورة التبريد مقفولة فالبخار ده بيفضل محبوس جوة الدايرة... ولو سبناه كده الضغط هيزيد لحد ما يوصل لمستوى معين ويخرج من أضعف نقطة (غالبا بانفجار)..

    غطا الرادياتير مش بيسمح للضغط يزيد عن حد معين.. وكل ما الضغط يزيد يفتح يطلع الضغط الزايد .. وأول ما الضغط ينزل يقفل علطول..

    بص على الصورة..



    الغطا بيبقى راكب على سوستة متعايرة تطلع الضغط الزايد.. والضغط الزايد ده بيبقى عبارة عن بخار مية سخن...


    وبخار المية ده بيطلع ويتجمع في القربة... ولو القربة مش موجودة المية هتنقص مرة ورا مرة لحد ما نلاقيش مية كفاية تبرد الموتور.


    ولما تطفي الموتور بعد ما العربية تبرد.. تكون دايرة التبريد هي كمان بردت.. وفي الحالة دي الضغط بيقل جدا لدرجة إنه بيعمل شفط..

    لو فضل الوضع كده هتلاقي خراطيم المية اطبقت على نفسها... ولما تيجي تشغل الموتور تاني ده بيعوق التبريد... ده غير إن لو الخراطيم كانت ناشفة شوية يبقى هتتشقق وتسرب سائل التبريد...

    علشان كده غطا الرادياتير معمول فيه سوستة تانية خفيفة بتفتح بس في حالة وجود شفط من ناحية الرادياتير (راجع الرسمة اللي فوق)..


    والتعامل الصح مع دايرة التبريد دي هو كالتالي:
    - قربة المية لازم يبقى فيها شوية مية ما تقلش عن خط الـMin اللي مكتوب عليها وما يزيدش عن خط الـMax



    - غطا الرادياتير لازم يبقى شغال صح (بيفتح رايح جاي) وحاكم مضبوط.

    - خراطيم الرادياتير جديدة وتتغير كل 5 سنوات.

    - استخدام سوائل التبريد المناسبة حسب المطلوب في الكتالوج ... وعدم استخدام مية الحنفية أبدا إطلاقا نهائيا... وسائل التبريد يتغير كل سنتين.

    - ما تنساش كمان ثرموستات الكوعة (ده لمصلحة موتورك أساسا)

    لو عايز معلومات أكتر عن ثرموستات الكوعة.. ادخل على الموضوع ده..
    http://www.nilemotors.net/Nile/328708-a-2.html


    أنا شخصيا أفضل إنك تروح تعمل غسيل لدورة التبريد في بنزينة محترمة أو واحد بتاع رادياتيرات نظيف وبعدها تحط مية خضرا.


    ...

    لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
    مَثَلٌ صينِيّ
    Trust me, I'm an Engineer
    Ahmed Nabil Al-Bora'ie

    أعشق السيارات.. أحب اليابانية، الكورية... ولا أفضل الأوروبية


  8. #8

    الصورة الرمزية tasaka

    رقم العضوية : 173494

    تاريخ التسجيل : 24Mar2015

    المشاركات : 2,674

    النوع : ذكر

    الاقامة : egypt

    السيارة: none

    السيارة[2]: Speranza a620 2010

    الحالة : tasaka غير متواجد حالياً

    افتراضي -

    ياريت توضح لنا انواع الميه و تركيزها

    مع الشكر


  9. #9

    الصورة الرمزية naseraraby

    رقم العضوية : 118544

    تاريخ التسجيل : 01Jan2012

    المشاركات : 21

    النوع : ذكر

    الاقامة : مصر

    السيارة: كيا

    السيارة[2]: فيات

    الحالة : naseraraby غير متواجد حالياً

    افتراضي -

    hasad">

    في ثقب صغير في رقبة القربة من ناحية عكس خرطوم الردياتير السؤال الثقب دة لزومة اية وهل لو قفلتة في مشكلة



 

المواضيع المتشابهه

  1. استفسار بخصوص شحن الدينامو لانسر بومة ١٦٠٠
    بواسطة jagu في المنتدى ميتـسوبيـشى
    مشاركات: 1
    آخر مشاركة: 06-06-2016, 12:51 AM
  2. استفسار بخصوص تغيير زيت ال cvt لانسر
    بواسطة dr_no_mercy في المنتدى زيوت الفتيس
    مشاركات: 2
    آخر مشاركة: 11-12-2014, 09:48 PM
  3. استفسار بخصوص ريداتير
    بواسطة احمد الصباغ في المنتدى دايــو+شيفرولية لانوس
    مشاركات: 2
    آخر مشاركة: 04-08-2014, 09:12 PM
  4. استفسار بخصوص لانسر بومة 2007
    بواسطة Mahmoudkassem في المنتدى المنتــــــدى العـــــــــــام للسيــارات
    مشاركات: 15
    آخر مشاركة: 02-11-2012, 01:30 AM
  5. استفسار بخصوص لانسر بومة 2007 اتوماتيك
    بواسطة vip1985 في المنتدى ميتـسوبيـشى
    مشاركات: 2
    آخر مشاركة: 17-05-2010, 12:26 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2