الموضوع: Audi A3 2010 DSG

المشاركة الأصلية كتبت بواسطة svneleven

طالما انت مش ممانع تغير ل فتيس مانيوال ممكن تغير ال سيستم كله ب 2000 سي سي تربو و فتيس dsg 6 سرعات ما فيهوش مشاكل خالص. اعتقط ممكن تدخل ال سيستم بتاعك في الجديد و تدفع حوالي 20 او 25 الف جنيه. السيستم ده بينزل في الجيتا و الجولف 5 و جولف 6 و ال أودي a3.

طب لو هندخل معاها في المقارنه E90
اعتقد هتبقى ال بي ام افضل عشان هنبعد خالص عن ال dsg و كمان صيانه و قطع غيار ال بي ام ارخص على ما اعتقد عشان الانتشار كمان و الناس اللي شغاله في بي ام اكتر و التربو و بنزين ٩٢!
انت ايه رأيك

المشاركة الأصلية كتبت بواسطة kapoox

تشكروا جميعا ..
اخدت فعلا بنصيحتكم و بدور على e90 ..
بس في حاجه افتكرتها و عايز اخد رأيكم فيها ..
من سنتين 3 كده ركبت جولف 6 مع واحد معرفه و كان قالبها مانيوال .. فا أفتكرت دلوقتي قولت لو جبت a3 2010 أو golf 2012 و كشفت و لقيت الدنيا تمام و رنا يستر و ميحصلش حاجه و ابقى ماشي على الهادي و لقدر الله لو حصل حاجه أبقى أقلبه مانيوال .. أنتم ايه رأيكم و تفتكرو هيتكلف كام ؟؟
الفكره دي جت في بالي بعد ما كشفت على 3 عربيات e90 و كلهم حالتهم مش تمام ,, و الباقي غالي أوي في ظل أن انهارده اللوجان أعلى فئه بقت ب 194 !!!!!!!!!!!!
و الافيو 185 !!!!
فا اللي بيبيع بيغلي أوي .. و الارخص حاليا في الالماني الجولف و الاودي و الاتنين موديلات حديثه .. و لو قولت أستنى اكتر هتغى تاني العربيات .. انتوا ايه رأيكم في حوار المانيوال و تفتكرو تتكلف كام ؟؟



ممنوع إستخدام اللون الأحمر حيث أنه مخصص للمداخلات الإدارية
م.ع 7

الجولف شغال بس جر امامى و بطيئة بتشد مع تكاتك لو قصدك على ال 1600
ال 1400 بس الكل بعد عنها بسبب الفتيس

المشاركة الأصلية كتبت بواسطة japrulez

الجولف شغال بس جر امامى و بطيئة بتشد مع تكاتك لو قصدك على ال 1600
ال 1400 بس الكل بعد عنها بسبب الفتيس

طب الفتيس ال 6 نقلات dsg فيه مشاكل برضه ؟
و ال 7 نقلات نزل من اول سنه كام في الاودي و الجولف

المشاركة الأصلية كتبت بواسطة kapoox

طب الفتيس ال 6 نقلات dsg فيه مشاكل برضه ؟
و ال 7 نقلات نزل من اول سنه كام في الاودي و الجولف

اسمح لى .. موش معنى انك نزلت شوفت عربيات طلعت موش كويسه .. انك ترجع تانى لاختيار انت رفضته .. و اخذت فيه قرار انه حيتعبك

الحل .. دور تانى فى البى ام او غير البى ام .. لغايه ما تلاقى عربيه حالتها كويسه



انا عارف ان العربيه الاودى مغريه ليك بسبب الاوبشن .. بس فكر حتعمل ايه بالاوبشن لما يعطل منك الفتيس ؟؟

و الاحتمال الاكبر هو انك تصرف دم قلبك و تلف بيها من الشرق للغرب .. و مع العقليه المصريه و طريقتهم .. لا يمكن العربيه حترجع زى ما كانت

انا كنت ممكن اوافقك فى المغامره دى لو العربيه عليها كم قليل 40 او 50 الف .. لكن دى عليها كم عالى يعنى موش مميزه



بالتوفيق فى البحث عن عربيه .. سلسه .. سهله .. تريح دماغك و جيبك .. و تحفظ القيمه اللى سنضعها فيها عند البيع

المشاركة الأصلية كتبت بواسطة Kapoox

طب لو هندخل معاها في المقارنه E90
اعتقد هتبقى ال بي ام افضل عشان هنبعد خالص عن ال dsg و كمان صيانه و قطع غيار ال بي ام ارخص على ما اعتقد عشان الانتشار كمان و الناس اللي شغاله في بي ام اكتر و التربو و بنزين ٩٢!
انت ايه رأيك

ال E90 عربية لا غبار عليها. مشكلها بسيطة و محفوظة زي نتشة في الفتيس احيانا و بتنزل لها سوفتوير الفتيس الجديد بتاع ال فيس ليفت (لو هي pre-facelift) و شكرا. احيانا ال تلاجة بتاعة التكييف بتبوظ و بتتغير بسهولة. لكن جري و ثبات و فرامل و شكل و قطع غيار ما فيش اي مشكلة. لكن ارجع اقولك ال اودي قليلة و دي ميزة بردو زي ما هي عيب. ب تمن ال E90 هتجيب أودي موديل عالي شكلها أحلي و أداء أحسن خصوصا لو سقطت الموتور ال 2000 ال تربو. عامة هي مخاطرة و لازم تحسبها صح. بالمناسبة ال فتيس ال DSG ال 6 سرعات ما فيهوش مشاكل خالص و ممكن تكلم هاني عصمت او عبد الرحمن او سيد جولف و تسألهم. ال E90 مش هتلاقي حالة نضيفة بسهولة و ده عادي في كل ال بي ام. بالتوفيق ان شاء الله.

المشاركة الأصلية كتبت بواسطة tasaka

اسمح لى .. موش معنى انك نزلت شوفت عربيات طلعت موش كويسه .. انك ترجع تانى لاختيار انت رفضته .. و اخذت فيه قرار انه حيتعبك

الحل .. دور تانى فى البى ام او غير البى ام .. لغايه ما تلاقى عربيه حالتها كويسه



انا عارف ان العربيه الاودى مغريه ليك بسبب الاوبشن .. بس فكر حتعمل ايه بالاوبشن لما يعطل منك الفتيس ؟؟

و الاحتمال الاكبر هو انك تصرف دم قلبك و تلف بيها من الشرق للغرب .. و مع العقليه المصريه و طريقتهم .. لا يمكن العربيه حترجع زى ما كانت

انا كنت ممكن اوافقك فى المغامره دى لو العربيه عليها كم قليل 40 او 50 الف .. لكن دى عليها كم عالى يعنى موش مميزه



بالتوفيق فى البحث عن عربيه .. سلسه .. سهله .. تريح دماغك و جيبك .. و تحفظ القيمه اللى سنضعها فيها عند البيع

انا محتار .. ال بي ام اسعارها اليومين دول عليت اوي .. و الرخيص حاجه من الاتنين يأما مانيوال ( هركب بي أم ب 180 الف مستعمله و موديل اقصاه 2008 و 316 موتور ضعيف على حجم و وزن العربيه و طاره فاضيه و تكيف بكره ) يأما متهان بقى
انا كل ساعه او اقل بخش ادور في عربيه جديده نزلت ولا لا ..
الاسعار نار بسبب اسعار الجديد
اللوجان 193 !
فتخيل الناس بتتطلب 350 و 400 في 320 موديل 2009 2010 !!
و دورت على e46 موديلات 2003 2004 2005 2006 ,, قليل اوي اوي اوي و متهان او مبالغ جدا فيه ..
انا مش عايز اركب الا الماني بصراحه .. الاسترا خلاص ولعت و دي اقل الالماني .. المرسيدس كده كده في السما و الفوكاس مشاكلها فتيس و وكيل و علبه دريكسيون !
السبات نفس ال dsg و متور اقل 1200 تربو و الجولف مشاكل الفتيس أعلى من الاودي ..
فا يا بي ام يا اودي .. و اني اركب ب 180 عربيه كوري و صيني و فرنساوي ده هزار عشان الريو و الصني ب 180 و 200 الف للريو !!!
لو لقيت بي ام حاله نضيفه سواء e46 - e90 و اوتوماتيك هخلص فيها .. بس بحط الاحتمال التاني و ببص ع الاودي
اشكرك اشكرك اشكرك على المساعده و الاهتمام و ارجو انك تقولي رأيك

المشاركة الأصلية كتبت بواسطة svneleven

ال e90 عربية لا غبار عليها. مشكلها بسيطة و محفوظة زي نتشة في الفتيس احيانا و بتنزل لها سوفتوير الفتيس الجديد بتاع ال فيس ليفت (لو هي pre-facelift) و شكرا. احيانا ال تلاجة بتاعة التكييف بتبوظ و بتتغير بسهولة. لكن جري و ثبات و فرامل و شكل و قطع غيار ما فيش اي مشكلة. لكن ارجع اقولك ال اودي قليلة و دي ميزة بردو زي ما هي عيب. ب تمن ال e90 هتجيب أودي موديل عالي شكلها أحلي و أداء أحسن خصوصا لو سقطت الموتور ال 2000 ال تربو. عامة هي مخاطرة و لازم تحسبها صح. بالمناسبة ال فتيس ال dsg ال 6 سرعات ما فيهوش مشاكل خالص و ممكن تكلم هاني عصمت او عبد الرحمن او سيد جولف و تسألهم. ال e90 مش هتلاقي حالة نضيفة بسهولة و ده عادي في كل ال بي ام. بالتوفيق ان شاء الله.

بظبط مش لاقي حاله في البي ام او لو لقيت تبقى مانيوال و فاضيه و 316
حاطط 3 اختيارات بالترتيب
e90
e46
a3
ظهرت قدامي واحده 2008 فتيس 6 سرعات
بس ناس بتقول فيه مشاكل ال 6 سرعات ....محتاااار
طيب الناس اللي بتقولي عليهم دول فنيين فتيس ؟؟ ممكن ارقامهم ؟

المركز الفنى لأصلاح جميع انواع الفتيس الاوتوماتيك
متخصصون فى مجال صيانة الفتيس الاوتوماتيك
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ
- يوجد جميع انواع الفتيس الاوتوماتيك "استيراد"
- قطع غيار الفتيس الاوتوماتيك "اسيراد-جديد"
- صيانه دوريه لجميع انواع الفتيس الاوتوماتيك
- صيانه وقائيه لجميع انواع الفتيس الاوتوماتيك
- لدينا الكشف على السيارة بأحدث اجهزة كشف الاعطال
- ضمان على جميع الفتيسات التى يتم صيانتها داخل المركز
ـــــــــــــــــــــــــ ـــــــــــــــــــــــــ ــــ
العنوان/ 71 شارع السودان بجوار البنك الاهلى المصرى فرع التكامل – المهندسين
علامه مميزة/ امام محطة اتوبيسات بولاق الدكرور
موبيل/ 01095555626 – 01155598293 – 01020007957
ارضى/ 37626553-02


ادارة/
م: كرم طة
م: زاهر
ـــــــــــــــــــــــــ ـــــــــــــــــــــــــ ــــــــــ
www.facebook.com/events/905772396222746/
Auto Trans Center
www.facebook.com/mobile01095555626
www.instagram.com/autotranscenter