ايه الاحسن senova a1 - lada granta

**mohamed 1800** · 07-10-2016 04:54 AM

السلام عليكم
تحياتى لاعضاء المنتدى الكرام
عايزكم تقولولى ايه الاحسن
senova a1
lada granta

علما بان العربيه هشغلها فقط ايه الاحسن تستحمل اكتر وموفره للبنزين وتتباع بعد كده اسرع

وسوال اخر هل فيه فرق بين الاد الروسى والمصرى

وسوال اخير معلش
انا كنت هدى العربيه لاوبر او كريم هل لازم يبقى انا معايا رخصه
يعنى ورق العربيه ممكن يخلص بدون رخصتى ثم اديها للمكتب بدون ايضا رخصه
ولا ايه
انا اسف له جديد فى الموضوع ساعدونى لو سمحت

**bluemail** · 07-10-2016 02:39 PM

عليكم السلام
اولا طالما عربيه للشغل يبقي انت محتاج عربيه تكاليف تشغيلها قليله وقطع غيار منتشره وسهلة الصيانه
ده متوفر في الافيو او الفيرنا

بخصوص رخص القياده لو هتديها لشركه تشغلها انت مش محتاجها
انت محتاج رخصه العربيه واعتقد توكيل بالاداره ،، فقط الاداره يعني مفيهوش بيع ولا تجديدرخصه ولا الكلام ده،،
لكن نصيحه طالما انت مش هتركب العربيه فالعربيه هتتبهدل، لان للاسف محدش بيحافظ علي حاجة غيره ،،الا من رحم ربي،،

يعنى الافضل ان انت اللي تكون راكب العربيه علشان تحافظ عليها
مجرد وجهة نظر
بالتوفيق

**mohamed 1800** · 07-10-2016 05:11 PM

الف شكر يا فندم على الرد بس طبقا لظروفى الحاليه
مش هقدر اجيب غير senova a1 او lada granta
ممكن تقولى ايه الافضل فيهم
وشكرااا

**Dr. AMA** · 07-10-2016 05:27 PM

هي الجرانتا أرخص من الفيرنا؟

**bluemail** · 07-10-2016 08:56 PM

المشاركة الأصلية كتبت بواسطة mohamed 1800

الف شكر يا فندم على الرد بس طبقا لظروفى الحاليه
مش هقدر اجيب غير senova a1 او lada granta
ممكن تقولى ايه الافضل فيهم
وشكرااا

انا للاسف ماركبتش اي واحده فيهم، سامحني مش هقدر اقولك راي ممكن تقتنع بيه وتنفذه وهو غلط

لكن هقولك نصيحه، لادا وكيلها شركة الامل وسينوفا وكيلها القصراوي

لو تعرف تنزل فرع لكل واحد وتسئل عن قطع الغيار موجوده ولا لا واسعارها ايه واسعار الصيانات الدوريه ايه

العربيتين لسه مش منتشرين اوي علشان تسئل ملاكهم

المعلومة الوحيده المتوفره عندي وانا مقتنع بيها ان اللادا الروسي افضل من المصري

بالتوفيق في اختيارك

**borio1704** · 07-10-2016 09:58 PM

أتفق مع رأي الزميل bluemail تماما..

لو عايز عربية تشتغل.. يبقى تعمل حساب مصاريف الصيانة ووقفات العربية وأعطالها..

لازم تاخد في اعتبارك إن العربية في الحالة دي ما ينفعش تعطل منك وانت في وسط مشوار مع زبون.. ولا إنك تلاقي تكييفها بيعطل مثلا وما تعرفش تركب زباين معاك بسبب مشكلة زي دي..

وكمان كتر الأعطال هيوقفلك حالك.. ده غير إنها لما بتعملها صيانة مش هتجيبلك فلوس في الوقت ده.. يعني بتصرف عليها من غير عائد فوري..

وتخيل كمان إنك تبقى عربيتك واقفة ومش عارف تصلحها علشان مش لاقي قطعة الغيار اللي انت محتاجها!!!!

على فكرة... سعر إعادة البيع هو ترجمة فورية للي بقولهولك ده...

العربية اللي بتريح صحابها بيبقى سعر إعادة البيع بتاعها عالي.

...