-
زيت فتيس الاوبترا
السلام عليكم
ممكن استفسار من السادة الاعضاء المحترمين
بالامس كنت فى توكيل العوض بالمعادى بعمل فحص للفتيس وتغيير للزيت
كانت الشكوى ان رزعة خفيفة اثناء التعشيق على المارش r وصوت نعرة خفيفة
بعد فحص العربية وتتجربتها على الطريق بواسطة الفنى المختص اجاب ان الرزعة المذكورة دى طبيعى لانهم كشفوا على الفتيس ملقوش اى مشاكل ومحسوش بصوت النعرة خالص
وقالوا ان زيت الفتيس كويس ويستحمل كمان
بس انا اصريت على تغييرة لانى عديت بة 50الف كم بعد اخر تغيير
الغريب ان مهندس التوكيل وضح لى ان الزيت بيتغير كل 50 الف مش 30 زى ما انا عارف وكتير من الاعضاء بيكتبوا واكد لى على المعلومة دى وعرضهالى فى النشرة اللى مبعوتة من التوكيل ؟ فيا ترى الصح فين
تانى شىء هو غير زيت الفتيس بتوتال 42(معرفوش بصراحة ؟ لو حد يعرفة يفيدنى) وحط 3 لتر اللتر بسعر 35 جنية
هو فتيس الاوبترا الاوتو بياخد 3 لتر فقط ؟ يا ريت حد يفيدنى ...لانى فى الكتالوج لقيته بياخد 5.5 لتر تقريبا
-
أتوقع الرزعة والنعرة دول مش مشكلة في الفتيس... دول مشكلة في البنزين والحساسات..
الرزعة دي غالبا بتحصل لما تدوس كيك داون علشان استجابة العربية ضعيفة.. خصوصا في وقت الظهر... مش كده؟؟؟
أنا عندي أعراض شبيهة بكدة ... ولما بدأت أستخدم منظف دايرة البنزين والرشاشات كل الكلام ده راح.
بالنسبة للزيت..
أنا عندي كتالوج الأوبترا بتاع أمريكا... وللأسف مش مكتوب فيه كمية الزيت المطلوبة.. وكمان بيقوللك إنك مش محتاج تغير الزيت ولا تشوف مستواه... والحاجة الوحيدة اللي تخليك تفكر في صيانة الفتيس هي إنه يكون فيه تسريب..
ده المكتوب في الكتالوج اللي عندي...
عموما.. كمية الزيت في الفتيس بتبقى متقسمة لجزئين.. جزء في الفتيس نفسه والجزء التاني في محول العزم..
واللي بيتغير هو الجزء الموجود في الفتيس في وقت التغيير... أما اللي في محول العزم مش بيتغير بشكل مباشر... لإن الزيت ماشي في دايرة .. والزيت في محول العزم هيرجع تاني للفتيس بعد فترة معينة (معرفش قد إيه بصراحة)..
وللأسف نادر لما تلاقي حد عارف المعلومة دي أو عارف إزاي يغير الزيت جوه محول العزم.
عموما نوع الزيت المطلوب في الكتالوج واحد من اتنين:
TOTAL ATF H50235 أو ESSO LT 71141
واللي لقيته على النت هو Mobil LT 71141 (إسو سابقا).. وفهمت منه إنه معمول علشان الفتيس بتاع ZF 4HP20 اللي بيركب في عربيات بيجو وسيتروين ومرسيدس... وغالبا هو نفسه اللي راكب عندك..
زيت توتال AT42 مواصفاته قريبة جدا من زيت موبيل وإسو دول... ومتوافق مع مواصفة ديكسرون III-G..
يعني ممكن تحط زيت موبل 320.. بس ما أضمنش إنه يشتغل صح 100%.
لو البيانات في الكتالوج اللي معاك مختلفة.. يا ريت تصورهالنا علشان نساعدك أكتر.
...
-
strange !!
total >>35 LE
mobil>>65 LE
why is that
-
متشكر جدا لاهتمام حضرتك
حضرتك وضحتلى الصورة ان تقريبا مش كل الزيت اللى اتغير
والمكتوب فى الكتالوج انة زيت توتال بدون ارقام . والكمية الكلية اللى بيحتاجها الفتيس 5.5 لترتقريبا
Content Relevant URLs by
vBSEO 3.6.0 PL2