الموضوع: مياه الريداتير

استخدام مية الحنفية سبب رئيسي لكل مشاكل دورة التبريد بعد كده...

مية الحنفية بتعمل صدأ...

الصدأ يعني تآكل في جسم الموتور من جوه.. وتآكل في جسم طلمبة المية.. وكمان تآكل في سربنتينة الدفاية جوه التابلوه.

الصدأ يعني عازل داخلي بيقلل من كفاءة انتقال الحرارة وبالتالي التبريد .. سواء في الرادياتير أو جوه الموتور.. وبالتالي ارتفاع حرارة الموتور

الصدأ يعني رواسب بتوقف حركة ثرموستات الكوعة.. يعني يتخلي الموتور مش ماشي مضبوط..



سائل التبريد (المية الخضرا أو الزرقا أو الحمرا)... بتمنع الصدأ... بتزيت طلمبة المية وبالتالي تقلل التسريب..


مش فاضل لك غير المحافظة على حالة الأجزاء الكاوتش بحالة جيدة وتغييرها كل 5 سنوات

الأجزاء الكاوتش تشمل خراطيم الرادياتير.. وغطا الرادياتير.


...

المشاركة الأصلية كتبت بواسطة ahmed_byd_f0

طب انا طول عمرى بزود مايه خضرا
وملاحظ فى اليومين الاخرنيين ان غطا الردياتير ابتدا يتكون عليه صدا
ممكن اعرف ده سببه ايه

سوائل التبريد ليها عمر افتراضي بيفقد بعديه أهم خاصية فيه وهي منع الصدأ... وعلشان كده كل سنتين ﻻزم تعمل دورة غسيل كاملة لدورة التبريد وتحط سائل جديد..

آخر مرة حضرتك عملت غسيل لدورة التبريد إمتى؟؟؟


...