الموضوع: ادخل قول لنا بتعمل اه فى المواقف دى؟

النهارد ماشى فى امانة الله فى شارع السواح
وهو شارع واسع وكبير ومتسفلت جديد وميه ميه
المهم كنت لسه نازل من الكوبرى اللى جاى من روكسى واللى جاى من شركة ترعة الجبل ماسك اليمين وعند اول ملف شمال وانا وشى للشارع ولا مدى اشارة شمال والعربية عدلة على الشارع
لقيت تاكسى جاى من ورا وعاوز ياخد الملف قبل منا اكمل علطول
وهب تك بوم خبطنى والحمد لله جت سليمة وكسر لى فانوس الاشارة
المهم وقفت شفت العربية لقيت الفانوس مكسور
قلت له حد يعمل كده قالى انتا داخل على ملف بحسبك هتلف
قلت له بحسبك ؟
قلت له الف ازاى وانا ماشى عدل ومش مديك اشارة
يعنى مفيش اى شئ يفهمك انى بلف
قالى اسف يا بيه
المهم مشيت وخلاص
بس الواحد متضايق من الموقف مش علشان اللى حصل وفانوس الاشارة لكن علشان لابد ان يكون فيه شئ يحدث للمخطئ هذا لو كان الامر ليس خارج عن ارداته.
يعنى اللى شايف نفسه فهلوى وسواق نص الليل وبيعدى من الناس وبياخد غرز وبيتجاوز خلق الله ويكسر لهم فى عرابيتهم المفرض نسيبه وخلاص يخبط فى عربيات تانية ؟
قلنا ازاى بتتصرف لو حصلت لك مشكلة بسيطة او كبيرة لا قدر الله فى الطريق وحد خبطك وانتا مش غلطان
كيف بيكون رد فعلك هل انتا مسالم طول الوقت ولا انتا بتبقى فى المواقف دى عنيف ؟

هو اية اللى يعمل اية بطلع عين اللى خلوة يركب عربية.
على الرغم انى مش راكب عربية ورق ولا الخبطة منها هتنفخنى قد كدة فى التصليح ولا قطع الغيار لكن بردو .

اللى حصل معايا كالاتى :

ماشى ياسيدى عندنا فى الزقازيق فى شارع المحافظة فى امان الله وبدخل من شارع متفرع منه شمال عشان مش هعرف ادور من الشارع الرئيسى.

داخل الشارع وامامى عربية نص نقل صندوق محترم زى الفل وملهاش اكصدام. وانا داخل وراها عشان افلت من الشارع الرئيسى. المهم الافندى المفروض ينجز ويدخل لا.

دة دخل الشارع ووقف وانا وراه. وعينك ماتشوف الا النور راح مفرمل وانا طبيعى فرملت قلت اكيد فى عربية فى الاتجاه المقابل وبيعديها او راجل او فرد ماشى على رجله بيعدى الشارع . بعد مافرمل رجع على الكبوت .

اقسم بالله حتى لو زهنك حاضر ومعاك اتوماتك ماهتلحق تعمل حاجة. لاقيت الكبوت بيتفرتك ادامى رجع عليا بالصندوق الحديد وزى مايكون جاب منشار وحوالى 30 سم بطول الكبوت للداخل محفورة.

والله العظيم لو عربية حديثة لانسر اسكودا تويوتا ماذا . كان الكبوت اتقسم نصفين.

المهم نزلت وطبعا الافندى مااستخدمش المرايات وهو بيرجع . وهو عارف انه غلطان قالى اللى انت عاوزة . طلعت بيه ع السمكرى.

دفع اللى فيه النصيب . وانا كملت الباقى لانه كان راجل غلبان والشركة مش هتدفعله حاجة . والله دفعت باقى التكلفة مع العلم بان الصنايعية حبايبى وبيوجبوا معايا.

حتى السمكرى قالى مش عايز منك فلوس دلوقتى. قلتله اشطى على اول الشهر.

نتعلم ان خطا الغير وارد فى كل الاحوال . ولازم اللى بيسوق مايجريش ولايتهور ومايتزنئش خلف الكارو والنقل عشان مايحصلش اللى حصل معايا.