الموضوع: مشكله في قراءة هارد اللاب

جوه البرنامج ظاهرين انهم فورمات NTFS ام حاجه تانيه ؟

حاول تعطيهم حرف من جوه الويندوز Disk management .. و شيك Chkdisk على كل البارتيشن

الدريفات زي ما هيا ظاهرة في الصورة كدة

انا شايف انك عامل ال 3 بارتشن Primary .. ليه ؟؟ .. لاحظ ان الويندوز احيانا بتخفى البارتشن ال Primery و بتظهر واحد بس اللى هو Active ( اللى عليه الويندوز ) .. يعنى ممكن جدا انها اظهرت ال C و اخفت الاثنين الاخرين علشان هما Primary



جرب الاتى :

انا شايف البارتشن اللى بعد ال C على طول فيه 700 ميجا بس ( المفروض يبقى ده D ) .. انقلهم لمكان تانى .. فيه امر بيحول ال Primary الى Logical .. حوله و ادي له حرف D مثلا .. و شوف حيبان معاك ام لا

.. او لو مفيش امر التحويل .. اعمل فورمات للبارتشن ده بس Logical و ادى له حرف .. و شوف حيبان ام لا

.. و ممكن لو لم يظهر اعمل Delete له و انشأه من جديد بس Logical




لو ظهر معاك ال D .. يبقى ناقص البارتشن الثالث ُE و ده عليه 29 جيجا .. تعمل احد الاتى

.. تعطى امر يحول ال Primary الى Logical .. بس اتأكد ان البطاريه مشحونه كويس و لا تقاطع العمليه اثناء التنفيذ علشان الداتا لا تفقد

.. لكن الطريقه الامنه .. انقل كل الداتا على ال D او هارد اخر قبل اى شيئ .. ثم نفذ ما نفذته سابقا لاصلاح البارتشن D




و بعدين انا شايف 351 ميجا قبل ال C .. و واخدين Logical .. ليه ؟؟ .. هى ده جايه مع اللاب اصلا ام انت عملتها ؟؟

لو جايه مع اللاب جديد يبقى سيبها .. بس انا شايف انها غير مستعمله اصلا و ليس عليها اى داتا

هل اللاب ده قديم و حصل فيه مشكله فى البوت سكنور و حد نقل ال C للامام قليلا .. ام ان حد قسم الهارد غلط من البدايه ؟؟ .. ام هو فيه باد سكتور مثلا و حد نقله بعيد شويه

لو مفيش حاجه من الاسباب اللى فوق .. يبقى تعمل Move للبارتشن C بحيث يكون المساحه قبله صفر .. ثم تعمل Resize لل C لغايه ما يوصل لبدايه ال D ( اللى هى ال 351 ميجا )