السلام عليكم ورحمة الله وبركاته
انا النهاردة غيرت زيت الفتيس بتاع العربية بزيت Dexron iii Mannol
وحطيت زي ما هو موضح فى الكتالوج ٢,٢ لتر
بس فيه واحد صاحبي خوفني انه الزيت لو مش كويس ممكن يعمل مشاكل فى الفتيس
فايه رأيكم فى الموضوع ده
مع العلم انه موصى فى الكتالوج أحط زيت Dexron iii
الزيت يبقى مش كويس لو مواصفته غير المكتوب في الكتالوج..
إنما لو نفس مواصفة الكتالوج .. يبقى مفيش حاجة تقول إنه وحش..
ما تخافش... انت عملت الصح.
...
انا ممنون جدا لحضرتك على الاهتمام
بس حابب اعرف حاجتين
الاولى هل فيه فرق بين انواع الزيوت Dexron iii يعنى فى نوع افضل من نوع
كمان هو المفروض أغير زيت الفتيس كل اد ايه وهل فيه فرق لو غيرت الكميه كلها ٥ لتر او كمية التغيير بس ٢,٢ لتر
عايز اغير زيت الفتيس
انا اشتريت العربية مستعملة من سنة و عاملة ١١١ الف كم
اشتريتها من وسيط
معرفش المالك و لا اعرف اذا كان غيره من الاساس او لا
و لو غيره قبل كدا هل غيره من اى نوع
و شفت موضوع ممثال على هئه اللينكات فعمل لبث معى
http://www.nilemotors.net/Nile/380750-a.html
http://www.nilemotors.net/Nile/375416-a.html
كلمت السبع اسألهم فجعلوا مهندس من نيسان يتصل بى و للاسف واضح انه مش فاهم اى شئ و لا مستوعب اللى بقوله و غالبا هو مش بيقدر يفرق بين انواع الزيوت لما سألته هل الافضل انزل الزيت من الكرتيرة و لا انزله شفط و هل استخدم زيت تخليقى كامل و لا نصف تخليقى و لم اصل معه لنتيجة و كان ملخص كلامى معه انى اذهب بالسيارة لتوكيل السبع للصيانه
المهم
انا كنت اتصلت بمهندس اعرفه من وولف للزيوت
و رشح لى زيت تخليقى كامل سعر اللتر ١٥٠ جنيه
و كمان كنت عنلت مشاركة على صفحتهم على فيس فأدمن الصفحة رشح لى زيت نصف تخليقى و لما كتبت له ان على التليفون رشحوا لى التخليقى الكامل فتراجع و قال انه هو الافضل
المشكلة حاليا
ان انا معرش نوع الزيت الموجود فى الفتيس حاليا
و غالبا مش هينزل كله
و اى صنف جديد هحطه هيفصل مع بقايا الزيت القديم
هل اشترى من وولف
و لو هشترى من وولف هل اشترى النصف تخليقى و لا التخليقى الكامل
و هل انزل الزيت القديم من الكارتيرة و لا شفط عشان اضمن نزول اكبر كم من الزيت القديم
و هل المفروض هستخدم كم لتر
و لا استخدم غيار و انزله و ارجع اغيره تانى
اقتباس:
المشاركة الأصلية كتبت بواسطة ahmed313
تكرار كتابه الموضوع فى اكثر من مكان يعرضك للايقاف
الزملاء فى المنتدى بيتابعوا كل المواضيع .. يعنى لا تقلق من عدم رؤيه الموضوع
اهلا بيك عضو جديد فى المنتدى
متابع مع حضرتك .............................