الموضوع: بعض المعلومات المفيده و الضروريه بخصوص قياس مستوى زيت المحرك

فعلا ناس كتير بتقيس الزيت الصبح قبل ما يدور العربية.

المشاركة الأصلية كتبت بواسطة svneleven

فعلا ناس كتير بتقيس الزيت الصبح قبل ما يدور العربية.

المهم المطلوب فى الكتالوج ايه .. هل عايز قياس الزيت و هو بارد تماما .. ام و هو دافئ

اعتقد المنطق يقول ان القياس و الزيت دافئ هو الاصح .. لتجنب اختلافات الحراره الخارجيه من دوله الى دوله و التى قد تكون تحت الصفر المئوى بكثير فى بعض الدول

عندنا فى مصر حتكون الفروقات بسيطه بين الطريقتين ( بس حيكون فيه فرق طبعا ) .. لان درجه حراره الزيت فى الكرتيره حتكون دافئه قليلا معظم اوقات السنه

المشاركة الأصلية كتبت بواسطة tasaka

عندنا فى مصر حتكون الفروقات بسيطه بين الطريقتين ( بس حيكون فيه فرق طبعا ) .. لان درجه حراره الزيت فى الكرتيره حتكون دافئه قليلا معظم اوقات السنه

الفرق البسيط ده اهميته بتظهر لما يكون فيه شك فى حاله الموتور و فيه متابعه مستمره لمستوى الزيت

فلو حصل انه كان بيقيس بعد ما يوصل الشغل او بعد ما يرجع .. ثم قاس فى احدى المرات صباحا قبل التدوير حيلاقى الزيت اقل على المقاس

فيستنتج ان العربيه بتأكل زيت .. و ده غير صحيح فى حالته لان الفرق اللى شافه هو فرق تمدد الزيت بين البارد و السخن

يبقى لو حد عايز يتابع اختبار حاله الموتور بالنسبه لاستهلاك الزيت .. يجب ان يقارن دائما بالمنسوب المعتاد المرافق لكل حاله سواء الزيت البارد او الدافئ

المشاركة الأصلية كتبت بواسطة tasaka

الكتير منا اعتاد على طريقه او اسلوب معين لقياس مستوى زيت الموتور .. و يقوم بتباع نفس الطريقه مع اى سياره يتملكها

و الطريقه المعتاده التى يقوم بها الاكثريه منا هى قياس الزيت و السياره بارده تماما صباحا قبل التدوير




و لذلك احببت وضع بعض المعلومات المفيده و الضروريه بخصوص قياس مستوى زيت المحرك

1- يجب اتباع تعليمات الكتالوج و قد تختلف من صانع سيارات لاخر

.. و ده هام جدا لان كثير من الصانعين الان يستلزم قياس الزيت و هو دافئ

.. كمعلومه عامه الزيت يتمدد بعد وصول المحرك لحراره التشغيل .. بمعنى انه سيعطى قراءه على مقاس الزيت اعلى ببضعه مليمترات و هو دافى ( اعلى من القراءه التى يعطيها على مقاس الزيت و الموتور بارد تماما صباحا )

.. و بالتالى يقوم هؤلاء الصانعين بمعايره مقياس الزيت على هذا الاساس ( بعد تمدد الزيت ) .. و يستلزمون فى الكتالوج قياس الزيت و هو دافئ





2- طريقه قياس الزيت و هو دافئ كالاتى

- وجوب تدوير السياره و السير بها حتى يصل المحرك لحراره التشغيل

- ركن السياره على سطح افقى .. ثم الانتظار عده دقائق و هى فى العاده 10 دقائق و لكن ليس بالضروره .. و قد تختلف مده الانتظار طبقا للاتى :

.. الحراره الخارجيه للجو المحيط
.. او درجه حراره المحرك اذا لم يكن قد وصل الى درجه حراره التشغيل

- القياس .. و يتم باخراج مقياس الزيت و مسحه جيدا .. ثم ادخاله حتى نهايته تماما .. ثم اخراجه و القياس

لو مثلا غيرت الزيت وشوفت المقاس تمام والزيت لسه مسخنش طب ماهو لو سخن المقاس حيكون مستواه اعلي برجاء توضيح اكتر
وشكرا

المشاركة الأصلية كتبت بواسطة sherif mandoor

لو مثلا غيرت الزيت وشوفت المقاس تمام والزيت لسه مسخنش طب ماهو لو سخن المقاس حيكون مستواه اعلي برجاء توضيح اكتر
وشكرا

الموتور حيكون قريب من درجه حراره التشغيل ( لانك دورت و رحت لمكان تغيير الزيت ) .. و بالتالى سيكون الزيت دافئ نسبيا بعد وضعه فى المحرك

القياس بيكون و الزيت دافئ موش سخن .. علشان كده بتنتظر فتره بعد تبطيل الموتور قبل قياس الزيت .. و دى مفيده ان الزيت يرجع للكرتيره و فى نفس الوقت يبرد شويه

و فى جميع الاحوال انت بتغير الزيت بناء على الكميه المحدده فى الكتالوج فقط

تحياتى

ربنا يبارك فيك يا صديقى معلومه جديده عليا والف شكر ؟

المشاركة الأصلية كتبت بواسطة mohamed desoky

ربنا يبارك فيك يا صديقى معلومه جديده عليا والف شكر ؟

و ربنا يبارك فيك و فى الاولاد .. آمين

تحياتى و اعزازى