بإختصار أنا بستعمل طريق وصلة دهشور ليلياً ويومياً "من محور أكتوبر المركزى ميدان جهينة يمين إلى طريق مصر إسكندرية الصحراوى وهو طريق مزدوج إضاءته دايماً متعطلة خاصة في تقاطعاته" وشوفت عليه فى خلال سنتين حوادِث ملهاش عدد ففكرت إني لو إشتريت إستيكر فسفورى ولزقته على العواميد أو الشجر القريب من التقاطعات فقد أنقذ حياه ويكون ليا ثواب.

وأعتقد إنه خاصة فى خارج القاهرة هناك الكثير من الأماكن المشابه من تقاطعات مظلمة أو منحنيات صعبة بيحصل عليه حوادث وإنت بخبرتك بهذا الطريق تعرف أماكن خطورته وإتعلمت كيف تتفاداها فحاول نقل خبرتك للآخرين.

- حد حصل طريق مصر إسكندرية الصحراوى زمان فى أوائل الثمانينات أو ما ركبوا فيه عين القط الفوسفورية كانت بتحدد الطريق لمسافة كبيرة أمامك حتى بدون الضوء العالي ولو أى حاجة لو حتى حيوان "كلب مثلاً" إتحرك على الطريق كنت بتلاحظ إنه قطع خط الضوء الفوسفورى.

- بالمناسبة فى الولايات المتحدة لا توجد عواميد إضاءة على الطرق السريعة HighWays فقط تخطيط حارات المرور جيدا + علامات فوسفورية واضحة
ذلك يفى بالغرض ( عين القط الفوسفورية فى الدول المتقدمة لا تغطس فى الأسفلت زى عندنا لأن الطرق السريعة هناك تحتها طبقة خرسانة على الأقل 20سم ) ودى قصة تانية أنا موش فاهمها إن إحنا الدولة الفقيرة بنكلف كل عمود إضاءة صوديوم موش أقل من 1000 جنية + كابلات + كهرباء سنوية غير صيانة ولمبات يعني الفلوس ديه إتصرفت على سفلتة ممتازة وعلامات فوسفورية مش كان أوفر بدل ما يغلوا علينا الكهرباء ونوصل لمجاعة كهرباء فى مصر ( إيه رأيك فى ليل مصر بالطيارة مقارنة بدول أغنى ؟؟؟ )

"Good Drivers Just Drive"
"Safety Comes First"