شكر للاستاذ محمد ممدوح على نصيحته للميكانيكى محمد عبده

**mramzy** · 03-12-2008 10:46 AM

انا حبيت اقدم الشكر للاستاذ ممدوح على نصيحته عن الميكانكيى محمد عبده اللى دل ناس كتير عليه
هو بصراحه اقل ما يقال عنه انه محترم وفاهم شغل كويس
والورشه كويسه وناسها كويسين ومتعاونين جدا
ربنا يجازيهم خير وانا بعت رساله خاصل للاستاذ ممدوح اشكره فيها وياريت الناس اللى عايزة راجل بيفهم كويس هونداى او دايو او لانسر يروحله وهو مطمئن
الف شكر

**r0xer** · 03-12-2008 11:43 AM

ياريت تكتبلنا تجربتك معاه..؟ كان عندك مشكلة في ايه وعربيتك نوعها ايه وحلها في قد ايه واخد كام..؟

وطبعا الزعيم ممدوح دايما بيعرفنا بناس ملهمش حل..

**mramzy** · 04-12-2008 10:08 AM

انا عربيتى ماتريكس 2006 اتوماتيك
غيرت سير كاتينه
ومجموعه السيور والبلى الخاصة بمجموعه الكاتينه
وتيل فرامل امامى
وفلتر وزيت فتيس اتوماتيك
وتربيط عافشه ورجلشه الفرامل ومراجعه الفلاتر
يعنى باختصار زيه زى التوكيل
وكل ده اخد مصنعيه 200 جنيه
جدعنه منه علاشن انا من طرف استاذ ممدوح

**shady_elkady** · 04-12-2008 10:34 AM

المشاركة الأصلية كتبت بواسطة mramzy

انا عربيتى ماتريكس 2006 اتوماتيك
غيرت سير كاتينه
ومجموعه السيور والبلى الخاصة بمجموعه الكاتينه
وتيل فرامل امامى
وفلتر وزيت فتيس اتوماتيك
وتربيط عافشه ورجلشه الفرامل ومراجعه الفلاتر
يعنى باختصار زيه زى التوكيل
وكل ده اخد مصنعيه 200 جنيه
جدعنه منه علاشن انا من طرف استاذ ممدوح

بس انا شايف مصنعية 200ج كتير على الى اتعمل لو عملت عندة عمرة هياخد مصنعية كام؟؟؟ طيب التوكيلات بيسرقونا بمزجنا و رسمى لاكن فى و رشة كتير

**ehab77** · 04-12-2008 10:58 AM

انا شايف برده كتير يعنى ممكن نفصلها مع بعض :
تغيير سيور وبلى كتينة = 50ج اقصاها
تغيير تيل فرامل ورجلاش = 20ج اقصاها
فلتر وزيت اتوماتيك =20ج اقصاها
تربيط عفشة = هى المفروض مجانا بس قول 15ج اقصاها
اجمع كل ده مايعملش 110ج
انا شايفه كتير وده راى!!!!!!!!!!!!!
الله اعلم

**mramzy** · 04-12-2008 12:13 PM

والهل انا سالت اكث رمن واحد قبل ما اروح على سير الكاتينه بس الاسعار بتتراوح من 100 -150 - بينى وبينك مقابله الرجل وزوقه وانه امين برضه ليها فلوس وبعدين الرجل لقى زيت الباور ناقص زوده من عنده فرى لقى ميه خضرا ناقصه برضه زودها فرى ي- غسل موتور كامل يعنى عمل كل حاجهبصراحه وعموما علشان ذوقه برضه انا مسامح ربنا يبارك له والله دى خبره لينا كلنا وكلنا بنتعلم من بعض لو فيه عندك حد كويس مفيش مانع اننا نتعامل معه
كلنا عايزني نفيد ونستفيد

**MMamdouh** · 04-12-2008 02:39 PM

احب بس اوضح حاجة صغيرة للناس... اللى حيروح للتوكيل عشان يعمل نفس القصة حيلاقى عبدة برضة هو اللى بيعملها لانة شغال فى التوكيل... و ساعتها حيدفع اكتر من 200 جنية بكتير

تغيير سير كاتينة ز بلى عمرة ما قل عن 80 جنية مش 50 و تغيير فلتر الزيت الاوتوماتك اصعب بمليون مرة من تغيير الزيت بتاع الموتور و بالتالى عمرة ما حيبقى ب 20 جنية و بصراحة اول مرة اسمع عن تربيط عفشة مجانا و نسيت تضيف رجلاش الفرامل الخلفية و غسيل الموتور و زيت الباور و الميه الخضراء (دول اللى مجانا فعلا)

عموما دى حرية شخصية... اللى عايز يروح لبلية الميكانيكى و يعمل الصيانة دى بربع جنية.. هو حر

انا شخصيا افضل واحد فاهم من التوكيل هو اللى يشتغل فى عربيتى و يعمل نفس شغل التوكيل و اكتر بشوية و ياخد اقل من التوكيل احسن ما اروح لواحد بتاع كلشنكان يعجن فى العربية و معرفش اخد منه حق ولا باطل و اضطر اروح للتوكيل عشان العربية تتصلح ( و سخرية القدر ان عبدة اللى حيشتغل فيها هناك) و الاقى نفسى دافع 800 جنية و ربع (800 للتوكيل و ربع جنية لبلية) عشان استغليت 200 جنية فى شغل التوكيل اللى بيعملة صنايعى التوكيل برة التوكيل

على الاقل عربيتى قدام عينى و شايف كل مسمار بيتفك و يركب ازاى و اقدر اتكلم مع الصنايعى و اقولة اعمل دى و سوى دى و متعملش دى و اسالة على كل اللى انا عايزة براحتى بدل ما ابقى قاعد فى استراحة و بينى و بيت عربيتى 100 متر و مش فاهم مين بيعمل ايه فين.

MMamdouh