متابع معاكو :)
رقم العضوية : 173494
تاريخ التسجيل : 24Mar2015
المشاركات : 2,674
النوع : ذكر
الاقامة : egypt
السيارة: none
السيارة[2]: Speranza a620 2010
الحالة :
رقم العضوية : 63828
تاريخ التسجيل : 01Mar2010
المشاركات : 2,083
النوع : ذكر
الاقامة : القاهرة
السيارة: لانسر بومة 2008
السيارة[2]: بليزر k5 1980
دراجة بخارية: no
الحالة :
متابع معاكو :)
رقم العضوية : 29225
تاريخ التسجيل : 05Jan2009
المشاركات : 1,362
النوع : ذكر
الاقامة : الإسكندرية
السيارة: لايوجد
السيارة[2]: Jeep KK 2009
الحالة :
هو فيه نوع كويس انا باستعمله بس دوت ٣ واعتقد فيه منه دوت ٤ بس حاتلف عليه شوية وللاسف دلوقتى مش فاكر اسمه وانا مروح حاشوفلك اسمه معايا علبة فى البيت - هى علبة صفيح نصها ابيض ونصها احمر فى اسود - وعلشان تغير الزيت بتاع الفرامل كله حاقولك على حاجه انا باعملها من زمان كل سنة وبتجيب نتيجه هايلة جدا
طبعا زيت الفرامل او سائل الفرامل فيه خاصية انه بيمتص الرطوبة من الجو يعنى بتتكون فيه نسبة ميه مع مرور الوقت والميه دى لما نسبتها بتزيد عن ٤٪ بيعتبر السائل بتاع الفرامل خلاص باظ ودى نسبة عالمية وليها جهاز بيقيس نسبة الميه وانا الحمدلله عندى الجهاز ده من زمان - اللى بيحصل ان لما بتدوس فرامل فبيحصل سخونة كبيرة وتتنتقل السخونة دى للزيت بتاع الفرامل فالميه تغلى وتتحول لبخار وتأثير البخار بالظبط زى تأثير الهوا فى الفرامل وتلاقى الفرامل ضعيفة مع ان التيل كويس والطنابير كويسة ومافيش اى تسريب من الدايرة وتلاقى ناس كتير يقولك اصل العربية الفلانية فراملها ضعيفة والعربية العلانية معروف فى السوق انها فراملها وحشة وده طبعا كلام مش مظبوط لان شركات تصنيع السيارات اهم حاجه بتهتم بيها الفرامل وبعدين باقى المكونات فممكن تلاقى عربية موتورها وحش ولا البودى ضعيف ولافتيسها تعبان بس انك تلاقى فراملها وحشة دى شبه مستحيلة - وكمان لما نسبة المية بتزيد عن ٤٪ بتلاقى الزيت لونه بقى غامق وساعات يبقى اسود - وبالتالى بعد فترة بتضرب المساتر وتخش فى دوامات كبيرة لغاية العربية ماتتظبط - اللى انا باعمله انى باروح الصيدلية واشترى سرنجه كبيرة اكبر سرنجه عندهم وباشترى الخرطوم بتاع ابرة الوريد مش عارف الدكاتره بيسموه كانيولا او حاجه زى كده وبيبقى معاها حاجات تانية مالهاش لزمة بالنسبة للموضوع بتاع الفرامل كل اللى بنحتاجه هو حته خرطوم من الكانيولا دى طولها ٢٥ سم مثلا - وتركب الخرطوم فى السرنجه من غير الابرة طبعا - وبعدين تمسح علبة الفرامل اللى فى العربية كويس وتفتح الغطا يتاعها وتنزل الخرطوم فيها وتسحب زيت الفرامل وتفضى السرنجه لما تتملى فى زجاجه ميه فاضية وتكرر العمليه لغاية مالعلبة يبقى فيها يادوب حبه زيت صغيرين علشان ملتسحبش هوا - وبعد كده تكمل زيت جديد لغاية العلامة وتدور العربية وتدوس فرامل كذا مرة ولو الزيت نقص كمله واقفل الغطا واطلع امشى بالعربية شوية يعنى لفة حوالين البيت ٥ دقايق وتدوس فيهم فرامل كذا مرة وانا ماشى وبعدين تبطل العربية وتكرر الموضوع ده تانى - كده يبقى عملنا تجديد جزئى لسائل الفرامل وصدقنى بتحس بفرق جامد وخلى بالك تغيير كل دورة الفرامل محدش بيعملها لانها بتزهق :) - كل التوكيلات هنا وبره بتعمل كده تغيير جزئى وحتى الميكانيكية كمان بيعملوا كده ولو فتح حايفضى شوية زيت من كل عجله نقطتين وبالسلامة - حتى لو رحت لاى ميكانيكى وقولتله غيرلى زيت الفرامل حايبصلك باستغراب كانك من كوكب المريخ :)
جرب الطريقة دى ولو عاوز تتطمن كررها بعد اسبوع مثلا يبقى كده اطمنت عالفرامل . واول ماروح حاشوفلك ماركة الزيت .
amadios سابقا
رقم العضوية : 173494
تاريخ التسجيل : 24Mar2015
المشاركات : 2,674
النوع : ذكر
الاقامة : egypt
السيارة: none
السيارة[2]: Speranza a620 2010
الحالة :
شكرا يا باشمهندس احمد على اهتمامك
حلوه فكره خرطوم الكانيولا دى .. ان شاء الله يتضاف على العده .. و فيه برضه حاجه تنفع تفضى العلبه من اول مره .. شفاط كاوتش بتاع ( دش الغسيل النسائى ) .. اسف للجميع لذكر الجمله السابقه
انا دايما باغير الزيت اللى فى العلبه كل سنتين فى اى عربيه ده بالاضافه لاخذ الهوا كل شهر او شهرين .. بس فى العربيه دى مغيرتوش لانى محتار اغيره بأيه .. بس خلصت علبتين صغيرين المقاس العادى فى اخد الهوا خلال السنتين
انا باستعمل زيت Hella المانى لما باخد هوا الفرامل .. من عند بتاع المرسيدس اللى فى الازاريطه ( اعتقد اسمه مرزوق او اسم قريب من كده .. ناس محترمين ) اللى جنب بتاع البويات .. و لما كنت عايز اغير الدوره كامله لقيت عنده زيت اسمه وولف او وولفر ( او اسم قريب من كده ) بصراحه اترددت انى اخده .. هى علبه كبيره صفيح مربعه لونها احمر .. بس من غير نظاره معرفتش اقرأ المواصفه بتاعته
انا شفت مواصفه امسويل كويسه جدا سواء لدوت 3 او دوت 4 .. دوت 3 امسويل بتعطى اداء و مواصفه اعلى من دوت 4 العادى .. بس خايف اجيبه و اجى فى مره اتزنق لانى باخد الهوا كتير من العربيه ( تقريبا شهريا ) .. و طبعا اخاف اخلط عليه زيوت تانيه بصراحه لان الفرامل مفيهاش هزار
تقصد انى افضى الزيت تانى من العلبه تانى .. ام انى امشى بيها 5 دقائق ثاني مع الفرمله المتكررهواطلع امشى بالعربية شوية يعنى لفة حوالين البيت ٥ دقايق وتدوس فيهم فرامل كذا مرة وانا ماشى وبعدين تبطل العربية وتكرر الموضوع ده تانى
انا كنت عايز اغير الدوره كامله و معاها ال ABS للسبب الاتى
صديق لى نصحنى انى اكارك فرامل مرتين او ثلاثه و العربيه مبطله .. و بعدين ادوس فرامل و ادور و انا دايس فرامل علشان الهوا كله يخرج و بعدين ارفع رجلى من على الفرامل .. ( هو اتعلمها من احد اعضاء نادى السيارات )
بعد ما عملت كده اول مره الفرامل اتحسنت ( بالظبط كانك اخذت الهوا ) .. فعملتها مره ثانيه بس بعد ما دورت كاركت فرامل كتير قبل ما ادور و كمان بعد ما دورت .. و سمعت تكه جامده جدا ( اعتقد الصوت من ورا ) .. و من بعدها حاسس ان ال ABS موش شغال .. يعنى علشان اشغله بالعافيه .. يبقى لازم سرعه 90 و فرامل خطر جامده اكتر من مره علشان يشتغل و برغم كده يشتغل ضعيف اوى
بصراحه خايف ان التكه دى تكون بوظت حاجه جواه ( جزء تنظيم الضغط او سولونيد ) او انه يكون خد هوا .. الفرامل ضعيفه و فيها هوا برغم انى باخد الهوا بصوره مستمره و بتكون كويسه و الزيت ما بينقصش
ميكانيكى التوكيل مره قال ان فيه جهاز بيغير الدوره كامله علشان ال ABS .. و يمكن بيكذب علشان موش عايز يتعب نفسهكل التوكيلات هنا وبره بتعمل كده تغيير جزئى
اللى اعرفه ان الهوا جوه ال ABS صعب جدا انه يخرج .. و لازم Scan tool مخصوصه بيكون فيها برنامج لل Bleeding علشان تشغل السلونويدات اثناء تغيير الزيت و بالتالى الهوا و الزيت القديم حيخرج من ال ABS
تحياتى و اعزازى
رقم العضوية : 29225
تاريخ التسجيل : 05Jan2009
المشاركات : 1,362
النوع : ذكر
الاقامة : الإسكندرية
السيارة: لايوجد
السيارة[2]: Jeep KK 2009
الحالة :
إللى اقصده انك تمشى بيها شوية علشان الزيت يتخلط مع الزيت المتبقى وتسحبه تانى من العلبة علشان تضمن تغيير اكبر قدر ممكن .
بالنسبة للزيت اسمه بيندكس bendix معلش لسه مروح حالاً - والزيت ده محترم وفى مصر من زمان قوى تقريبا من وانا فى KG2 :)
موضوع انك تاخد الهوا كتير ده مشكلة اكيد فيه حاجه بتهرب بسيط لان الفرامل دى الواحد مش بياخد منها الهوا غير لما بيغير تيل .
جهاز الـ bleeding للفرامل ده جهاز زى فكرة الطلمبة الماصة كابسة وممكن تعمله على ايدك - والجهازاللى زى السكان اللى قصدك عليه ده جهاز علشان يفتح التيل الخلفى فى بعض العربيات اللى فراملها الخلفية مزدوجه يعنى فيها تيل زى التيل الامامى وفيها تيل زى الخلفى العادى جوه - والجهاز ده بتحتاجه لما تيجى تغير الفرامل الخلفية اللى جوه وموجود فى التوكيلات .
الطريقة بتاعة كبس الفرامل لغاية ماتتقل وبعدين وانت دايس عليها تدور وتلاقيها نزلت ده اختبار من اختبارات سلامة السيرفو - بس اول مرة اعرف انه بيخلى الهوا يخرج - بس عموما منطقى انك لما تكارك الفرامل كذا مرة بتتحسن بس لفترة وترجع تانى .
التكة طالما سمعتها من ورا يبقى يمكن يكون من ماستر عجلة خلفية حصل اى حاجه شوية هوا فى الدايرة او تراب عالتيل خلوه يعلق وبعدين يكمل عادى . لكن كون انك بتسمعه يشتغل او بتحس بيه فى دواسة الفرامل او مش بتسمعه ده مش مقياس لأنه شغال ولا لأ.
جرب بس تغير الزيت بالطريقة دى وشوف النتيجة ايه
amadios سابقا
رقم العضوية : 63828
تاريخ التسجيل : 01Mar2010
المشاركات : 2,083
النوع : ذكر
الاقامة : القاهرة
السيارة: لانسر بومة 2008
السيارة[2]: بليزر k5 1980
دراجة بخارية: no
الحالة :
رقم العضوية : 173494
تاريخ التسجيل : 24Mar2015
المشاركات : 2,674
النوع : ذكر
الاقامة : egypt
السيارة: none
السيارة[2]: Speranza a620 2010
الحالة :
فعلا مواصفته كويسه سواء لدوت 3 او 4 .. استرالى
دى عاده عندى من زمان .. و اكتر الاوقات بيكون اللى بيطلع زيت ( مفيش هوا ) .. بس باحاول احسن الفرامل شويهموضوع انك تاخد الهوا كتير ده مشكلة اكيد فيه حاجه بتهرب بسيط لان الفرامل دى الواحد مش بياخد منها الهوا غير لما بيغير تيل .
التكه الجامده حصلت مره واحده بس لما كاركت كتير .. و محصلتش تانى ( مفيش اصوات )التكة طالما سمعتها من ورا يبقى يمكن يكون من ماستر عجلة خلفية حصل اى حاجه شوية هوا فى الدايرة او تراب عالتيل خلوه يعلق وبعدين يكمل عادى . لكن كون انك بتسمعه يشتغل او بتحس بيه فى دواسة الفرامل او مش بتسمعه ده مش مقياس لأنه شغال ولا لأ.
لكن اللى لاحظته ان ال abs ضعف جدا بعدها مباشره ( حتى الان ) ..
يعنى كان دائما يشغل بعد غسيل العربيه فى البنزينه لغايه ما اخرج و امشى شويه ..
و برضه كان بيشتغل كويس فى الفرامل الجامده على سرعه 60 مثلا فى المشى العادى
دلوقتى شبه موش شغال بنسبه 95% .. و ضعيف جدا لو اشتغل ( لازم سرعه 90 او اعلى .. و فرامل خطر جامده اكتر من مره علشان يشتغل .. و برغم كده يشتغل ضعيف اوى )
فى جهاز علشان يشغل abs .. بيدى اشارات للسلونويدات لعجل قدام و ورا ( بس ما اعرفش شكله و افترضت انه زى سكان تول مخصوصهوالجهازاللى زى السكان اللى قصدك عليه ده جهاز علشان يفتح التيل الخلفى فى بعض العربيات اللى فراملها الخلفية مزدوجه يعنى فيها تيل زى التيل الامامى وفيها تيل زى الخلفى العادى جوه - والجهاز ده بتحتاجه لما تيجى تغير الفرامل الخلفية اللى جوه وموجود فى التوكيلات
و فى جهاز نوع تانى بيكون 4 زراير .. كل زرار كانه حساس راكب على عجله .. و بيشغلوهم برضه لاعطاء اشاره للسلونويدات
تحياتى و اعزازى
رقم العضوية : 173494
تاريخ التسجيل : 24Mar2015
المشاركات : 2,674
النوع : ذكر
الاقامة : egypt
السيارة: none
السيارة[2]: Speranza a620 2010
الحالة :
رقم العضوية : 105306
تاريخ التسجيل : 25Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
أفتكر إني كنت بجيب نوع اسمه لوكهيد Lockheed.. علبته صفرا بغطا اسود على ما أذكر...
بس أنا كنت بجيبه من زمان جدا وكنت بجيبه dot 3... معرفش إذا فيه منه dot 4 ولا ﻷ.
...
Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
رقم العضوية : 29225
تاريخ التسجيل : 05Jan2009
المشاركات : 1,362
النوع : ذكر
الاقامة : الإسكندرية
السيارة: لايوجد
السيارة[2]: Jeep KK 2009
الحالة :
هو فيه اجهزة سكان واجهزة simulation لل ABS بس الاجهزة دى بيقولوا عليها بتسحب الهوا من ABS بس الكلام بتاعهم ده مش دقيق سواء الاجهزة دى او دى بتعمل بس محاكاه لتشغيل ال ABS او اختبار وبعد ماتخلص الاختبار ده لازم تعمل bleeding بالطريقة القديمة بتاخد هوا الفرامل من العجل عادى .
بالنسبة للى انا ذكرته بخصوص تغيير تيل الفرامل الخلفى لو كانت الطنابير الخلفية زى الامامية او كانت مزدوجه داخلى وخارجى الماستر بتاع العجل بتاعهم بيبقى مختلف عن الامامى - الامامى بتزقه بايدك عادى علشان تعرف تركب التيل لكن الخلفى فى النوع ده لازم تلفف البستم بتاع الماستر بزرجينة علشان تعرف تركب التيل الخلفى وبعد ماتركب لازم تدوس فرامل كذا مرة قبل ماتدور - وفيه العربيات الحديثة قوى والعالية زى المرسيدس والبى ام والاودى والجاجوار واللاندرفر ديسكو ٤ بيبقى فرامل اليد فيهم الكترونى وفرامل اليد الالكترونى دى بتتلكك علشان تشتغل اوتوماتيك :) يعنى لو انت دوست زرار فرامل اليد بتعشق عادى ولو حطيت الفتيس عالبارك بتتعشق لوحدها ولو العربية وقفت لمده معينة طويلة شوية بتتعشق لوحدها ولو قمت من كرسى السواق بتتعشق لوحدها ولو اكرة الشنطة مش مقفوله كويس او حد فتحها وانت واقف بتتعشق لوحدها - وكذا حاجه تانيين بتخلى فرامل اليد الالكترونى تتعشق لوحدها مش فاكرهم بصراحه :) - بس الخلاصة انك مهما عملت عمرك ماحتعرف تغير التيل الخلفى لما تعمل عفريت :) لانها فى غالبية الاحوال متعشقة - فعملوا اجهزة OBD بتحرر فرامل اليد علشان تعرف تغير التيل الخلفى وفيه عربيات بيبقى فيها مفتاح من ضمن العدة بيركب على المواتير بتاعة الفرامل الخلفية وتلفه يفتح فرامل اليد
amadios سابقا
المفضلات