الموضوع: استفسار-لانشيا ديدرا

بعد التحية للمحترمين في المنتدى الكبير

انا مقبل على شراء لانشيا ديدرا لاني شايفها اكثر فخامة من التيمبرا..

سعرها 40 الف موديل 96 موتور 1400 زجاج امامي كهرباء وشنطه ومرايات وتنك كهرباء الحاله العامه من الصور جيدة لكن الفحص يوم الجمعه

صاحبها قالي حاجه انه مركب طرمبه بنزين عاديه مع امكانيه تشغيل الكهرباء اذا حبيت ومركب كربراتير واسبراتير ويعتبر لاغي الكنترول.. والعربيه بتاخد بنزين 80.

هل اللي هو مغيره يأثر على اداء العربيه في ظل انه يعتبر لاغي الكنترول؟ وهو فيه لانشيا 1400؟

وشكرا ليكم

تمام طمنتني ☺
هو شكله موتور متسقط لان تقريبا مبتنزلش ب 1400 لكن خير المهم انه هيبقى سهل الصيانه.

كمان انا كان معايا ابيزا 98 بس عشان الوسع ورخص قطع الفيار بعتها وفكرت في حاجه فيات، هو الكنترول فيها موازي لكنترول الالماني لان البايع بيقولي يعتبر الكنترول مش شغال فخايف يبهدل حساسات خاصه ان الابيزا كان اكتر من حساس مرتبط بالكنترول

هي علي 40 الف اكسر معله لكام؟؟ وجزاك الله كل خير

جزاك الله كل خير استاد الفاضل فدتني كتير.
بس جه في بالي التيبو كمان لان الحاله هي الفيصل
انت شايف التيبو عمليه ولا لا وواطيه ولا زي الابيزا؟
معلش تعبتك معايا وربنا ما يوقعك بفي حيره هههه

والله لاني محتار ومتذبذب خايف مازالاقيش تمبرا حاله حلوه فلقيت اللانشيا قدامي وكمان ناس كتير بتشكر فيها.. كمان بشوف اعلانات بس في اسكندريه والقاهره ولاني من بورسعيد بضطر اتجاهلها..

سؤالزفي الانشيا هو معنى انه عامل طرمبة عاديه ولاغي الكهرباء كده العوامه هتقرأ؟؟ لان الابيزا اللي كانت معايا كانت العوامه في الطرمبه.

حاجة اخيره لو تعرف تمبرا كويسه قولي او لو حبيت تبيع ربنا يباركلك فيها.. وهو حضرتك منين؟؟؟

تمام ربنا ييسر ويبارك فيك تعبتك
خلاص منتظرك ترد عليا باذن الله وان كان اسرع هيبقى افضل لاني هتفرج بكره على عربيتين كنت كلمت اصحابهم من 3 ايام وان شاء الله حتى لو شوفتهم هرد عليهم لما تردلي
وفي كل الاحوال تشرفت بمعرفتك
ودعواتك لاني كنت راكب ابيزا 98 وبعتها ب 39 الف بسبب قطع الغيار غاليه عن الفيات كمان كان الموتور 2e استهلاك فاحش للبنزين فعايز اما اشتري بالمبلغ اللي معايا بس حاله تمام عشان مش هيكون معايا اصرف عليها او اشتري حاجة متوسطه واصرف وربنا ييسر

شكرا ليك

رأى شخصى فقط:

التمبرا و التيبو و اللانشيا مش هيفرقوا كتير فى قطع غيار الميكانيكا و العفشة...( باستثناء موضوع الكربراتير و الحقن)
بس قطع غيار الصاج و الاكسسوارات هتبقى متوفرة اكتر للتمبرا...و بالتالى هتبقى عملية اكتر منهم

التيبو على حد علمى مشتركة مع التمبرا فى الصالون و الاربع ابواب

اعتقد التمبرا هتبقى اختيار كويس بالنسبة لميزانيتك بس اهم حاجة الحالة...يفضل ما تجيبش عربية اتلعب فيها كتير ...ربنا يرزقك بحاجة كويسة