ياجماعه الخير معايا اسبورتاج 2000 سي سي انا في السعوديه داخل علي الميه الف خلاص عايز بس اعرف ايه اللي بيتغير في الميه لاني مش هعمله في التوكيل لاني اصلا بره الضمان وانا مغيرتش زيت فتيس الي الان عادي اغيره في صيانه الميه والا ايه اللي بيتم
عرض للطباعة
ياجماعه الخير معايا اسبورتاج 2000 سي سي انا في السعوديه داخل علي الميه الف خلاص عايز بس اعرف ايه اللي بيتغير في الميه لاني مش هعمله في التوكيل لاني اصلا بره الضمان وانا مغيرتش زيت فتيس الي الان عادي اغيره في صيانه الميه والا ايه اللي بيتم
كتالوج عربيتك فيه كل التفاصيل...
وأيوه... زيت الفتيس الـ6 سرعات بيتغير عالـ100 ألف... واتأكد إنه زيت ATF SP-4... مش أي زيت تاني.
زي ده
http://www.piese-hyundai.ro/img/p/27...9-thickbox.jpg
أو ده
https://images-na.ssl-images-amazon....mL._SX522_.jpg
...
تسلم ياباشا علي ردك يعني الصيانات هلاقيها في الكتالوج برضه؟؟ وبعد اذنك انا هغير في التوكيل هنا في السعوديه وطبعا الاسماء بتبقي مختلفه وطبعا مش هقدر اجبر التوكيل علي نوع معين. صح والا ايه
افتح الكتالوج في قسم الصيانة (قسم رقم 7)... هتلاقي تفاصيل كل حاجة عن الصيانات من أول صيانة الـ1000 لحد صيانة الـ120 ألف.. وكل صيانة مكتوب فيها إيه اللي يتعمل بالضبط..
توكيل كيا الجبر مش هيجيب زيت غير بتاع كيا.. وزيت الفتيس بالذات ما ينفعش فيه الإفتاء... لازم نفس النوع بالضبط..
عموما.. بالإضافة للصيانات العادية بتاعت كل 10 آلاف... في الصيانة دي لازم تغير زيت الفتيس وسير الكاتينة.. ولو تيل الفرامل (القماشات) تعبانة هتتغير بردو.
لو حضرتك في جدة.. روح المركز الرئيسي في طريق شبك المطار.. بس غالبا هتحتاج تحجز قبلها بحوالي 3 أسابيع علشان عندهم ضغط.
...
انا فعلا في جده وصراحة مش عايز اعمله في التوكيل وياريت لو تعرف مكان كويس بره التوكيل هشتري الحاجه اصلي واركبها بره هوه مكتوب ان صيانه الميه حوالي الف ريال هل ده بالتيل والا من غيره يعني الالف دول سرور وفلاتر بس والا ايه وخلاص باذن الله هغير زيت الفتيس بالمره مع الصيانه بس انصحني اعمل ايه اروح احجز في التوكيل والا تدلني علي مكان تاني
الألف ريال دول شاملين المصنعية وقطع الغيار اللي "لازم" تتغير في الصيانة دي..
أعتقد الكلام ده شامل زيت موتور.. زيت فتيس.. سير الكاتينة.. فلتر تكييف.. فلتر هوا... بس كده.
التيل بيتعمل عليه تشيك.. لو سليم بيتساب.. لو محتاج يتغير هيغيره بتكلفة إضافية .. وبردو زيت الكورونا نفس الكلام.
طبعا لو العفشة محتاجة أي شيء هيقوللك الأول.
أنا سألت قبل كده على سعر التيل للسيراتو في التوكيل... السعر كان حوالي 350 ريال الأمامية.. و190 ريال للخلفية (مش فاكر بصراحة السعر ده للفردة ولا للجوز).. معرفش الأسعار بالنسبة للسبورتاج تبقى كام.
يعني حضرتك تعمل حسابك كده على حوالي 2000 ريال تقريبا..
على فكرة... أنا بردو عندي صيانة الـ60 ألف اليومين دول.. وتقريبا نفس التكلفة.. ده غير إني عايز أغير طقم كاوتش قريب..
الله المستعان :)
...
معلش ياصاحبى لو ينفع تجيبلى الكتالوج من النت
علشان هوه مش عندى ودورت عليه مش لاقيه خالص وكل اللى موجود انجليزى بس
مش هتلاقي الكتالوج العربي على النت
الكتالوج الموجود على النت تلحق تجيبه من موقع كيا كندا علشان بينزلوا كتالوج العربيات هناك موديل السنة دي والسنة اللي فاتت.. فهتلاقي كتالوج الاسبورتاج بتاعتك.
زي ما قلتلك... نزل الكتالوج.. ادخل على قسم الصيانة رقم 7 .. وهتلاقي جدول فيه مواعيد كل حاجة.
...
معلش ياصاحبي انا عارف ان انا بتقل عليك بس اخوك مبفهمش اوي في الصيانات معلش هل البوجيهات بتتغير والا لا والسيور سير التكيف والدينمو وكده واعتقد والله اعلم ان سير الكاتينه جنزير مش بيتغير وفي كمان زيت الدركسيون واحد في بترومين قالي بيتغير معلش عرفني ايه اللي بيتغير بالظبط في الحاجات دي