مازدا 3 او أوبل أسترا او أوبل موكا

**Rehab Ahmed** · 12-10-2016 11:04 PM

مساء الخير
كنت مقتنعة جدا بالمازدا 3 ولما روحت عشان احجزها البائع قعد يقنعني بالاوبل أسترا
انا مرتحتش للاسترا ولما لقاني مترددة حاول يقنعني بالموكا علي أساس انها مناسبة للسيدات لانها كروس اوفر متميز من وجهة نظره وخصوصا علوها عن الارض في ظل شوارعنا في مصر
طيب عشان عارفة انكم هتسألوني انتي محتاجة ايه في العربية اللي هتشتريها هقول الآتي :
ثبات عالي عشان بحب اجري
عزل عالي
استهلاك وقود اقتصادي
توكيل محترم ومهندسين فاهمين في صيانات العربية
وأخيرا السعر مبقاش مقياس لان كله غالي وكده كده هجيب تقسيط فخلاص مش فارقة السعر يكون ايه..
وَيَا ريت محدش يقنعني باي حاجة كوري عشان بكره الكوري والصيني
ميرسي ليكم مقدما

**bluemail** · 13-10-2016 02:13 AM

مساء النور
طالما انتي مقتنعه بالمازدا يبقي خليكي معاها
موضوع انه حاول يقنعك بالاسترا اكيد في مصلحه ليه من الموضوع ده
الموكا عربيه لسه مش منتشره فصعب حد يحكم عليها دلوقتي
موضوع انك عاوزه حاجه عاليه كنت هرشحلك الفيتارا ، لكن توكيلها مش قد كده
بالتوفيق

**Rehab Ahmed** · 13-10-2016 02:46 AM

شكرًا جزيلا لرد حضرتك
فعلا انا مقتنعة بالمازدا ولو انهم في المعرض قالولي ان الشاسيه بتاعها بقي زي شاسيه الشيفروليه ومبقاش متين زي زمان
لكن برضه ما هو معظم العربيات تصنيعها مش زي زمان
وان كان علي العربية العالية فكان اختياري سوبارو xv لكني غيرت رأيي للمازدا لما قعدت فيها

**bluemail** · 13-10-2016 06:34 AM

موضوع الشاسيه ده غريب اول مره اسمع عنه
اعتقد انه عاوزك تكرهي العربيه علشان يبيع لك الاسترا او الموكا
ممكن ان مكسبه فيهم اكتر بكتير او لاي سبب تاني ، الله اعلم

عموما لو بتشتري اي عربيه لو جواكي شك 1% او مقلقه لاي سبب ماتشتريهاش
لازم تكوني مقتنعه 100 % مش 99%
بالتوفيق في اختيارك