السلام عليكم
انا لسه شاري العربيه اسبرانزا 213 مستعمله.
في مشكله وهي اني لما احط الغيار الاول او التاني مثلا سرعه العربيه من غير ما اضغط بنزين بتبقي اقل من ١٠ كم/ ساعه
لو ضغط بنزين العربيه بتسرع وتبقي تمام لكن مجرد ما ارفع رجلي من دواسه البنزين العربيه بتبطئ فجاه كان في حاجه مفرملاها.
لسه مودتش العربيه عند ميكانيكي
ياترى المشكله فين ؟
هو فين المشكلة؟؟؟
ما هو ده طبيعي جدا
...
انا سقت لانوس و اسبرانزا 113 ومكنتش بتعمل كدهاقتباس:
المشاركة الأصلية كتبت بواسطة borio1704
العربييات دي بتبطئ بالتدريج وبتمشي بسرعه معتدله بعدها .
لكن عربيتي بتبطئ فجااااه كان في حاجه مفرملاها وسرعتها لا تتعدي ال ١٠ كم
الفرامل ممكن تكون عاوزه ريجلاش يعنى التيل يكون بيحتك فى الطنابير فأكنك دايس سنه فرامل
ممكن التيل قافش علي الطنابير
ارفع العربيه علي كوريك ولف العجل بايدك شوفه بيلف بشكل سلس ولا تقيل
هل في صوت عالي للعجل ؟ ممكن عندك بليه قافشه عاوزه تتغير
علي الموتور شويه
و شيك عالفرامل
ممكن يكون بسبب سيلك فرامل اليد محتاج يتغير
تكون اليد نازله لاكن الفرامل الخلفيه لسه محمله
ممكن تعمل اختبار سريع بانك تسوق العربيه لمده 10 دقائق مثلا وتنزل تحس الجنوط تشوف هل فى واحد فيهم سخن جدا
خلى بالك الجنوط الاماميه فالطبيعى بتكون اسخن من الخلفيه
انا قصدى انها تكون سخنه لدرجه انا متقدرش تمسك الجنط لفتره