صاحب العمارة عاوز 20 الف جنيه فى حالىة بيع شقة تمليك مش ايجار
اخى الاصغر عاوز بيبع شقة فى عمارة صاحبها راجل ضلالى
رغم انه عامل مسجد تحت العمارة وبيلم فلوس ويعمل شنط للخير
قعد يضايق فيه بميكرفون المسجد حطه فى السطح فوق اوضة الاطفال لغابة ما بنت اخوايا جالها التهاب فى ودانها وكل شوية يرد عليها
والدكتور قاله متخلوهاش تزعق لان زعيقها بيأثر على ودانها
ما بالكم بميكرفون ضخم جدا بيخلى الازاز يرزع
( الحمد الله - اخويا مش الدكتور - مش بيسيب فرض فى الصلاة )
لو على الاذان مفيش مشكلة لأن لازم حد يستحمله عشان نشر الاذان وانا قلته استحمله أنت وخد الثواب
هما كمان بيصلوا فى الميكروفون الخارجى
من الزهق قرر بيبع الشقة
الشقة تمليك مكتوب فى عقدها أنه ليه حصة فى الاسانسير والحوائط المشتركة والدهاليز و حصة فى الارض
صاحب العمارة بعتله مع البواب بيقوله لو بعت انا عاوز 20 الف جنيه اسانسير وواجهة العمارة
طبعا هو مش هيديلوا حاجة لكن الفكرة فى الشوشرة على البيع لان اى حد هيجى يشترى مش هيشترى شقة عليها نزاع او شوشرة
هل فى اى طريقة قانونية اتعامل بيها مع الراجل ده لان اخويا مش عارف يعمل ايه معاه
ملحوظة : بالإضافة لأن مبدأ العنف الجسدى مرفوض كمان الراجل عاجز تقريبا ( اعرج عرج شديد ) وبيمشى بصعوبة شديدة جدا