اسألة عن شيروكي kk

**svneleven** · 19-10-2016 08:25 AM

أنا عارف ان ال kk نزلت من سنة 2008 ل 2013. ايه هي الاختلافات بين السنين دي و الا كله زي بعضه من ناحية الشكل الداخلي و الخارجي و الموتور؟
الموتور 3700 مطله كام حصان و كام العزم بتاعه؟
قطع غيارها اسعارها ايه؟
استهلاك البنزين؟
الثبات و الاداء و السحب؟
اخيرا اخبارها ايه في الصحرا؟
شكرا و اسف علي اسالتي الكتير.

**م/أحمد عبد الفتاح** · 19-10-2016 02:34 PM

نفس الشكل الخارجى والداخلى والموتور وكل حاجه هى هى - بتفرق بس فى شوية اوبشنات زى مثلا شكل الدركسيون اتغير فى ٢٠١٠ وخاصية التدوير بالريموت من خارج السارة من اول ٢٠١١ وفى ٢٠١٢ الكاسيت بقى تاتش وكاميرا خلفية ودى فى دى فى السقف فى نص العربية ومعاه سماعات بلوتوث وديفندر امامى وعتب مكتوبين فى الرخصة .
العربية ٢١٠ حصان عند ٥٢٠٠ لفة/دقيقة والعزم بتاعها ٣١٥ نيوتن متر عند ٣٨٠٠ لفة/دقيقة
قطع الغيار اسعارها كويسة ومتوفرة وارخص من عربيات كتير فى نفس المستوى .
استهلاك البنزين حوالى ١٢٠ كم فى الصفيحة داخل المدينة وحوالى ١٦٠ كم فى الصفيحة فى السفر عالطوالى .
الثبات كويس لغاية سرعة ١٦٠ كم/ساعة لو الطريق دوغرى وفى الملفات لازم تهدى طبعا علشان العربية عالية بس احسن اداء ليها من كافة شئ هو ١٢٠ كم/ ساعة - السحب بتاعها ممتاز - الاداء والاعتمادية ممتازين لو بتراعيها كويس فى الصيانات فى مواعيدها مش بتحس باى حاجه بتاتا .
ادائها فى الصحرا معقول جدا بس طبعا الرانجلر اقوى منها . وبرضه تخضع لمهارة السواق .

**م/أحمد عبد الفتاح** · 19-10-2016 02:39 PM

واقرا الموضوع ده وبرضه اقرا فى قسم الجيب باقى الموضوعات المتعلقة بال kk
http://www.nilemotors.net/Nile/448564-kk.html

**م/أحمد عبد الفتاح** · 20-10-2016 11:41 AM

ضريبة ٢٠٠٨ السنة دى اعتقد فى حدود ال ١٢٠٠ جنيه والتامين فى حدود ٢٥٠ جنيه - طبعا ده فى السنة - والكشف عليها فى الهيئة العربية للتصنيع او ابوغالى او عز العرب