الموضوع: اولادى والمدارس وايام زمان

ان عندى بنتى الصف الثانى الابتدائى عام
مش عارف اقول اية المشكلة بصراحة هل ضعف تركيز ام سوء تنظيم دراسى
البنت مرت بمرحلة ال kg والصف الاول الابتدائى وكان مستواها ممتاز
دلوقتى البنت بتيجى من المدرسة مش فاكرة اية بالظبط اللى المدرسين طلبوه منها , بصراحة صعبت عليا لما لقيت كم الواجبات المنزلية اللى عليها .على سبيل المثال( احد الدروس المقررة فى اللغة العربيىه عليها كتابتها اربع مرات ونفس الشئ للانجليزى بس كلمات وحفظ وحساب .....)بصراحة ان فى دراستى مكنتش كدة واللى فى جيل الثمنينات واللى قبلة يعرف كدة بردو وماشاء الله منا الاطباء والمهندسين والمدرسين الاكفاء وغيرهم .
ومكنش كم الدراسة بالشكل ده لدرجة ان الاواحد فاكر انه مكنش بيذاكر اصلا اعتماد على المدرسة وعمل الواجب ابسيط وشكرا على كدة .
المهم المدام اشتكت لى من البنت وبطئها فى الكتابة ونسيانها وان بعدها تفرغت ليها بعض الوقت وبدات اذاكرلها وابسطلها كل حاجة وبدأ يكون فى استجابة ملحوظة ..ولكن للاسف الواحد مش فاضى على طول نظرا لتهالكة فى العمل ,,وبعد فترة عاد الحال كما كان بدأت أقسوا على البنت قلت يمكن بتلعب او ماشابة ...
ومن شدة بكاء بنتى (خاصة انها حساسة شويتين) بدأت الطف الجو واعرف منها بهدوء اية المشكله عندك..
كانت الاجابة: يا بابا انا مجرد مخرج من المدرسة بنسى المدرسين قالوا اية ....طيب واية السبب ....مش عارفة لدرجة انها ابكتنى لانها مش عارفة تعمل اية
فهل دى قدرتها ...ولا سوء وضع مناهج لهذا السن ...ولا قرف مدرسين من اجل الدروس
يا ريت اللى عنده اولاد فى نفس السن يرشدنى اعمل اية لان البنت زعلانة على نفسها ومش عارف اعمل اية
وشكرا للجميع وربنا يوفق الولادنا جميعا.

المشاركة الأصلية كتبت بواسطة ام حبيبة

ممكن نحاول نظبط نومها مثلا تنام 9 و تصحى 6
لو تقدر تنام نصف ساعة فقط بعد المدرسة هتفرق
الفاكهة و الخضروات و المكسرات و البروتين و تقليل اكل من بره بقدر الامكان
الدعاء و الرقية الشرعية
الصوت العالى و الزعيق مبيجبش اى نتيجة نهائى
لزما التعامل بهدوء و تنظيم ادواتها و كتبها و نعيد لهم فى المذاكرة مش مشكلة
عندى بنتى اكبر منها تيجى اسالها اخدت درس كذا تقول مش عارة ابدء اذاكرهلها انا
و كمان عندى الولد مبياخدش باله نهائى من اللى بيحصل فى الفصل و ده بسبب انه مبيقدرشى يحصل فى وجود عدد كبير
لكن اذاكرله لوحده بيكون ممتاز
ربنا يهديهم و يحفظهم جميعا

والله احنا بنبذل مجهود كبير فى البيت لتسهيل المواد وتحبيبهم فيها , ولكن بيننا وبين نفسنا بنعذرهم لانهم لسة اطفال وبيحبو يلعبو وجو زحمة المذاكرة ده كبير عليهم . دا البنت من ساعة ما تيجى من المدرسة لمة 3 ساعات واجبات بس غير الحفظ
والله المستعان .....وشكرا على كل من ابدى تفاعلة ...وربنا يوفق الجميع