الفيديو ده في روسيا (مدبلج انجليزي).. بيعمل مقارنة مباشرة بين السيراتو والكورولا الجديدة..
https://www.youtube.com/watch?v=wQl2V8xQnDY
...
عرض للطباعة
الفيديو ده في روسيا (مدبلج انجليزي).. بيعمل مقارنة مباشرة بين السيراتو والكورولا الجديدة..
https://www.youtube.com/watch?v=wQl2V8xQnDY
...
جزاك الله خيرا يا بشمهندس على المعلومات الجميله دى
سؤال بقى كده رايك ايه فى العربيه الاوبل استرا
لو الواحد بيقارن بينها وبين السيراتو ابيع الكرولا واشترى استرا ولا سيراتو
انا عارف ان دول مدرستين مختلفيين تماما وكل واحده فيهم بتهتم بحاجه غير التانيه
بس انا بسألك على رايك لو كنت مكانى
لو أنا مطرحك وقدامي الاختيارين دول بس... يبقى السيراتو بدون تفكير..
أوبل مين بس اللي أفكر فيها يا بشمهندس؟؟ كفاية إنها جنرال موتورز وتوكيلها منصور..
ادخل على قسم الأوبل في المنتدى وشوف المشاكل اللي الناس عايشة فيها.
وماتنساش كمان إن أوبل مش موجودة في السعودية... معتقدش ده من فراغ
...
مش عاوز ااقولك ان رايك صدمنى بجد وحيرنى اكتر لانى كنت بقارن بين الاوبل استرا والسيراتو وميال للالمانى الاسترا وجربتها سواقه
هيا بس تقيله فى الطلعه مش اكتر لكن بتجرى بعد ما تاخد سرعتها من الثبات ومفيش مقارنه بين ثباتها وثبات السيراتو او الكرولا
على فكره السعوديه ليها ثقافه مختلفه عن بقيت العالم
يعنى اذا كان اوبل مش موجوده هناك فبرضه مرسيدس وبى ام دبليو تقريبا برضه مش موجودين الا اعداد بسيطه لا تذكر برضه
وفين فولكس هناك برضه؟؟؟؟؟؟؟؟
طيب فين السوبارو اللى هيا يابانى برضه
طيب ااقولك فين فولفو وقوه فولفو ومتعتها ؟؟؟؟
فين الاروبى عموما؟؟؟؟؟
كل دول وحشيين؟؟؟
اعتقد انها حكايه ان عبد اللطيف قدر يعملهم غسيل مخ كويس والعربيات اليبانى اعطال لا تذكر تقريبا وتكييف كويس فده اللى هما محتاجينه
بس انت متأكد بجد انى انفض للاوبل الاسترا خاالص هنا فى مصر ؟؟؟؟؟؟؟؟
سر انتشار الياباني في السعودية (وتويوتا بالذات) هو نفس سر انتشارها في العالم كله... الاعتمادية واقتصادية التشغيل...
ده على عكس السيارات الأوروبية... مشاكل ووجع دماغ وكمان مصاريفها كتير.. وده بينعكس مباشرة على سعر إعادة البيع..
العربية اللي سعر إعادة البيع بتاعها عالي معناه إن ملاك العربية دي كانوا مبسوطين منها وفي أغلب الأحيان مش بيبيعوها ببساطة..
مبسوطين منها يعني:
أعطالها قليلة..
قطع غيارها متوفرة..
تكاليفها قليلة..
صيانتها سهلة..
منتشرة .. فأغلب الميكانيكية بيعرفوا يشتغلوا فيها..
محدش جاب سيرة ثبات.. ولا أوبشن.. ولا أداء عالي.
وهو ده اللي مخلي ماركات زي تويوتا وهيونداي دلوقتي هما أكتر ماركتين منتشرين في السعودية (وأمريكا بردو).. مش مسألة غسيل مخ خالص.
عموما.. حدد أولوياتك واحتياجاتك بالنسبة للعربية...
لو عايز ثبات عالي... يبقى سيبك بقى من أي عربية غير الألماني..
لو عايز عربية تريحك من وجع الدماغ والمشاكل... فكر في الياباني وبعديه الكوري... وسيبك من أي حاجة تمت لأوروبا بصلة.
وراجع الموضوع ده.. يمكن يسهل عليك شوية..
http://www.nilemotors.net/Nile/329150-a.html
طيب بقوللك إيه..
ما فكرتش في الكروز؟؟؟
الكروز هي عبارة عن آسترا متنكرة في شكل شيفروليه... وأرخص كتير.
...
كان فيه مشكله فتيس فى الكروز .. معرفش لسه موجوده او اتحلت فى الموديلات الجديدهاقتباس:
طيب بقوللك إيه..
ما فكرتش في الكروز؟؟؟
الكروز هي عبارة عن آسترا متنكرة في شكل شيفروليه... وأرخص كتير.
و على فكره سمعتها موش وحشه فى امريكا
السعوديه ثقافتها سيارات امريكيه اصلا .. ثم جاء اليابانى و اثبت نفسهاقتباس:
مش عاوز ااقولك ان رايك صدمنى بجد وحيرنى اكتر لانى كنت بقارن بين الاوبل استرا والسيراتو وميال للالمانى الاسترا وجربتها سواقه
هيا بس تقيله فى الطلعه مش اكتر لكن بتجرى بعد ما تاخد سرعتها من الثبات ومفيش مقارنه بين ثباتها وثبات السيراتو او الكرولا
على فكره السعوديه ليها ثقافه مختلفه عن بقيت العالم
لاحظ ان المسافات هناك كبيره جدا بين الاماكن .. و كمان من 40 سنه مثلا مفيش اماكن اصلاح و صيانه كتير .. يعنى لازم عربيه اعتماديه جدا
و كاختيار ممكن الاسترا تريحك نفسيا و لكن ليه مقابل حتدفعه سواء الوقت او تكاليف صيانه .. كاختيار عقلى يبقى تنازل بسيط عن بعض المميزات مقابل اعتماديه طويله المدى
انا مع رأى المهندس بوريو 100% ( برغم ان احب عربيه لى هى البى ام لفتره طويله .. زمان ) .. لكن الاختيار العقلانى يقول يابانى
و موش عبد اللطيف اللى اقنع الناس .. تويوتا رقم 1 او 2 على العالم .. و ده موش من فراغ
أعتقد الناس (وأنا منهم) لما بتقول كلمة كوري.. غالبا بتقصد هيونداي/كيا..
باقي الكوري لا ينطبق عليه موضوع الاعتمادية.. لإنه معتمد في الأساس على تكنولوجيا أوروبية
دايو سابقا وشيفروليه الكوري حاليا معتمد 100% على أوبل (جنرال موتورز)... وسانج يونج كان معتمد على مرسيدس وحاليا على رينو.
بس بردو عايز ألفت انتباهك إن مش معنى إن أوبل ألماني تبقى بنفس مستوى مرسيدس أو بي إم دبليو أو أي ماركة ألماني فاخرة...
أوبل تعتبر عربية شعبية/اقتصادية في ألمانيا.. ومستواها أقل كمان من فولزفاجن.. قارن أسعار أوبل في السوق الأوروبي مقارنة بباقي العربيات...
بالنسبة للكروز... أنا رشحتهالك لإن أنا شايف إن مسألة الثبات مهمة بالنسبالك... واللي أعرفه إن ثبات الكروز عالي مقارنة بكل الكوري عموما والياباني كمان..
طيب شوف الفيديو ده... أنا شايف إنه بيحلل الكروز بطريقة منطقية جدا..
https://www.youtube.com/watch?v=1gS_gA3M2fk
الفيديو ده بيتكلم على السنترا... شوف كده بردو يمكن تغير رأيك..
https://www.youtube.com/watch?v=uZ6II4fnLlg
الفيديو ده بيتكلم على هيونداي إيلانترا ... تقدر تقيسه على السيراتو بردو
https://www.youtube.com/watch?v=GfUhrkdvfJw
...