الموضوع: أشتري سيراميك منين ؟

المشاركة الأصلية كتبت بواسطة dream_man

حدد البراند اللى انتا عايزة الاول ياعنى الجوهرة ولا كلوباترة ولا حاجات تانية
البلاط المعروض المكسر دة مش دليل على شئ . دى كام بلاطة للعرض فقط ومن كتر الشيل والحط ممكن تتكسر عادى . ياعنى دة مش مقياس ياعنى على شان تقييم على اساسة الجودة
ملحوظة هامة .السعر المكتوب دة مش سعر البيع . دة سعر وهمى هما حاطينة لاسباب كتير منها المنافسة بين التجار علشان ميعرفوش سعر بعض .. ومنها علشان يححسوا العميل انهم عملوا الواجب معاة وعملولو خصم لما يشترى ةيتقالوة بقى عمالنالك خصم 50 % و 80% و50+ 20 % والهجص دة كلة
نصيحة وانا كنت شغال فى السيراميك
روح اتفرج فى معرض كبير وصور الموديلات اللى تعجبك وخاصة لو ليها اسم او كود
روح بعد كدة عند التجار وفرجهم على الموديلات اشترى منهم هتلاقى السعر اقل من المعارض الكبيرة
انا كنت شغال فى سيراميك كلوباترا ولما جيت اشترى ليا جبت من الفجالة
بالتوفيق

والله مش فارق يا باشمهندس الماركة لانى مش بفهم فيهم انا بالنسبالى الاهم الشكل و تكون بلاطة كبيرة و للاسف الاهمال الى واجهناه فى مظلوم فرع عزبة سعد و كليوباترا الازاريطة خلانا منعرفش اصلا فين الخصم و فعلا بفكر اجيب من السوق العادى بس باسم الموديل بس خايف ليكون فيه لعب و يبيع الفرز الاول تانى و هكذا

المشاركة الأصلية كتبت بواسطة أبو صلاح

افضل سوق سيراميك هو سوق المهاجرين وفيه كل المستويات والاسعار وفيه مولات كمان للسيراميك . تروحله من محطة الجراج جسر السويس تدخل عند مزلقان العشرين . او من الدائرى تنزل نزلة مؤسسة الزكاة وتمشى لحد كوبرى المهاجرين امام مستشفى اليوم الواحد . ولو عايز لوازم سباكة بافضل جودة وافضل اسعار في محل اسمه زين العابدين وده مول برضه مكانه عند محطة الورشة بجوار . الكلام ده عن ثقة وتجربة لان بيتى هناك

للاسف انا من اسكندرية و جزاك الله خيرا و اكيد ردك هيفيد اعضاء القاهره

المشاركة الأصلية كتبت بواسطة mu7ammed

انت بتتكلم بجد 300 جنيه متر سراميك ليه ؟!!!!

تصدق و تؤمن بالله ان ال300 جنيه دول للسيراميك الحلو و ممكن اصدمك و اقول لحضرتك انه اقسم بالله فيه الروعة اوى الى يبقى نفسك فيه تلاقيه ب800 و بألف وى و اغلب الاحجار بتبدأ من 500 حتى 3000 للمتر يعنى لو اخدت راحتك و فكرت تنقى هتحسبها مثلا لو الشقه 200 متر سيراميك بالحمام و المطبخ زى عندى هتلاقى نفسك 200×500 = 100000 متخيل انه ب100 الف جنيه سيراميك ؟ دة المتوسط فيه اغلى بكتير و ال ايه انا كنت رايح اجيب العرض او 7000
اقسم بالله دى الحقيقه و كنت مندهش جدا و مرضتش اقول الاسعار دى فى الموضوع من الاول لحسن الناس تفكرنى بكدب بس الى مش مصدق يروح يشوف المنظر بنفسه لحسن فيه ناس هتقولك دة بيسخن الناس على البلد هيا اصلا سخنه لوحدها
و الفكرة مش فى انه الى ممعاهوش ميلزموش الفكرة انه فيه ناس كتيرة فعلا بتجيب و هل مش من حقك انه يبقى عندك حاجة نضيفه حتى بالحلم ؟ يعنى عشان تبقى شاب ناوى تتجوز لازم تبقى حرامى يا اما نقتل الناس و نسرقها يا اما نموت نفسنا بقى

المشاركة الأصلية كتبت بواسطة أبو صلاح

ياباشا التوفير والتشكيلة اللى هتلاقيها يستاهل المشوار
والعربية تنقلك لاسكندرية في حدود 500ج

معلش يا باشا انا عارف ان الاسئلة الى هقولهالك رخمه بس احنا فى عرض توفير القرش فى اللحظة دى يعنى السيراميك الكبير مقاس 60 فى 60 اسعارة فى حدود كام لانى خايف اضرب مشوار السفر دة على الفاضى و بالنسبه لانى من اسكندرية لو نزلت رمسيس اركب ايه عشان اروح ؟