تغيير زيت فتيس بمصور شيفرولية

**م.محمد حافظ** · 18-10-2016 12:52 PM

يا جماعة العربية معايا عاملة 129000كم , وعايز اغير زيت الفتيس لانها اتوماتيك, بس لما سألت فى مقار جروب المهندس قالى الافضل طالما انت مش عارف اخر مرة اتغير امتى ( لانى شارى العربية موديل2010) لا ممكن يحصل مشكلة اثناء التغيير
المهم بدور فى اوراق الصيانة للمالك القديم لاقيت تغيير الزيت كان على 75000كم , مش عارف هو غير تانى ولا لأ, وبعدين قريت حاجات تقلق فى المنتدى بسبب موضوع تغيير زيت الاوتوماتيك , وانهم فى منصور بيمضوك على اقرار علشان لو الفتيس باظ ,؟؟؟؟
فمش عارف بصراحة اعمل اية , وانا من النوع اللى بحب احافظ على الحاجة, وخايف الفتيس يحصلة حاجة والميزانية متسمحش بالحاجات التقيلة دلوقتى, لانى بسمع صوة نعره لما بحول على ال d او ال r هى خفيفة بس مبتعملش مشاكل والسحب تمام
فياريت حد يفدنى فى الموضوع ده وبيتكلف اد اية فى منصور
وشكرا

**م.محمد حافظ** · 19-10-2016 10:30 AM

بما انى مش لاقى رد
قررت ابحث لحد ما وصلت لكتاب بيشرح الفتيس الاوتو بالعربى
هنقلة للافادة وهو عبارة عن جزئين , الجزء الاول الخلاصه واللى عايز التانى ممكن انزلة لو حد محتاج يتعمق فى الموضوع

**احمد المصرى** · 19-10-2016 02:42 PM

غيره طبعا يا باشا مش محتاجه سؤال يعنى ولو فى فلتر غيره

**tasaka** · 19-10-2016 05:26 PM

اتصل بالمالك القديم و اسأله .. و طالما هو من النوع اللى بيروح التوكيل على طول يبقى احتمال كبير غيره ممكن بره التوكيل

و طالما هو من النوع اللى بيروح التوكيل على طول .. يبقى الاحتمال الاكبر ان العربيه بصفه عامه كويسه ( بما فيها الفتيس ) .. و اعتقد ان شكوى الفتيس فى الكروز .. ما اعرفش و لم اقرأ شيئ عن فتيس الاوبترا

عموما اسأل فى التوكيل بيستعملوا نوع زيت ايه و اسم الماركه .. و حطها هنا فى المنتدى و شوف