السلام عليكم ورحمة الله

عندى مشكلة مع موتور اوكتافيا A4 موديل 2000 المكنة الكبيرة SR
فى البداية العربية استيراد خارج ومعايا بقالها 8 سنيين اتغيرلها مرتين جوان وش سلندر بسبب الطحينة وعانيت من مشاكل السخونية اكتر من مرة وكل مرة سبب شكل و العربية طحنت حوالى 5 مرات منهم مرتين جوان وش سلندر و3 مرات كولر زيت الماتور الكلام ده كله اثر عالمكنة

ودلوقتى مشكلتها انها بتاكل زيت بقالها شهرين ومعدل تأكل الزيت بيزيد ودى المشكلة الوحيدة الى فيها حاليا
روحت للميكانيكى الى بتعامل معاه عندنا فاسكندرية قالى كده لازم اغير مكنة وقالى هنغير شورت بلوك وهيركب بتاع المكنة ال 2000 cc
روحت سالت عند مركز تانى قالى نفس الكلام اغير مكنة بس قالى اجيب مكنة كاملة احسن من شوت بلوك وقالى برضه اجيب المكنة ال 2000 cc انضف واحسن
فا انا دلوقتى عايز اعرف لو المكنة كاملة بتبقى شاملة ايه؟ وهل اغير للمكنة ال 2000 cc ولا اركب زى الى فيها ال 1600 cc sr ؟؟وفى انواع تانية غير ال 2000 cc احسن وانضف واعلى فالاداء ولا ايه؟؟و عايز اعرف الاسعار بتبقى عاملة فحدود كام للنوعين ؟؟ وهل لو مشيت بيها شوية وفضلت ازود الزيت هيبقى فى مشكلة ولا عادى؟ ولو فى اى نصيحة من حد يكون ركب المكنة ال 2000 او اخد بالى من ايه عشان الميكانيكى ميشتغلنيش ؟؟
ياريت تفيدوونى ومعلش طولت عليكم