السلام عليكم :)
انا جديد في المنتدى وجديد في الرينو عموماً :E_braces[1]:
إن لسه مستلم رينو كادجار من يومين
و إن شاء الله هبقى أكتب موضوع عن إنطباعي عنها و سحبها في المرتفعات
عرض للطباعة
السلام عليكم :)
انا جديد في المنتدى وجديد في الرينو عموماً :E_braces[1]:
إن لسه مستلم رينو كادجار من يومين
و إن شاء الله هبقى أكتب موضوع عن إنطباعي عنها و سحبها في المرتفعات
الف مبروك ياباشا وربنا يديك خيرها ويكفيك شرها
أنا حاجز ومقلق منها فممكن تقولى أ خبارها إيه فى الأتى:-
صوت التربو أو الماتور عالى ولا لاء؟؟
التكييف أخبارو أيه
السحب بتاع العربية تقيل ولا زى اليابانى؟
العفشة نعمة ولا رياضية؟؟
\الجرى أخبارو أيه؟
فيه نتشة فى الفتيس ولا لاْ
والنقلات بتعتوا نعمة ولا بتحس بيها؟؟
الـ Stablity وعزل الصوت عامل أيه
الله يبارك فيك
بص هو انا لسه ممشتش بيها كتير لإني لسه مركبتش نمر لكن هاقولك على تجربتي وان شاء الله كمان يومين هاكون رخصت و هاجربها في المطالع العاليه عندنا في أكتوبر و أقولك
- العربيه صوتها طبيعي مش عالي خالص
- التكيف كويس بس ممكن على وضع الـ ECO (ECONOMY) تحسه أضعف لسه مركبتش ناس ورا عشان أقدر أحكم عليه بيوصل لورا ولا لا
- العفشه حاسسها مش ناعمه قوي بس غالباً عشان لسه جديده
- لما بدوس الكيك داون بتطير بس انا مجربتش اجري بيها اليومين ومشغلها على الـ ECO فمش بسحب بيها
- الفتيس ناعم خالص ومش بتحس بالغيرات خاااااالص
-عزل الصوت 7/10
- الـ Stability هبقى أجربها على سرعات عاليه في الملفات و ابلغك إن شاء الله :)
فتيس القاش قاي cvt
فتي الكادجار "دوال كلاتش" نظام السحب الرياضي
في اختلاف بينهم كبير
الف مبروك في انتظار التقرير
منتظرييييييين التقرير يا باشا والف مبروك ،،،
مازلنا منتظرين التقرير
باشا انا ناوى اجيب رينو كادجار عايز اعرف تقريرك عنها الان ورايك فيها وهل للفتيس عيوب على المدى الطويا لانى خايف من dual clutch
رايك فيها يا باشا الان انا عايز احجز ٢٠١٧ وهل فى مشاكل للفتيس dual clutch
كنت في معرض الطارق من كام يوم وركبتها وشفت كل امكانياتها تقريبا, ماشاء الله متازه من كل حاجه تقريبا
كان عندي استفسار .......... هو فعلا مافيهاش وحدات رفع !!!!! ومافيهاش زجاج تاتش الا بتاع السواق فقط !!!!! حتي التوب لاين ؟
للاسف تأكد وشفتها بنفسي في معرضين للسيارات ووجدت انها بدون وحدات رفع ولا حتي فيها فتح الزجاج تتش ماعدا زجاج السواق فقط
الصراحه ماكنتش متوقع ان سياره فيها كل الامكانيات دي وبالسعر ده ولا يوجد فيها شىء بسيط يكمل الكماليات وطعم السياره
لا تقلق من نوع الفتيس ده ..... يعتبر الافضل في فئته , ويعي اداء رياضي مرضي
الرينوهات الوحيده اللى سعرها مازال ثابت لم يتغير من فتره طويله
يا جماعه سمعنا ان الرينوهات كلها نزلت حوالى 30 الف ج ...... الكلام ده صحيح ولا اشاعات !!!!
اكتر من الفين مشاهدة ومفيش حد يرفع تقرير يجماعة
السلام عليكم.
أنا لسه مستلم الكدجار الفئه الرابعه ومشاء الله العربيه محترمه وشكلها جميل. رأي عن العربيه كالتالي:
مميزات العربيه:
- العفشه ناعمه بجد في المطبات بالجنط ال 19. ماتحسش بأي خبطه تسّمع في التابلو مثلا، كإنك ماشي على جنط 16 او 17.
- الماتور مالوش صوت خالص بالبنزين 92 زي ما بسمع مع القشقاي. مدير خدمة العملاء فرع الشروق اللي استلمت منه العربيه اكد لي انها متضبطه على بنزين 92 عكس ال قشقاي مع العلم ان رينو شاريه اسهم في شركة نيسان ونفس الشركه هي ال مصمماهم. سحبها حلو بالماتور 1.2 وخاصتا لما تمشي فوق سرعة ال 40. بتشد معاك.
- اضاءة الانوار الرئيسيه الاماميه ال LED بتفرش معاك على الطريق باليل افضل من الزينون ومافيش فانوس اضاءته اعلى من التانيه في المستوى على الارض.
- حساسات حوالين العربيه في كل مكان و بتنبهك وانت ماشي على الطريق مش بس لما تركن.
- الشاشه بتاعت العداد ديجيتال وفي امكانية تغير الوان الخلفيه وشكل العداد واظهار ضغط الهواء لكل فردة كاوتش على حده و استهلاكك لل hp وال torque وحاجات تانيه مش فاكرها.
- طبعن الاوتو بارك جميل بس مش بعتمد عليه عشان انجز في الركنه في ظل الزحمه وال blind spot ميزه حلوه للكشف عن السيارات ال جايا منوراك على الجانبين ومش شايفها.
- في زرار eco لإلزام العربيه لتقليل استهلاك البنزين بس مدير خدمة العملاء حذرني من استخدامه على طول لانه بيخنق العربيه وبيأثرعليها على المدى البعيد ونصحني باستخدامه في الزحمه لما يكون البنزين في التانك قليل.
تعقيبي على العربيه:
- العربيه مش حساسه لدواسة البنزين في الطالعه سواء لما تجيب الفتيس على ال D او R. يعني مثلا لو راكن في مطلع وعايز تجيب ال D وتطلع، لازم تدوس جامد عشان تلحق العربيه قبل ما تنزل منك لورا وللأسف هاتلاقي العربيه بتنطت منك قدام فلازم مايكنش حد قدامك عشان ماتخبطوش.
- هي حاجه بسيطه بس كان نفسي تكون موجوده، زراير الشبابيك مابتنورش مع نور التابلو.
محتاجين تفاصيل اكتر و صور لو امكن
انا معايا كيا كارينز 2015 فيتس cvt
بسم الله ما شاء الله اكثر من رائع
عن تجربه يا جماعه الكادجار ممتازة ما شاء الله وبجد الماتور التربو مع فتيس الدولكلتش 7 سرعات حاجه من الأخر بأداء رياضى مذهل
الحمد لله التقرير الاول بدأ ينزل