نداء و رجاء للأخوة بتوع العربي المكتوب بحروف حلبنتيشي

**أشرف العدوي** · 03-12-2008 01:39 PM

m3a2 7a2
انا كمان بنفض للمداخلات المكتوبة باللغة دي
بحس اني بضيع وقت

**R A N A** · 03-12-2008 02:12 PM

انا كمان بتخنق اوي الصراحة لما بشوف مداخلات مكتوبة كده واحيان كتيرة اوي بنفضلها ومش بقراها لانها فعلا مرهقة ومحتاجة وقت ومجهود ذهني وبصري اكتر ، ف علي ايه يعني ان شاء الله عنها متقرت اصلا .

ولما كان حد بيكلمني بالطريقة دي اقولهم يإما نتكلم عربي صرف يا إنجليزي صرف وانا بعرف اتعامل بالاتنين كويس جدا ومش بغلب يعني افهم واترجم وارد واتكلم وكله
بس فرانكوا اراب ده بصراحة بيرهقني ومش بستخدمه الا في حدود قليلة جدا (لو مثلا الكي بورد علقت مثلا او على الموبايل) وبعد جملتين تلاتة الاقي نفسي بقيت بطيئة لاني بقعد افكر وانا بكتب وانقي الحروف بتاعة الفرانكو وازهق واقول علي ايه الدوشة دي ماله العربي يعني واروح مكملة عربي وكمان بحس اني بعبر احسن بالعربي رغم اني احيانا بدخل في محادثات كاملة من اولها لاخرها انجليزي ومع اجانب كمان ودراستي في الكلية كانت انجليزي متخصص لكني بفضل العربي بصراحة بحسه اقرب بكتير
رغم اني مش قادرة اتخلص من عادة سيئة وهي اني ساعات يعني بقول كلام انجليزي في النص كده لو لساني مسعفنيش يعني بكلمة عربي او الكلمة العربي اتقل او معناها ابعد شوية من المقصود بس هاحاول ابطل العادة دي .

بس بجد احييك ياستاذ توت :k10: عشان الموضوع ده فعلا استفزني كتير وبقيت لما اشوف اي موضوع او مداخلة مكتوب بالفرانكوا اراب انفضله ومقراهوش اصلا مع انه ممكن يكون يحوي كلام مهم بس بكسل اقراه بصراحة .

**جمال** · 03-12-2008 02:19 PM

انا معاك يا استاذ توت , كلامك صح جدا
انا فعلا بأتجاهل الردود او المواضيع المكتوب بهذه الطريقة اللى هى لا عربى و لا انجليزى
كان فيه موضوع فى المنتدى عن هذا و رد احد الاخوة الافاضل بأنه حر فى طريقة كتابته و كان ردى عليه باننى ايضا حر فى عدم قراءة ذلك

**kareem_Ashmawy** · 03-12-2008 03:44 PM

اه فى حاجة كمان
متسوش ان ال sms بتاعت الموبايل لو هتكبها بالعربى 70 حرف بس انما لو باانجليزى 160حرف
عشان كده لقيت نفسى بكتب كل ال sms على الموبايل بالفرانكو