مطلوب تجاليد أبواب صني الشكل القديم n16

السلام عليكم شباب

أمتلك سيارة نيسان صني 2013 الشكل القديم 16 Ex-Saloon N لونها أسود و التابلوه و الأبواب من جوه أسود و ليس بيج

ربنا ابتلاني بمغسلة فيها شخص الله يسامحه استخدم كلور تقريبا أو ماده كيميائية من غير ماأطلب منه كده خلا الأبواب حصل فيها شئ من الجرب و بقى شكلها يصعب على أي حد و الجزء الأيمن اللي في التابلوه من فوق اجرب و اللون بقى تقريبا أبيض و بقيت حرفيا "هأتجنن"...بالنسبة للتابلوه أنا أقصد الجزء المنخفض ناحية اليمين اللي بنضع عليه علبة مناديل السيارة....ربني كرمني و لحقته قبل مايبوظ باقي العربية.

قررت أشتري تجاليد الباب الأيمن و الأيسر أسود استيراد من الحرفيين و لكن تجاليد الأبواب الأصلية بتاعة عربيتي مختلفين عن كل الموديلات اللي قبل كده - هم عبارة عن فبر أسود في فبر أسود و مفيهوش جزء قطيفة زي كل الموديلات السابقة و يبدو ان الحرفيين كل استيرادهم موديلات متقطعة قبل 2010 تقريبا فمقدرتش الاقي تقطيع موديل 2013 عشان اخد نفس شكل تجاليد الابواب - يبدو اني مضطر أشتري من التوكيل و أشك ان الاقيهم في التوكيل و كمان مش عارف سعرهم كام - حد يقدر يفيدني على مكان رخيص غير التوكيل أو سعرهم جوه التوكيل كام - انا مش عارف اسأل لأني في شرم الشيخ و مش هأقدر أسافر القاهرة الا بعد شهرين تقريبا.
أي معلومة عن مكان بيع النوع ده من التجاليد؟ و جزاكم الله خير