الموضوع: معاناتي مع فتيس اوتوماتيك نيسان صني الشكل الجديد

احمد ربنا ، انا غيرت فتيس كامل فى الملعونة شيفرولية كروز على 28000 كلم كانت زيرو موديل 2013 و مكملتش سنتين

السلام عليكم
معلش يا جماعة انا اتأخرت عليكم .. اسف جدا
انا عايز اقولكم اني صلحت الفتيس عند واحد في ميدان لبنان و السعر كان كويسة نسبة إلى الارقام اللي سمعتها عن الفتيس استيراد .. و بعد كدة روحت كشفت كمبيوتر و لقيتة قرا الفتيس تمام ..
عامة العريبة ماشية معايا من حوالي 3 اسابيع كويس الحمد لله و بقطع بيها مشاوير كويسة .. و ربنا يسهل و تفضل كويسة لأني مقلق جدا.

اشكركم جزيل الشكر على التفاعل و اي حد عايز اي تفاصيل ممكن يقولي وانا اعرفة ..
شكرا جزيلا مرة اخرى

مبروك ربنا يبارك بس يا ريت تحكي لنا غيرت ايه في الفتيس و التكلفة بالتفصيل اذا سمحت لتعم الفائدة على الجميع

المشاركة الأصلية كتبت بواسطة ayman111

مبروك ربنا يبارك بس يا ريت تحكي لنا غيرت ايه في الفتيس و التكلفة بالتفصيل اذا سمحت لتعم الفائدة على الجميع

والله انا مفهمش اوي في الحاجات دي بس حسب ما الراجل وضحلي .. هو غير الأتي:
1- تغيير كلاتشات
2- عمل حشو داخلي
3- تغيير إربه
4- طبعا تغيير الزيت

التكلفة كانت حوالي 6500 و الفتيس جديد تمنة الأن 38000 و استيراد يبدأ من 16000 تقريبا حسب ما سألت.

الراجل اللي صحلت عندة اسمة عاطف أنيس في ميدان لبنان و هو لية صفحة على الفيس بوك ممكن تعملوا سيرش عليها.

دة اللي انا فهمته .. و اللي فهمتة ان الفتيس باظ بسبب عدم الإهتمام بتزويد الزيت.

شكرا جزيلا

لو هتغير الفتيس هاته استيراد