أستحلفكم بالله أرجو المساعدة أنا عندي 405

**elbalashoon** · 03-12-2008 02:23 AM

السادة أصحاب البيجو أنا عندي بيجو 405 موديل 2003 فيها عيب ظهر ومفيش حل ذهبت لمراكز صيانة كتير وميكانيكية ومفيش حل المشكلة هي أن العربية لما تكون سخنة أي لما أكون رايح مشوار وركنت العربية بعد 10 دقائق لو جيت دورت العربية لا تدور بس لازم تدور مع المارش أكون ضاغط على دواسة البنزين. عملت صيانة كاملة للكربراتير وغيرت بوجيهات وغيرت فلتر الهوا وبيك السلانسية وبيك السرعة وظبط الموتور كل دة مفيش فايدة أستحلفكم بالله أرجو الأفادة

**the-hero** · 03-12-2008 02:32 AM

بص يا سيدى ده مش مشكلة كربراتير ولا بيجوهات ده مشكله مشط الألكترونى ودة هو اللى بيخالى العربيه متدورش بعد التبطيل خصوصا لما تسخن حاول تجيب واحد أستيراد يعمل 120 جنيه
طبعا لما تيجى تدور بتلاقى الماتور عزمه شديد بس مبيدورش غير بعد فترة
ممكن تجيب فوطه مبلوله ميه وتحاول تبرد المشط بس شيل الفيشه بتاعته الأول والعربيه مبطله وان شاء الله هتور
وبلغنى أول بأول

**محمد ابراهيم 1** · 03-12-2008 02:37 AM

أنا برضه بقول إنه المشط ممكن تجرب موضوع المشط ده مش حيكلفك حاجه يعنى وهى سخنه كده تروح مركب الجديد وتجرب دارت يبقى تمام فضل العيب موجود يبقى ندور على سبب تانى