الموضوع: التغيير من زيت معدنى لنصف تخليقى

بغض النظر عن المالك الأول...

أفضل شيء تقدر تعمله لموتور عربيتك هو إنك تحط زيت زي توصيات كتالوج العربية..

مش بالآراء... ولا بالتجارب..

فلو لسه ليك علاقة بالمالك الأول .. ياربت تسأله على كتالوج العربية... هتفرق معاك قوي.

دي حاجة..

الحاجة التانية.. اختيار اللزوجة له معايير لازم نتقيد بيها... تقدر تتعرف عليها من هنا..

http://www.nilemotors.net/Nile/481878-a.html

باختصار المعايير دي تنحصر في 3 حاجات..
1- أقل درجة حرارة متوقع تبدأ فيها تشغيل العربية.. (حسب كتالوج عربيتك)..
2- أسلوب سواقتك واستخدامك للعربية
3- أولوياتك

الكيلومترات اللي ماشياها العربية مش معيار لدرجة لزوجة الزيت إطلاقا.


آخر حاجة...

لو لزوجة ال15w-50 كانت من ضمن الاختيارات المتاحة في كتالوج العربية.. فتأكد إنها مناسبة للجو البارد بتاع مصر... ﻹن اللزوجة دي بتشتغل كويس لحد درجة حرارة 20 تحت الصفر..

والحاجة الأهم ...

إن اللزوجة مش هي أهم حاجة تبص عليها وانت بتشتري الزيت...

فيه أكواد مهمة جدا جدا بتعبر عن جودة أداء الزيت في الموتور وقد إيه بيحميه من التآكل.. وقد إيه بيعمر في موتور عربيتك.. ولو عرفتها هتقدر تشتري الزيت الأفضل لعربيتك...

بشرط واحد... إن الأكواد دي تكون زي طلبات كتالوج عربيتك على الأقل... إذا ما كانتش أحسن منها..

تقدر تاخد فكرة أحسن عن الموضوع ده من هنا...
http://www.nilemotors.net/Nile/341680-a.html


...