رايكم في فورد فوكاس ال 1000 cc الجديدة

**hamdy** · 26-10-2016 12:31 PM

كنت عايز اسئل ياجماعة ايه رايكم في الفورد فوكاس ال1000 سي سي الجديدة و خصوصا انها 3 سلندر و موتور تيربو اللي هي الايكو بوست
من حيث المميزات و العيوب وجزاكم الله خيرا

**Ahmedology** · 28-10-2016 10:33 PM

كانت نازلة من شهر أول ما اعلنوا عنها بسعر تنافسي جدا. ساعد فيه موضوع عدم الجمارك عليها عشان سعتها الصغيرة. جه بعد كدة التوكيل ابن الو**ة زوّد في سعرها تلاتين ألف جنيه في غضون شهر وإن كان عاجب!

**ehabomar1987** · 30-10-2016 04:38 PM

كلام ا.احمد صح انا كنت حاجز العربية على 205 الفئة التانية Trend وقالولى هاستلم فى نص شهر 11 وبعد كده فى الوقت ده العربية غليت 3 مرات كل 15 يوم تعلى 10 لحد لما وصلت دلوقتى 245 روحت لغيت الحجز وقولت اشوف عربية تانية وكل ده ولسة مكنتش استلمت يعنى كنت هاستلم على حوالى مثلا 260 او اكتر على ايه يعنى مع انى كنت حاجز فى الدفعة التانية اللى جاية

**Ahmedology** · 01-11-2016 07:46 PM

أقسم بالله الهبل ده ما يتسكتش عليه أبداً، أنا بعت لصفحة فورد مصر على فيسبوك وردوا عليا بالأسعار النهاردة:

سعار السيارة فورد فوكاس سيدان 1.0ايكوبوست موديل 2016
Focus 1.0 4DR Base 255,000
Focus 1.0 4DR Trend 270,000
Focus 1.0 4DR Sport 290,000
Focus 1.0 4DR Titanium 325,000للتعرف على مواصفاتها بالكامل يرجى تحميل الكتالوج الخاص بها من الرابط التالى:
Ford Focus 1 0L 2016 1st Print - Red
فورد فوكاس 1.0 هاتشباك ايكوبوست موديل 2016
Focus 1.0 5DR Base 250,000
Focus 1.0 5DR Trend 265,000
Focus 1.0 5DR Sport 285,000
Focus 1.0 5DR Titanium 320,000للتعرف على مواصفاتها بالكامل يرجى تحميل الكتالوج الخاص بها من الرابط التالى
Ford Focus 1 0L 2016 1st Print - Red

خمسة وستين ألف جنيه زيادة في تمن عربية في ظرف 45 يوم؟ إيه القذارة دي؟ ده غير أصلا إنها كانت نازلة غالية عن سعرها برا مع الأخذ في الاعتبار انها معاليهاش جمارك، بس قلنا مش مشكلة، مكسب للتوكيل ونقل ورشاوي ودعاية بتتعمل، لكن ييجي يزوّدها خمسة وستين ألف كمان، يعني تلت تمن العربية في خلال ست اسابيع بس يبقي اسمه استهبال :@

**emam** · 02-11-2016 02:37 PM

فعلا الاسعار بقت استهبال رسمى من الوكيل - بس اعتقد ان صاحب البوست يقصد رايكم فى العربية كعربية من حيث الاداء هيكون مناسب لعربية3 سلندر على الحجم دة وهتبقا كويسة ولا يبعد عنها وبنزين 92 هيبقا مناسب ليها ولا لا .

**ehabomar1987** · 02-11-2016 11:58 PM

الفكرة ان محدش هايعرف يفيد صاحب البوست عن العربية علشان الدفعة الاولى لسة واصلة والتوكيل تقريبا لسة مسلمهاش للحاجزين علشان يستفيد بفرق السعر يعنى مدحش جرب لسة العربية علشان يقدر يحكم عليها وحتى العربية ال test drive اللى موجودة اكيد الوكيل هايهتم بيها وبعد كده انت تستلم العربية ولو منفعش معاها ال 92 يقولك انا مليش دعوة بان البنزين مغشوش اكيد هايبقى اهم حاجة عنده المكسب وبس