المنتج بيوصلك لحد البيت و لا فين ؟ و طريقه الدفع ؟ الدفع قبل و لا بعد الاستلام ؟
عرض للطباعة
المنتج بيوصلك لحد البيت و لا فين ؟ و طريقه الدفع ؟ الدفع قبل و لا بعد الاستلام ؟
فكره فاشله انك تشتري منهم او من جوميا
عدم اهتمام و لخبطه ، تشتري مقاس تلاقيهم باعتين مقاس تاني خالص
بكتبوا مواصفات وبعد ما تشتري تلاقي مواصفات مختلفه خالص
وعلشان ترجع فلوسك ، ده فيلم تاني
انا بتعامل معاهم علطول
فى طريقتين للدفع
كاش عند استلام المنتج
او فيزا (مقدما)
الكاش بتدفع مصاريف شحن اكتر وبيوصلك فى ايام اكتر من الفيزا
التوصيل: بيوصلوا المنتج للعنوان اللى كاتبه (بيت- عمل)
بيكلموك فى نفس يوم التوصيل للتاكيد انك موجود فالعنوان
فعلا فى حاجات بتيجى غلط
طلبت مسند يد للعربيه- فالصوره لونه اسود- جالى رمادى
طلبت طقم مفكات 35 قطعه جالى 21
جبت تي شيرت لارج وطلعت صغيره
الاسترجاع بيتم عن طريقهم, والفلوس بترجه فى خلال اسبوع
فى حاجات صعب تشتريها اون لاين زى جزمه- الصوره حاجه ولما تلبسها حاجه تانيه
حاول تشترى حاجه معلهاش اختلافات كتير
مثلا شمعات فيلتر مياه- اسلاك- كشافات- عده-----------------الخ
دا رقم خدمه العمله:
21602000
معامله احسن من خدمه عمله TeData
جربه - حاول تقراء كل البيانات للمنتج- لو عندك استفسار كلمهم وهم هيكلموا البائع
مثلا لو المنتج مش واضح هل بيجيى معاه ضمان والضمان قد ايه مثلا
مش نصاب
والدور عليك تاخد من بائع تقييمه عالى وتشترى حاجات مفهاش لغبكه
ولك حق الاسترجاع
انا جربت سوق كتير جدا واشتريت منه حاجات كتير
وخدمته ممتازة ومره جت لي حاجه بطريق الغلط ورجعتها بكل سهوله
بس المهم تشتري من بائع يكون موثوق منه
زي DOD-EGY
لان ده بيكون موقع سوق نفسه مش فرد بيبيع من خلال الموقع
اخر مرة اشتريت تلغزيون توشيبا led
عملت الاوردر يوم العصر وصلني اليوم اللي بعده الطهر
وجه بحاله ممتازة وكان بدون رسوم شحن في العرض