طلب مساعدة فى اعطال رينو 19 رينبو
السلام عليكم ورحمة الله وبركاته
عندى عربية رينو رينبو موديل 99 حالتها فى المجمل كويسه جدا وكانت مرفوعة 11 سنه ورغم ان حالتها كويسه كميكانيكا وعفشه الا انها مطلعه عينى علشان حاجات بسيطة والمشكلة انى معنديش خبرة ومفيش صنايعى قابلته طلع بيفهم
اروح بيها عندى صنايعى يدفعنى دم قلبى تتظبط يومين وترجع اسوء من الاول
والله يا اخوانا صارف بسبب الميكانيكية اكتر من 7000 جنيه
العربية بقالها معايا سنتين مش عارف اركبها والله
حد يساعدنى بالله عليكم لانها اول عربية ليا وبسببها كرهت كل العربيات
انا من سكان 6 اكتوبر واتمنى حد يدلنى على حد قريب منى يكون بيفهم وعنده ضمير ويريحنى من قرف سنتين عند صنايعيه مبتفهمش وبتجرب فى الزباين