مسألة اجتماعية تدمى القلوب

**عﻻء سالمان** · 29-10-2016 12:31 PM

اﻷطفال الى دون الخامسة و بتتخطف من المدارس والنوادى والموﻻت .. ومحطات المواصﻻات واماكن ااتجمعات ﻻ فية ألية عند الشرطة تشتغل و ﻻ الناس بتساعد بعض..لو تم انشاء صفحة كبيرة تتجمع فيها المواضيع دى و يتحدد فيها كل طفل اتخطف امتى و من فين مع الصور و تنزل احدث الصور لأطفال نزلو على المﻻجىء او اﻷقسام او راحو دور ايتام او ناس شيفاهم وسط اسرة عارفيم انهم مش تبعها نساعد اﻷسر المدبوحة دى ونساعد الشرطة حتى نلم من بعضنا ونعلن عن مكافئات مجزية للى يتسبب فى رجوع طفل مخطوف لأهلة..بس مين هينشئ الصفحة و مين هيعملها دعاية على الصفحات الكبيرة الواسعة اﻻنتشار.. تعرفوا من كام يوم مدرسة مشهورة اتخطف طفل من امامها.. اهلة جابو بلطجية تكسر المدرسة ..يعنى ال هو دة الى هيرجعة ..مش عارف لية ناس كتيرة مبطلة تفكر وعايشين زى الهمج

**samyyousef** · 29-10-2016 03:24 PM

فكره كويسة طبعا، بالنسبة لحالات الخطف العادية
اما لو ان الخطف تم عن طريق عصابات منظمة بقصد تجارة الاعضاء...فاحنا امام مشكلة تانية خالص

**tasaka** · 29-10-2016 10:30 PM

هو احنا ووصلنا للمستوى ده من القذاره و الاجرام فى مصر ؟؟

انا مذهول من اللى قرأته

**Colin Chapman** · 30-10-2016 06:32 AM

المشاركة الأصلية كتبت بواسطة tasaka

هو احنا ووصلنا للمستوى ده من القذاره و الاجرام فى مصر ؟؟

انا مذهول من اللى قرأته

ولسه كمان لما الفقر والجوع يزدادو شدة على الناس ولما عدد الفقراء والجوعانين يزيدوا كمان ابقى اتفرج على اكبر شر فى مصر اكتر من كلومبيا والمجر وصقلية !!

**lena jo** · 30-10-2016 06:20 PM

حسبي الله و نعم الوكيل . يوجد اكثر من صفحة بخصوص هذا الموضوع علي ال facebook
https://www.facebook.com/%D9%88%D9%8...0320138769300/

و https://www.facebook.com/AbsentPeopleOfficialPage/

**tasaka** · 30-10-2016 09:35 PM

المشاركة الأصلية كتبت بواسطة colin chapman

ولسه كمان لما الفقر والجوع يزدادو شدة على الناس ولما عدد الفقراء والجوعانين يزيدوا كمان ابقى اتفرج على اكبر شر فى مصر اكتر من كلومبيا والمجر وصقلية !!

الفقر و الجوع لا يمكن يغير انسان كريم شريف .. ابدا

ده الحيوانات ما تعملش كده .. يا خساره عليكى يا مصر

**EgyArmy** · 31-10-2016 10:06 AM

انتوا طيبين اوى موضوع الخطف بقى عادى فى مصر رغم انك من كام سنه كدة كان ممكن جسمك يقشعر لما تلاقى حد بيقول عيل تاه او اتخطف حاليا عادى

على فكرة انا قريب شوفت حادثه فى باكوس و الى ميعرفش باكوس احب اقوله دة فى زحمه الموسكى و اكتر و واحد هرس واحد بعربيته و اقسم بالله محدش بص ولا للى مرمى ولا للعربيه الى كانت ماشيه على اقل من مهلها لان الطريق اصلا ولا ناس ولا عربيات بتمشى فيه و الوحيد الى اتكلم واحد بص و هوا مرمى و قال الحمد لله انه لسه عايش دى كانت ممكن تجيب اجله لا خبطه جامدة اوى بصراحة و انا صوتى اتنبح على السواق عشان يقف و الناس كانت بتبصلى على اساس انى اهبل و لما اختفى سكت حسيت فعلا انى اهبل و اتكسفت و شكلى مش هكررها تانى بلد متستاهلش الواحد يضيع ثانيه فى التفكير فيها