انا ساكن ف سموحه ومحتاج دكتور اطفال يكون شاطر جدا اتابع معاه ، حاليا يتابع مع دكتوره نهي زغلول بس حابب اشوف حد غيرها
اللي يعرف دكتور عن تجربه ياريت يقولي عليه
عرض للطباعة
انا ساكن ف سموحه ومحتاج دكتور اطفال يكون شاطر جدا اتابع معاه ، حاليا يتابع مع دكتوره نهي زغلول بس حابب اشوف حد غيرها
اللي يعرف دكتور عن تجربه ياريت يقولي عليه
حضرتك عاوز دكتور لمتابعات النمو العادية ولا فيه حاجه معينه محتاج تتابعها؟
شكرا لرد حضرتك
انا محتاج دكتور اتابع معاه النمو بتاعه وطبعا لو حابه اي مرض لا قدر الله يقدر يعالجه ، لان الدكتوره اللي يتابع معاها صاحبي اللي وداني عندها بس هو قالي انها مش متخصصه اوي لان ابنه كان عنده مشكله ف الاذن و معرفتش تحلها وراح لدكتور متخصص ف الاخر وعالجه
طبعا بالاضافه التطعيمات الاضافيه ، هو اخد الروتا والمكورات الرئويه وعمره شهرين ونص من عندها ، ف لو هتابع مع حد تاني يفضل يكون عنده التطعيمات ولو معندهوش عادي اروحلها التطعيمات بس
حاجه كمان معلش لسه ملاحظها
هو عنده صوبعين اللي جنب الصوبع الكبير ملتصقين كأنهم صوبع واحد وف الاخر قرب الاظافر كده مثلا ربع سنتيمتر يبدأوا يتفرقوا عن بعض، هل دي ممكن تعمله مشكله لما يكبر ولا اخده لدكتور عظام ؟
دكتور محمد توفيق
دكتور كبير وخبره كبيره
اول شارع سوريا قبل الترام علي ايدك الشمال
العماره اللي في مدخلها بياع شنط واحسن ميزه عنده انك مش هتستني دور هتدخل عالطول
٥٤٦٦٩٧٣
جرب الدكتور بيومي .مصطفى كامل طريق الحرية فوق صيدلية خليل .
دكتور كبير بس شاطر جدا .
بصراحة مع حترامي للدكاتره الكبار أنا شايف انك تتابعي مع دكتور مش كبير بس يكون شاطر
أنا أرشحلك دكتور أدهم باديب أو دكتور كريم بدر أو دكتور مصطفى الشاذلي
د. ادهم احمد باديب
العنوان : 6 ش محمود شكرى, سموحة
ت: 01202418168
د. كريم محمد بدرالدين
العنوان: 39 أبراج العبور - تقاطع شارع مصطفى كامل و لافيزون- بولكلي
ت: 01004455867 - 03/5229505
و له عياده في مستشفى أجيال
د. مصطفى الشاذلي له عياده في مستشفي أليكس سيدني و أجيال و المدينة
شوف دكتور تجميل هيبقى أفضل من العضم
دكتور اسلام ابو كليلة في المندرة امام فتح الله ماركت ممتاز متابع معاه لولادي الاتنين