شراء سياره عليها حظر بيع و تكمله اقساط

سلام عليكم :


لو سمحتم عايز اسال عن الاجراءات و الضمانات الواجب اتباعها في حاله شراء سياره عليها حظر بيع و تكمله اقساط

بمعني اني هشتري سياره من شخص و هكمل اقساطها مكانه و طبعا السياره عليها حظر بيع فللاسف مش هينفع نعمل عقد بيع و لا نقل ملكيه لانه السياره باسم البنك و عليها حظر بيع

فما هي الضمانات لحقي اني بعد ما اخلص الاقساط كلها المتبقيه اقدر انفل ملكيه السياره خصوصا ان صاحب السياره هيسافر للخارج

1- احنا توصلنا لاننا هنكتب توكيل بالاداره و التعامل مع المرور و الجمارك و التراخيص واكني سواق و و ده توكيل في الشهر العقاري (هل يجوز انه يتكتب فيه ان يحقلي بيع السياره لنفسي و للغير و انه توكيل غير قابل للالغاء في نفس توكيل الاداره مش توكيلين ؟؟

2- عقد بيع ابيض باسم و موديل السياره و لونها فقط دون رقمها اللوحه و لا رقم الشاسيه لضمان حقي ف اني ليا عند الشخص ده سياره بالمواصفات دي دون تحديد ارقام اللوحه او الشاسيه عشان هيا عليها حظر بيع حاليا

3- ايصالات امانه بالاقساط كلها لضمان حق البائع اني هدفع الاقساط مكانه

4- ايصال امانه بكامل مبلغ السياره لضمان حقي انا كمشتري

فهل الاربع ضمانات دي كافيه لاثبات حقي و لا ممكن الشخص يتوفي و وريثه او وكيله يقوم ببيع السياره لشخص اخر و القانون لا يحمي المغفلين و لايوجد اثبات لحقي

وسوال كمان هو انا اقدر استفيد بالتامين اللي هدفعه مكانه و لا لأ ؟ بمعني ان لو حصل حاجه للعربيه و هي معايا و عايز التامين يصلحها هل لازم يكون هو موجود عشان و ثيقه التامين باسمه و لا ممكن انا اتعامل معاهم عادي عشان معايا توكيل الاداره

يا ريت يا جماعه لو حد عنده معلومه يرد عليااااا ضروري

اعتقد كل الحاجات دي كافيه ،،، ده كفايه ايصال الامانه لوحده بس متنساش تأخد صوره بطاقته ،، و اسال محامي في نقطه لا قدر الله الراجل ده حصل له حاجه مثلا و مات قبل ما ينقل لك الملكيه و العربيه عليها حظر ،، ايه اللي هيحصل ساعتها ؟؟

أنا برده نفس الظروف المفروض اني اتفقت علي عربية شيفروليه أفيو 2016 بمبلغ 141500 عليها حظر بيع لحد هينتهي بعد أيام و اديته الفلوس مبقية فقط مبلغ 10 الاف لحد ما يخلص ورقها و يعملي عقد مسجل و رخصة باسمي و طبعا انا اللي هدفع التكاليف كده عادي و لا فيه اي حاجة المفروض اخد بالي منها