تويوتا كورولا 2003 أوتوماتيك للبيع.

السلام عليكم..
استفسار لو سمحتم يا جماعة عاجل...
دلوقتي قدامي تويوتا كورولا 2003 أوتوماتيك 1300cc رشة بره كله ( بيقول نضافة) بس فيها معجون في بعض الأماكن من ضمنها السقف.. مغيرة غطا الشنطة ودواخل فبريكة عدا جزء ف الشنطة وجزء بسيط في الحوض عند الرفرف، مكنة سليمة وعفشة سليمة، عاملة 160000 كيلو، المفروض إني هاخدها من المستخدم الثالث للعربية، هو لحد النهاردة بيركبها وصيانة دورية.. بس هي رخصها منتهية من سنة والمفروض إني هعملها عقد ملكية موثق وأرخصها جديد..
السعر ممكن يبقى كام..
وتنصحوني آخدها ولا لأ..

انا شخصيا موش بحب عربيه فيها مشاكل مرور

و لو فكرت تشتريها يبقى هو اللى يرخصها باسمه الاول .. و بعد كده تشترى منه .. و تتأكد ان مفيش قضيه او مشاكل حتترمى عليك

بس السؤال .. هو ليه مجددش ؟؟ ( العربيه 1300 يعنى موش مبلغ كبير ) .. هل العربيه عليها مشكله ؟؟

و بعدين هو ليه مغير سقف الشنطه و حاطط معجون فى السقف ؟؟

رأيى ابعد عنها

تأكد من خلو مشاكلها . المعجون والرش الخارجى تمنه لصالحك واكيد هتبقى لصالحك يعنى تأكد انك هتشترى رخيص علشان لما تيجى تبيع هتبيع رخيص برده . ربنا يوفقك للاصلح.

شكرا ياباشا ع الرد مانتحرمش...
هو ظابط شرطة، فماكنش في دماغه إنه يجدد أصلا..
العربية كانت مخبوطة من ورا فغيرت سقف الشنطة مع شغل بسيط فيها من جوه..
طب هو السعر ممكن آخرها كام..
95 ألف كويس..