تقرير عن هيونداي النترا Ad ٢٠١٧ (الطفره و الاسطوره )

هيونداي النترا AD 2017

بالنيابة عن جروب النترا Ad و اعترافا مننا ان المنتدي اصل جروبات العربيات في مصر

http://nileup.com/up/uploads/nilemotors_14760336561.jpg

مبدأيا انا من ملاك العربية كلامي كله عن تجربة

النترا Ad الشكل الجديدة عروسة هيونداي العربية فعلا انا شايفها نقطة تحول في تاريخ هيونداي وهتكبر اسم الالنترا بالذات .

أولا الشكل الخارجي

http://nileup.com/up/uploads/nilemotors_14760311811.jpg

هيونداي المرة دي طلعت بره التصميم العادي في عربياتها
عملت سياسة كده في العربيه وهي الشبكة الكبيرة ودي فكرتها أن العربيه تبقي مقاومة للهوا علشان ثبات العربيه ودي فعلا النقطة اللي فرقت فعلا خصوصا أن هيونداي معروف ثباتها مش اوي لكن ال Ad فعلا بقول عليها نقلة من هيونداي في الثبات مع العلم انا كان معايا النترا hd و md وفعلا الفرق كبير جدا بجانب طبعا حركة ظريفة عند الفوجات في أماكن بتسمح بدخول الهوا بتسمح بتبريد الفرامل علشان تعطي أفضل أداء الفرامل وفعلا حاضرة وبقوة من أقل لمسة العربيه بتوقف ببساطة

http://nileup.com/up/uploads/nilemotors_14760336011.jpg

هيواندي استخدمت في العربية فولاذ بنسبه 53% وده ظاهر جدا في قوه صاج العربية ولما تقفل الباب هتتعب نفسك تدوس عليه شوية بس ������
ودعامات جانبية في الابواب وبالمناسبة العربيه حصلت علي اعلي التقييمات في اختبارات السلامة وطبعا شكل العربيه مش جديد علي الكوريين شياكه التصميم العربيه فعلا شيك جدا وتحسها شبه الفورد فيوجن

التصميم الداخلي

http://nileup.com/up/uploads/nilemotors_14760332075.jpg

هيواندي المرة دي بعدت تماما عن التصميمات المعروفه عنها وخدت أسلوب الألمان التابلوه تحسه مايل ناحيه السواق علشان تبقي كل حاجة سهله عليه والزراير مرتبه جدا وده باين قي زراير المالتي المالتي مرتبه جدا والإضاءة الزرقة المعروفه بيها هيواندي

http://nileup.com/up/uploads/nilemotors_14760332074.jpg

والعدادات الأبيض حتة ألماني كده ������ وعداد ديجيتال للسرعة وده اول مرة ينزل في الالنترا طبعا
التكييف بقا تلج بمعني الكلمة وفي فتحات خليفة مش هتحتاجها اوي لأن فعلا التكييف تلاجة
نيجي بقا لسحب العربيه العربية طبعا العربيات الكوري معروفه أن سحبها كويس جدا ولكن هيونداي عملت drive mode
وده 3 أوضاع
eco سحب متوسط
normal سحب كويس جداااا
sport وده فعلا وهم العربية بتتحول تماما العربية بتبقا من أي لمسة بتطير وده علشان الناس اللي غاوية شد ������ربنا يهديم ويستر طريقهم
العفشة ولا ناشفة ولا طريقة العفشة وسط حتي مع الجنط ال 17 مش بترزع والكلام ده
استهلاك البنزين كويس جدا

الاوبشن والكماليات

http://nileup.com/up/uploads/nilemotors_14760332071.jpg

العربية مليانة اوبشن ورفاهية من أول الفئات بتنزل كاميرا وشاشة 8 انش

http://nileup.com/up/uploads/nilemotors_14760332073.jpg

ومرايات ضم بتقفل وتفتح مع الريموت

وطبعا طارة مالتي وبلوتوث

وبتزيد في الفئات الأخرى

فتحة سقف

ومثبت سرعة

وحساسات أمامية وخلفية

وبصمة وستارت انج

تكييف تاتش

مساند رأس خلفيه

إمكانية طي الكنبه الخليفة

وحساس مطر

وحساس إضاءة

ومرايات تعتيم

وليدات أمامية وخلفية

وجنوط 16 و17

وخاصية فتح الشنطه تلقائي
وفرش جلد

http://nileup.com/up/uploads/nilemotors_14760332072.jpg

كده قولنا مميزات العربية كلها
نيجي للعيوب بصراحة هي عيوب ترفيهية
العيب الأول وهو غبور
غبور مركب الشاشة والكاميرا في مصر الشاشة كان فيها مشاكل لكن التوكيل بيحلها
لكن عنده مشكلة المايك صوته ضعيف ولازم تتخانق وانت بتتكلم
والكاميرا بتقطع لأنه جايب كاميرا سيئة ومجهولة المصدر
جايب العربية من غير aux وusb ومركب سلك usbمرمي في درج التابلوه طبعا منظره وحش جدا في عربية 2017 ومش رخيصة
لسه بيعتبر الايرباج وال abs كماليات ومش موجودين غير من أول الفئة التالتة
الخلاصة
العربية طفرة من هيونداي وخدت أسلوب جديد تماما وتطور رائع ولكن غبور لازم يحط التاتش بتاعه للأسف ������
أتمني التقرير يفيد حضراتكم وخصوصا الناس اللي ناوية علي الشراء وشكرا
تحياتي ( وسام ايمن)

https://www.facebook.com/groups/939072820950/

تقرير جميل جزاك الله خيرا
ماشاء الله لا قوة الا بالله
ربنا يديك خيرها ويكفيك شرها

اقتباس:

---

المشاركة الأصلية كتبت بواسطة ahmedibrahim

تقرير جميل جزاك الله خيرا
ماشاء الله لا قوة الا بالله
ربنا يديك خيرها ويكفيك شرها

---

تسلم ي فندم تحت امرك و متشكرين جدا جدا

الله ينور

ممتاز

اقتباس:

---

المشاركة الأصلية كتبت بواسطة tamer shaltout

الله ينور

---

علينا و عليك ي تامر ☺️
منورنا ي باشا

مبروك عليك العربية وربنا يديك خيرها ويكفيك شرها.
عايزين نشوف حل مع غبور يعني مثلا يرجع الكاسيت الأصلي بتاعها مع دفع فارق السعر مثلا لأنه على حسب ما قرأت أنه master piece بالنسبة للشركة في الإمكانيات.
وده طبعا يستدعي أنهم يرجعوا ال usb & aux الأصلي.

اقتباس:

---

المشاركة الأصلية كتبت بواسطة ahmed_fathy_

مبروك عليك العربية وربنا يديك خيرها ويكفيك شرها.
عايزين نشوف حل مع غبور يعني مثلا يرجع الكاسيت الأصلي بتاعها مع دفع فارق السعر مثلا لأنه على حسب ما قرأت أنه master piece بالنسبة للشركة في الإمكانيات.
وده طبعا يستدعي أنهم يرجعوا ال usb & aux الأصلي.

---

الله يبارك فيك يارب بالنيابه عن وسام
تابعنا علي الفيس
هتسمع اخبار كويسه

اقتباس:

---

المشاركة الأصلية كتبت بواسطة don kamelloo

الله يبارك فيك يارب بالنيابه عن وسام
تابعنا علي الفيس
هتسمع اخبار كويسه

---

ياريت تقولي ايه اسم الجروب ع الفيس بوك

لقيت الجروب ماكنتش واخد بالي.
تحياتي...

بارك الله فيك على التقريب الوافى والخلاصه والاختصار الجميل تقبل مرورى وملحوظه صغيره ال mode سواء سبورت او راحه او نورمال بحس مفهاش فرق لان مش ختغيرلك قوه الموتور بتغيرلك طريقه القياده ودركسيون فقط مش زى البى ام والمرسيدس

اقتباس:

---

المشاركة الأصلية كتبت بواسطة Omar Sarray

بارك الله فيك على التقريب الوافى والخلاصه والاختصار الجميل تقبل مرورى وملحوظه صغيره ال mode سواء سبورت او راحه او نورمال بحس مفهاش فرق لان مش ختغيرلك قوه الموتور بتغيرلك طريقه القياده ودركسيون فقط مش زى البى ام والمرسيدس

---

هو فعلا مش بيغير في الموتور بس بيفرق كتير بس في الفتيس بيغير وضع الفتيس مثلا ال eco بيكون النقل بدري اوي بالتالي بيفرق في التجميع والسحب وعلي العكس تماماً في ال sport بيكون متأخر وممكن يوصل ل 6500 لفة في الدقيقة وبالتالي التجميع بيكون اسرع والسحب اقوي بكتيييير اما العادي فبيكون وسط بين الاتنين.
وفعلا بيفرق اما اللي حضرتك بتتكلم عليه ده موجود في الكيا سيراتو وبيكون تأثيره علي الدريكسيون فقط.

اقتباس:

---

المشاركة الأصلية كتبت بواسطة Ahmed_Fathy_

ياريت تقولي ايه اسم الجروب ع الفيس بوك

---

https://www.facebook.com/groups/939632072820950/

اتفضل ي باشا

تقرير رائع يا فندم وأنا من ملاك العربية وحبيتها أكتر بعد ما قريت كلامك وفعلا العربية جميلة جدا ونقطة تحول كبيرة لهيونداى أنا استلمتها ف شهر 11 2016 وكانت الدفعة التالتة بالكاسيت الجديد شاشة فقط بدون فتحة سى دى وبدون الأبلكيشنز اللى كانت ف الكاسيت اللى قبله وبدون الكاميرا الخلفية والكاسيت فيه مشاكل كتير بيهنج وبيفصل باور أو تاتش أو صوت أحيانا ولازم أقف وأطفى العربية لمدة دقيقة تقريبا علشان أرستره ويشتغل كويس وبتكون مشكلة لو على طريق سريع وقدمت أكتر من شكوى دون جدوى ومش عارف أتصرف إزاى هل أصر على تغيير الكاسيت بالقديم زى اللى ف الدفعة الأولى ف الصور ولا هو كمان سئ ؟؟ والمشكلة الأكبر إنى إكتشفت إن التكييف ضعيف جدا مش بيسقع !! ياريت تنصحنى أتصرف إزاى ولك جزيل الشكر

تقرير جيد جدا و مش غريب عن أحد رجالة الالنترا ad

طبعا بالنسبة لتطورات موضوع المايك و تشويش الكاميرا حضرتك ادري مني بها و أنها أن شاء الله في طريقها للحل من خلال التوكيل و الشركة الموردة للشاشة
أما بالنسبة للعربية نفسها فالحمد لله كل مالكيها راضيين عنها و فخورين بها و فعلا هي قيمة مضافة الي سمعة الالنترا

تحياتي لك علي الموضوع و المجهود المبذول فيه و تحية خاصة لكل أعضاء جروب الالنترا ad

كنت بسأل يا جماعة هل فى مشاكل او اعطال مصنعية فى اضواء الليد الامامية كما قال البعض انها بتخرب بعد فترة بسيطة ؟

اقتباس:

---

المشاركة الأصلية كتبت بواسطة don kamelloo

هيونداي النترا AD 2017

بالنيابة عن جروب النترا Ad و اعترافا مننا ان المنتدي اصل جروبات العربيات في مصر

http://nileup.com/up/uploads/nilemotors_14760336561.jpg

مبدأيا انا من ملاك العربية كلامي كله عن تجربة

النترا Ad الشكل الجديدة عروسة هيونداي العربية فعلا انا شايفها نقطة تحول في تاريخ هيونداي وهتكبر اسم الالنترا بالذات .

أولا الشكل الخارجي

http://nileup.com/up/uploads/nilemotors_14760311811.jpg

هيونداي المرة دي طلعت بره التصميم العادي في عربياتها
عملت سياسة كده في العربيه وهي الشبكة الكبيرة ودي فكرتها أن العربيه تبقي مقاومة للهوا علشان ثبات العربيه ودي فعلا النقطة اللي فرقت فعلا خصوصا أن هيونداي معروف ثباتها مش اوي لكن ال Ad فعلا بقول عليها نقلة من هيونداي في الثبات مع العلم انا كان معايا النترا hd و md وفعلا الفرق كبير جدا بجانب طبعا حركة ظريفة عند الفوجات في أماكن بتسمح بدخول الهوا بتسمح بتبريد الفرامل علشان تعطي أفضل أداء الفرامل وفعلا حاضرة وبقوة من أقل لمسة العربيه بتوقف ببساطة

http://nileup.com/up/uploads/nilemotors_14760336011.jpg

هيواندي استخدمت في العربية فولاذ بنسبه 53% وده ظاهر جدا في قوه صاج العربية ولما تقفل الباب هتتعب نفسك تدوس عليه شوية بس ������
ودعامات جانبية في الابواب وبالمناسبة العربيه حصلت علي اعلي التقييمات في اختبارات السلامة وطبعا شكل العربيه مش جديد علي الكوريين شياكه التصميم العربيه فعلا شيك جدا وتحسها شبه الفورد فيوجن

التصميم الداخلي

http://nileup.com/up/uploads/nilemotors_14760332075.jpg

هيواندي المرة دي بعدت تماما عن التصميمات المعروفه عنها وخدت أسلوب الألمان التابلوه تحسه مايل ناحيه السواق علشان تبقي كل حاجة سهله عليه والزراير مرتبه جدا وده باين قي زراير المالتي المالتي مرتبه جدا والإضاءة الزرقة المعروفه بيها هيواندي

http://nileup.com/up/uploads/nilemotors_14760332074.jpg

والعدادات الأبيض حتة ألماني كده ������ وعداد ديجيتال للسرعة وده اول مرة ينزل في الالنترا طبعا
التكييف بقا تلج بمعني الكلمة وفي فتحات خليفة مش هتحتاجها اوي لأن فعلا التكييف تلاجة
نيجي بقا لسحب العربيه العربية طبعا العربيات الكوري معروفه أن سحبها كويس جدا ولكن هيونداي عملت drive mode
وده 3 أوضاع
eco سحب متوسط
normal سحب كويس جداااا
sport وده فعلا وهم العربية بتتحول تماما العربية بتبقا من أي لمسة بتطير وده علشان الناس اللي غاوية شد ������ربنا يهديم ويستر طريقهم
العفشة ولا ناشفة ولا طريقة العفشة وسط حتي مع الجنط ال 17 مش بترزع والكلام ده
استهلاك البنزين كويس جدا

الاوبشن والكماليات

http://nileup.com/up/uploads/nilemotors_14760332071.jpg

العربية مليانة اوبشن ورفاهية من أول الفئات بتنزل كاميرا وشاشة 8 انش

http://nileup.com/up/uploads/nilemotors_14760332073.jpg

ومرايات ضم بتقفل وتفتح مع الريموت

وطبعا طارة مالتي وبلوتوث

وبتزيد في الفئات الأخرى

فتحة سقف

ومثبت سرعة

وحساسات أمامية وخلفية

وبصمة وستارت انج

تكييف تاتش

مساند رأس خلفيه

إمكانية طي الكنبه الخليفة

وحساس مطر

وحساس إضاءة

ومرايات تعتيم

وليدات أمامية وخلفية

وجنوط 16 و17

وخاصية فتح الشنطه تلقائي
وفرش جلد

http://nileup.com/up/uploads/nilemotors_14760332072.jpg

كده قولنا مميزات العربية كلها
نيجي للعيوب بصراحة هي عيوب ترفيهية
العيب الأول وهو غبور
غبور مركب الشاشة والكاميرا في مصر الشاشة كان فيها مشاكل لكن التوكيل بيحلها
لكن عنده مشكلة المايك صوته ضعيف ولازم تتخانق وانت بتتكلم
والكاميرا بتقطع لأنه جايب كاميرا سيئة ومجهولة المصدر
جايب العربية من غير aux وusb ومركب سلك usbمرمي في درج التابلوه طبعا منظره وحش جدا في عربية 2017 ومش رخيصة
لسه بيعتبر الايرباج وال abs كماليات ومش موجودين غير من أول الفئة التالتة
الخلاصة
العربية طفرة من هيونداي وخدت أسلوب جديد تماما وتطور رائع ولكن غبور لازم يحط التاتش بتاعه للأسف ������
أتمني التقرير يفيد حضراتكم وخصوصا الناس اللي ناوية علي الشراء وشكرا
تحياتي ( وسام ايمن)

https://www.facebook.com/groups/939072820950/

---

اولا احب اشكر مجهودك في الموضوع الرائع هي فعلا عربية جميلة جدا.

ثانيا انا عندي استفسار صغير بخصوص مشغل الفيديو، انا كل اما احاول اشغل فيديو يديني صوت بس ويطلعلي رسالة بتقول "Driving Status Video Closed, for your safety please concentrate in driving" و للأسف بقالي كتير اوي بحاول اوصل للسبب ومعرفتش اتمنى حد يقدر يفدني، شكرا.

بعد اذنكم انا ناوي ان شاءالله اشتري النترا 2017 ad تنصحوني بأي فئه مع العلم مش عايز حاجه هاي اوي ولكن وسط واي لون احلي فالالنترا دي انا من كلام الناس عليها انا عشقتها بصراحه وايه الالوان المتوفره فالمعارض وتثبيت السرعه بيبدأ من الفئه كام
ممكن حد يفدني Don kamelloo

سؤال تاني ايه المعارض الموجوده فالقاهره او الاسكندريه وعروضها حلوه فالتقسيط بالنسبه للانترا 2017 ad وايهما اضمن ومكان موثوق فيه والامانه فالتعامل اسف للاطاله
ورجاءً الافاده Don kamelloo

جروب النترا AD مصر
شرفونا

https://m.facebook.com/groups/939632072820950