الموضوع: خزان مياه بولى !!

بولى ايثلين

المشاركة الأصلية كتبت بواسطة swimmer25

أنا اشتريت واحد 1 متر بستخدمه لما المياه تقطع
مسالتش كتير اللي لقيته اشتريته
إسمه أكوا مينا 3 طبقات مضاد للبكتريا بضمان 5 سنوات وكان من حوالي 3 شهور ب 800 جنيه
ولو هتستخدم الخزان كتير ومع أسرة خليك في ال 1 متر مش النص


بس خلي بالك المياه اللي بتيجي من الخزان بتكون ضعيفة وممكن متشغلش سخان غاز..أنا لسه مجربتش السخان الغاز عليه

@ضعيفه لانهى درجه سرسوب صغير مثلا؟
@الخزان فوقك بكام دور؟
@تقريبا لو المياه قاطعه 24 ساعه يكفى اد ايه؟

انا استخدمت خزان المياه حوالى 12 سنة نوع اسمه نايلتكس كنت شاريه من السبتية ومصنعه فى اكتوبر المنطقة الصناعية وكان خزان كويس ولونه ابيض من الخارج و3 طبقات ومكانش بيعمل بكتريا من جوه كان بس بيترسب جواه التراب اللى فى المياه وباحتاج انضفه مرة كل سنة وكنت ساعات باحط فيه عبوة ديتول للتطهير
بس طبعا مش بشرب منه خالص لكن فى الوضوء كنت باتمضض منه وطوال المدة دى محصليش مشكلة منه ولا لاولادى الحمد لله ..
عشان ضغط المياه النازله منه يكون مناسب للسخان اعمل ماسوة النازل بوصة او بوصة ونص فالضغط الداخل للشقة هيكون حلو
اهم نصيحة هات عوامة زهران بولى بروبلين واعمله فايظ احتياطى واقفل غطاه بقفل عشان محدش يطلع السطوح ويلعب فيه
للعلم جسم السخان بيتأثر مع الوقت من الشمس وتظهر به تشققات فى الطبقة الخارجية فقط ممكن تحميه بمظلة او لفه بخيش وغيره كل سنة مثلا
وفى التركيب خلى فتحة نزول المياه تكون من اسفل قاعدته مش من اسفل الجنب ليه ؟ عشان ميحصلش ترسيب للطينة فى القعر وتعمل ريحة عطانة وعشان كده لازم توقفه على حتتين رخام سلالم مش تصب له قاعدة اسمنتية
اخر حاجة اعمله صرف للتنظيف (يتم تنظيفه بمقشة جديدة ) عشان الطينة مش تنزل على شبكة الشقة تسدها
وربنا معاك

المشكلة انى كنت هجيبه عشان الشرب وكل الاحتياجات.مع العلم فى فلتر 6 مراحل ومن غير خزان بيمسك بلاوى.هو ايه اضرار الخزان على الميه.
فتره استعمالى بليل بس عشان عندى عيب غريب الموتور مش بيقوم بليل اما بفتح الحنفيه.

المشاركة الأصلية كتبت بواسطة احمد المصرى

اعتقد ان مهمي كانت درجه عدم نظافه الخزان مش هتكون ذى مواسير الشرب العاديه ال فى الشارع

وانت عندك مشكله فى ظبط الاتوماتيك هيا ال مخليه الموتور مش بيشتغل بليل عايز تظبته بس

ياريت تفدنى فى طريقه ظبط الاتوماتيك
انا فى 11 والميه بالنهار ممتازه الا بعض الاوقات مش بلاقى ميه خالص......
اما بليل بقى الاتوماتيك مش بيحس انى فتحت الميه ولااااااااازم حد من دور واطى يفتح الميه عشان الاتوماتيك يقوم وهلى 5 دقايق والجار يقفل الميه وبالتالى تقطع عنى........
انا ظابطه على 5 فصلان. وحاولت ازود الفصل عن 5 عشان التشغيل يزيد هو كمان...فمبقاش يفصل اصلا لا ليل ولا نهار.