نداء لمن عندة كرسى متحرك زائد عن الحاجة

حالة طفلة عملت جراحة بالكلى وفشلت و أهلها محتاجين كرسى متحرك حد يقدر يعمل حاجة او جزء من حاجة يتواصل خاص. والبوست الجاى منقول للإفادة:
منقول
--------------------

الدال علي الخير كفاعله
من فضلكم تقرآو البوست ده كويس ،، دي تجربتي انا انهارده
انا ناتالي محمد ،، كنت اجازه انهارده ،، قمت بدري و رحت علي مستشفي ابوالريش للأطفال ، بعد البوست اللي قطع قلوبنا امبارح
و عاوزه أشارككم في اللي شفته و لقيته هناك
# مبداءيا اول لما نزلت من التاكسي امام المستشفي لقيت الأهالي اللي جايين من الأقاليم ،، نايمين و مفترشين الارض و السور امام المستشفي زي ما قريت عنهم امبارح بالضبط
# الأمن علي الباب اول اما قلتله جايه للتبرعات ، كان هيشيلني من الارض شيل و وصلني لحد المكتب ،،،
# بعد التبرع ذهبت لصيدليه المستشفي ،، فعلا مافيش لبن نهائي للأطفال بجميع أقسامه ( مع العلم ان في قسم كامل أطفال سوء التغذيه )
الدكتوره شابه لطيفه و هاديه سألتها علي اهم الحاجات اللي أجيبها دلوقتي لحين عودتي الاسبوع القادم ، طلبت لبن بيبي بلاك اقل من ٦ شهور و نصحتني أراجع تاريخ الصلاخيه، لانه لو عينتهي بسرعه من هتقبله
- صيدليه أبوالعز ، امام المستشفي اداني ٥٪ خصم علشان اللبن للمستشفي و اداني كل الكميه اللي عنده ،،
### هنا اصعب جزء في اليوم و نصيحه اللي هيروح بنفسه ياخد مناديل او يلبس نظاره يداري بيها دموعه

ياخد مناديل او يلبس نظاره يداري بيها الدوع
الدور الرابع فيه أطفال بيغسلوا كل واحد علي سرير والسراير مرصوصه جنب بعض الكبير فيهم يمكن ٩ سنين ، جايين من الأقاليم ،
و في اول الممر الاطفال اللي مستنين دورهم،، البراءه و الالم في العيون اللي المرض هدها ،، و امهاتهم قاعدين علي الارض مستنين الدور
دخلت مكتب الخدمه الاجتماعيه ،، علشان اسأل علي الحالات الإنسانيه ، قابلني ا / علاء ندا مدير المكتب و قالي علي الحالات اللي عملين لها بحث لانها الاسواء علي الاطلاق و منهم
١- الرضيع يونس وليد عصام ... عمره ، شهر و نص ، أصيب بنزيف في ألمخ ، اخده باباه و جري علي مستشفي قريب خاص بسيطه ، ليله واحده كلفته ٥٠٠٠ جنيه و الرضيع أصيب ب تلوث في الدم في الليله دي ،،،
اخده باباه و راح ابو الريش ، مالقاش سرير في الرعايه المجانيه ، دخله بالمصاريف ، الطفل حالته صعبه و لازم يعمل عمليه لما يتحسن شويه ، لحد دلوقتي مصاريفه وصلت ١٠ آلاف جنيه و مستني مكان يفضي في المجاني ،،،
٢- عرفت ان في دوسيه كامل لحالات اسمها( الكولاجينيه !! ،،)
الاطفال دول مش مقيمين ،، دول بيجوا ياخدوا حقنه في العياده
و عرفت ان ده زي الشلل الدماغي .. و منهم حاله الطفل محمد فرج .
الاطفال دول ما بيمشوش غير بالحقنه ،، و بياخدوها باستمرار ، ملهم لا يستجيبوا للحقن المصري ، لازم المستوردة علشان الماده الفعالة
الحقنه تقريبا اسمها ( كولاشايسين ) تقريبا كده
قالولي ان في دكتور صيدلي كريم الأخلاق في مدينه نصر لو طلبتها منه و قلتله انها للمستشفي هيديني خصم عليها كتير ،،،
اسمه د/ يحيي ذكريا ... معايا نمرته ، الحقنه تقريبا ب ١٠٠ ج
مافيش منها نهائي ،، و الام بتيجي شايله ابنها شبه فاقد الوعي و الحركه علي كتفها في رحله شقاء و تستنا الفرج ،،،،
٣- في حالات انسانيه كتيره جدا
و رحمه ربنا اني ما صورتش حد منهم ،،،
٤- مكتب الخدمه الاجتماعيه متعاقد مع مصنع للكراسي المتحركه ،، كرسي خفيف و قوي و سهل طيبه علشان بيركبوا بيه المواصلات ، الكرسي من المصنع ب ٢١٥ ج ،،
محتاجين كتير رحمه بالمهات اللي بتشيل عيالها من القري للمستشفي
#
في الصيدليه تحت الدكتوره الشابه قالتلي انهم محتاجين
- هيموفلتر لعمليات القلب و ده تقريبا ب ٩٥٠ ج
-باتشه لعمليه ثقب القلب ،، بتكفي طفلين ب ٥٠٠٠ ج
- صِمَام مخ ... لحالات الميه علي المخ للأطفال ،، ب ٢٥٠٠

كل الحاجات دي مافيش منها ،،، و الطابور طويل ،،، و الكل مستني فرج ربنا

في أطفال بتموت علشان مافيش لبن !!! و أطفال بتموت و هي مستنيا الدور علشان تعمل العمليه
الأهالي بيباتوا في الشارع قدام المستشفي لان ما معهمش يباتوا في اي مكان و حتي تمن الركبه غالي عليهم،، بياكلوا وجبه واحده كل يوم علشان مش معاهم فلوس يجيبوا اكل
المستشفي مش بيكسبوا تبرعات علشان مافيش يعملوا دعايه
من فضلكم ،،، و لوجه الله ،، خالي البوست ده هو دعايتهم ،، خلي الناس توصلهم و نلحق الحالات الإنسانيه اللي في الدور الرابع
للي يعرفوني ،، انا هاروح تاني الاسبوع القادم للي يحب يجيي معايا او يوكلني أنوب عنه باي ايداعات
و للعلم كل حاجه كانت بوصولات ،، حتي علب اللبن اللي سلمته في الصيدليه بإيصاﻻت.

من فضلكم ،،، و لوجه الله ،، خالي البوست ده هو دعايتهم ،، خلي الناس توصلهم و نلحق الحالات الإنسانيه اللي في الدور الرابع
للي يعرفوني ،، انا هاروح تاني الاسبوع القادم للي يحب يجيي معايا او يوكلني أنوب عنه باي ايداعات
و للعلم كل حاجه كانت بوصولات ،، حتي علب اللبن اللي سلمته في الصيدليه
ارجوكم انشروا البوست لعله يكون دعايه ليهم
لعلنا نلحق بعض الحالات قبل ان ينفذ امر الله
نموذج حالة مخ واعصاب لطفلة بعمر 6 سنوات اسمها جنا سعيد احمد عمر ست سنوات حالة ضمور بالمخ تحتاج ادوية وعﻻج طبيعى
اسم اﻷم دعاء احمد رقم اﻷم 01110598159
اﻷدوية الى مطلوبة بصفة مستمرة ومش قادرة تجيبها لبنتها:
Depakin شراب سعر 17 جنية
L- Creatine نقط بسهر 25 جنية
Efalex شراب منة مصرى ب خمسة واربعين وفى منة مستورد ب اربعمائة جنية فعال اكثر.
فيتامين E 400

وانا اتضامن مع هذه المشاركة
واطالب جميع الزملاء بالتبرع لهؤلاء المرضى المساكين ودعوة اقاربهم واصدقائهم للتبرع لانقاذ حياة أطفال أبرياء لايجدون قوت يومهم .... إنهم أحق مليون مرة من أكذوبة مستشفى 57 فهي ليست للغلابة برغم ضخامة التبرعات التي تحصل عليها

بارك الله في صاحب الموضوع ، وبارك في كل من تبرع ، وبارك في كل من كان سببا لتبرع الآخرين
انقذوا أطفال مصر بارك الله فيكم ولكم

وأنا شايف أنه لو نحدد يوم علي سبيل المثال الجمعه ويتجمع عدد من أعضاء نايل موتورز ونقوم باللازم كلن حسب أستطاعته بدلا من واحد واحد يساعد

هل تعلم أن 50 جنيها فقط قد تنقذ طفلا من الموت؟
تبرعوا بأي شيء مهما كان المبلغ ضئيلا
معظم هؤلاء الاطفال المرضى ينتمون لعائلات تحت خط الفقر لا تجد ما تأكله فضلا عن مصروفات العلاج والاقامة
والكثير منهم ينامون في الشارع لضيق ذات اليد