ضفيرة كهرباء نوبيرا 2 التجميع المصري

**mostafa_012** · 14-10-2016 08:54 PM

السلام عليكم

أنا عندي مشكلة في ضفيرة الكهرباء والكهربائي قالي ان الضفيرة محتاجة تتغير بالكامل لأنها متهالكة والفيش ناشفة وممكن تتكسر لو عمل فيها اي شغل .

المشكلة ان الضفيرة بتاعة النوبيرا 2 التجميع المصري غير متوفرة استيراد علي الاطلاق ومش عارف الاقيها في اي مكان .

هل في حد عنده فكرة ممكن الاقيها فين جديدة .

أرجو المساعدة لأن العربية تقريبا واقفة .

شكرا جزيلا ..

**Abdallah Reda** · 15-10-2016 04:54 PM

انزل عزبة شلبى اكيد هتلاقى هناك لانهم متخصصين

**mostafa_012** · 16-10-2016 02:35 PM

المشاركة الأصلية كتبت بواسطة abdallah reda

انزل عزبة شلبى اكيد هتلاقى هناك لانهم متخصصين

شكرا علي الرد : أنا الحقيقة دوخت في الحرفيين وف عزبة شلبي وف الحي العاشر وكان دايما الرد واحد .. المتوفر بس هيا الضفيرة بتاعة النوبيرا 1 الاستيراد . اما النوبيرا 2 التجميع المصري غير متوفرة

أنا حتي كلمت التوكيل ومش موجودة ومفيش اي امل انها تكون موجودة

كذا واحد لما كنت بسأل كان بيقول ان في مصنع ضفاير في مدينة نصر او في جسر السويس .. الحقيقة انا دورت كتير وموصلتش لأي حاجة ..

هل في حد عنده فكرة ممكن الاقي الضفيرة جديدة فين ؟