ارجوا المساعدة من الاعضاء الكرام فى اختيارى العربية الافضل بين (رينو لوجان و نيسان صانى)
مميزات و عيوب كل عربية و شكرا للاهتمام
عرض للطباعة
ارجوا المساعدة من الاعضاء الكرام فى اختيارى العربية الافضل بين (رينو لوجان و نيسان صانى)
مميزات و عيوب كل عربية و شكرا للاهتمام
http://www.nilemotors.net/Nile/475523-2015.html
انا من ملاك الصنى وعامل 40000 كم ومعاد الصيانه السبت القادم وهقدملكم تقرير عن صيانه ال40 الف
هى عربيه عائليه ومش بتاعت شقاوه (غرز وتجميع وسرعات عاليه واتزان على السرعات العاليه)
لو سعرها فعلا وصل 197000 للسوبر صالون استلام فورى- هى متستهلش السعر دا
بالنسبه للوجان- ياريت ملاك اللوجان يشاركونا
انا من ملاك لوجان 2016 حالياً عامل 10000 كيلو
بصراحه عربية كويسة ، طبعاً انا اشتريت قبل الزيادة دى وكانت بالنسبة لسعرها مناسبة جداً انا عربيتى الفئة القبل الاخيرة جميلة ومريحة وكماليتها معقولة تكيفها حلو ثباتها فوق 150 مش كويس اوى عالية على الارض تستحمل شوارعنا مثبت سرعه ومحدد سرعه فتيس استبترونيك كويس جداًفرامى absوكويسة جداً توكيلها كويس رغم انو غالى حبتين موتور سحبه كويس صوتو هادى عزلها كويس جداً بس بالنسبة لسعرها حالياً مش عارف اقول غاليه ولا رخيصة ولا اية احسن منها عائلية والقعده فيها مرتاحه فى الصالون شنطتها واسعه استهلاك بنزين مقبول بصراحه من وجهه نظرى عربية تستحق الاحترام والتقدير ، وربنا يوفقك
شكرا كتير لحضرتكم عى الافادة القيمة دى بس كنت احب اعرف التكيف فى الرينو و النيسان كويس و سمعت ان فى بعض موديلات فى الرينو بيكون فيها تعصب التعامل معها زى تغيير الزيت خارج الوكيل الكلام ده صحيح ولا لاء
التكييف وتقيمه عمليه نسبيه
فالصنى هو كويس جدا- لما الجو بيكون حر جدا او العربيه بتكون منقوعه فالشمس بياخد وقت لحد متحس بفرق
ممكن ياخد ربع ساعه على اخر سرعه
بالنسبه لتغيير الزيت فالتوكيل- انا للاسف محتاج اتعامل معاهم لحد مفتره الضمان يخلص وهغيره بره
مش عايز حد يتلككلى لو حاجه حصلت للعربيه فى فتره الضمان