سوق السيارات

**vooooo** · 02-08-2007 09:57 PM

عندى استفسار بسيط عن سوق السيارات

اعرف ان فيه سوق سيارات كل يوم جمعه تحت كوبرى السيده ( على ما أظن )

و عرفت ان فيه سوق تانى برضه يوم الجمعه فى مدينه نصر

أنهو واحد احسن و يفضل انى ازوره بالنسبه للبيع او للشراء؟
و ايه الأجراءات لحفظ حقى فى البيع و الشراء لأنه هيبقى يوم جمعه لا بنوك ولا شهر عقارى شغال

لو حد عنده خبره فى الموضوع ده ياريت يفيدنى
لأنى بنزل القاهره كتير لكن للأسف مابيبقاش فيه فرصه اروح

**Nader** · 03-08-2007 01:30 AM

على فكرة انا عمري ما سمعت عن سوق سيارات في السيدة :shock: .

المهم سوق سيارات مدينة نصر شغال يومي الجمعة والاحد. لحفظ الحق كشاري خد شهادة مخالفات+ادفع وسجل في مكتب شهر عقاري مخصوص امام سوق السيارات يعمل يوم الجمعة. نصيحة ابعد عن التوكيلات بقدر الامكان، او توكيل واحد كحد اقصى.

اما لو كنت بائع فبخلاف الخطوات السابقة لو لم يسجل الشاري وطلب توكيل فيجب ان يمضي لك على مخالصة "باستلامة السيارة واخلاء ترفك في ساعتة وتاريخة" وذلك منعاً للوقوع في مشاكل جنائية متعلقة بصاحب السيارة "ببساطة ممكن يعمل حادث بالعربية ويدبسك قية لو ممضاش علي الاستلام واخلاء ترفك" وطبعاً هتكون محضر شهادة المخالفات من قبل ما تروح السوق.

حاجة كمان روح بدري اوي علشان تلاقي مكان جيد قبل الزحام.

اخيرا خلي بالك من التجار، لو بتبيع واتلموا عليك خش فعربيتك وقول انا مش بايع لحد ما يمشوا، ومتتحركش من مكانك غبر وانت قابض العربون وميبقاش 100 جبية والكلام الفاضي دة يبقى مبلغ لا يقل عن 1000 جنية.

بالتوفيق.

**ahmed1981** · 03-08-2007 07:38 PM

المشاركة الأصلية كتبت بواسطة mohamed_berlitz

يا نهار ابيض دا انا لسا بايع الجمعة اللى فاتت ومأخدتش اى مخالصة من المشترى تفيد انة اخد العربية
اخدت بس عقد ابتدائى صورة معايا وصورة معاة والعقد بيقول انة اشترى العربية بمبلغ كذا وخلاصطمنونى يا جماعة دة الراجل راح الصعيد خلاص بالعربية يالهااااااااااااااااواااا ااى اعممممممممممممممل اية

العقد فيه جزء في الأسفل عبارة عن مخالصة إستلام السيارة
بص فيه تاني وياريت يكون مضى على الجزء بتاع المخالصة

**Nader** · 03-08-2007 10:59 PM

يا نهار اسود دا انا لسا بايع الجمعة اللى فاتت ومأخدتش اى مخالصة من المشترى تفيد انة اخد العربية
اخدت بس عقد ابتدائى صورة معايا وصورة معاة والعقد بيقول انة اشترى العربية بمبلغ كذا وخلاص ومضاة على العقد 2 شهود من معاة وعملتلة توكيل وخلاص

طمنونى يا جماعة دة الراجل راح الصعيد خلاص بالعربية يالهااااااااااااااااواااا ااى اعممممممممممممممل اية

طيب هو سجل العقد في الشهر العقاري؟؟ لو اتسجل يبقى خلاص مفيش مشكلة.

**hazem_khidr** · 04-08-2007 03:37 AM

لمهم سوق سيارات مدينة نصر شغال يومي الجمعة والاحد. لحفظ الحق كشاري خد شهادة مخالفات+ادفع وسجل في مكتب شهر عقاري مخصوص امام سوق السيارات يعمل يوم الجمعة. نصيحة ابعد عن التوكيلات بقدر الامكان، او توكيل واحد كحد اقصى.

و لازم يكون معاك او مع العربيه اللي حتشتريها شهاده بيانات علشان اكيد العربيه حتتنقل من مرور ل مرور تاني ف لازم تتطلع شهاه بيانات في حاله لو انت بايع ولو انت شاري يبقي لازم تاخد شهاده بيانات من المالك و شهاده المخالفات.
ولو اللوحات بتاع العربيه مش اللوحات الاصليه اللي هيا بتبقي مدموغه من المرور لحين وصول اللوحات الاصليه يبقي خد في بالك انك مش حتعرف تسلم اللوحات دي للمرور بتاعك ولازم تسلمها للمرور التابع ليه السياره.

**mohamed_berlitz** · 04-08-2007 09:42 AM

ايوة يا جماعة الحمد للة انا شوفت فى عقد البيع لقيت جزء فى الاسفل مكتوب انة مسئول جنائيا عن اى حاجة وانة استلم السيارة الساعة 9.30 مساء
بس للاسف مأخدتش صورة من بطاقتة بس البيانات اللى فى العقد ان شاء اللة صح

ربنا يخليكوا يا جماعة على الوقفة الجميلة دية

وياريت لاخوانى المشرفين على المنتدى انهم يثبتوا الموضوع دة لانة مههههههههههههههم جدا وممكن لقدر اللة يوقع حد فى مشكلة كبييييرة فى يوم من الايام

ولتانى مرة شكرا يا جماعة
والى جميع اعضاء المنتدى خلى بالكوا فعلا الموضوع دة مهم للغاية

**vooooo** · 04-08-2007 10:52 AM

على فكرة انا عمري ما سمعت عن سوق سيارات في السيدة

ولا أنا برضه
بص اللى اعرفه انه فى طريق الأوتوستراد و فيه كوبرى جنبه على طول أعتقد انه كوبرى السيده
و ياريت حد يقولى ان كان ده صح ولا غلط علشان مافتيش كتير
انا ماروحتش قبل كده بس كنت بشوق عربيات كتير قوى راكنه و مكان واسع جوه بره فيه عربيات اكتر من اللى راكنه برضه ( ماأظنش هتبقى خناقه )
مش ده موضوعنا..

كنت عايز اعرف حاجه كمان
هل فيه ناس بتقيم العربيه هناك ولا بتعتمد على الخبره و ربنا بيسترها؟؟؟

و بيبتدى الساعه كام كده؟؟ و بيخلص امتى ؟؟؟

و ياريت لو حد عنده تجارب تانيه مع السوق يقولنا للأفاده

و انشاء الله انا ناوى انزل السوق ده اتفرج بس اشوف الدنيا ماشيه ازاى
بس أخد اجازه من الشغل

**vooooo** · 04-08-2007 11:07 AM

حد يقولى بقى مكان السوق فين بالظبط فى مدينه نصر

الموضوع: سوق السيارات

LinkBack

أدوات الموضوع

عرض

سوق السيارات - انشر الموضوع فى :

-

Re: اعمل اية انا بيعت من غير مخالصة -

-

-

-

المواضيع المتشابهه

مع بداية عام 2012 تخفيض جمارك السيارات 10% على السيارات الواردة من الاتحاد الاوروبى

حل لمشكلة جمارك السيارات وغلاء السيارات والبطالة والبيئه والزحام فى شوارعنا

احذر شراء السيارات الآن (( تحليل لسوق السيارات فى مصر ))بعد الثوره

وشك إعفاء مكونات السيارات من الجمارك والغاء ضريبة المبيعات على السيارات المحلية

الكلمات الدلالية لهذا الموضوع

المفضلات

المفضلات

ضوابط المشاركة