معايا عربية فيكترا موديل 95 اوتوماتيك 2000 سي سي وبصراحة مش ناوي ابيعها او اتخلي عنها لانها معايا من 15 سنة بس الفتيس بتاعها بدأ يخرف لان المياه دخلت علي زيت الفتيس ولما بمشي بالعربية شوية فجأة بتبطأ وتقف مع ان الموتور داير ولما ابطلها 10 دقايق وتبرد تمشي تاني شوية وبعدين تقف والمفروض اجيب فتيس استيراد لان جربت تصليحه وغيرت الزيت والمشكلة موجودة.. الميكانيكي بقا بيقولي مادام مش ناوي ابيع العربية و ممكن اصرف عليها شوية اجيب ماكينة استيراد بالفتيس بتاعها بس يكون موديل اعلي زي مثلا موتور فيكترا 2001 ايكوتك 2 كامة 2000 بالكنترول والضفيرة بتاعته فهل الكلام ده صح والماكينة الاحدث ممكن تركب عندي ولا لأ.. ولو الكلام ده مظبوط اشتريهم منين واركبهم عند مين وسعرهم كام بالتقريب ارجو الافادة والمساعدة